2 Samuel 1:11 - Maung A Balita Biblia

¹¹ Diad ermen nen David pinilat toy kawes to, tan onya met so ginawa na saray totoo to.

Maung a Balita Biblia

¹¹ Diad ermen nen David pinilat toy kawes to, tan onya met so ginawa na saray totoo to.

2 Samuel 1:11 Iomraidhean Croise

Genesis 37:29

Nen pinmawil ed samay bobun si Ruben tan anengneng ton anggapo lad may Jose, pinilat toy kawes to diad ermen to.

Genesis 37:34

Pinilat nen Jacob so kawes to diad ermen to tan nansolung na sako. Abayag a nanermen lapud si anak to.

Genesis 44:13

Pinipilat na saramay sanaagi iray kawes da a pangipanengneng day ermen da, impapawil da ra may sako ra ed beneg na saray asno ra, insan ira pinmawil ed siudad.

2 Samuel 13:19

Ininan toy dapul so olo to, pinilat toy kawes to, tan linma lan manakis a sankaakup toy lupa to.

2 Samuel 13:31

Inmalagey so ari, pinilat toy kawes to a pangipanengneng toy ermen to, tan tinmiblak ed dalin. Pinilat da met so kawes da ray kakaiba ton aripen to.

2 Samuel 3:31

Kanyan ingganggan nen David ed kinen Joab tan saray totoo to a pilaten day kawes da, mankawes iray sako, tan panermenan day Abner. Nen pompon, nanakar a tinmombuk si Ari David ed longun nen Abner.

2 Saray Arari 5:7

Kapambasa na ari na Israel ed samay sulat, pinilat toy kawes to a pangipanengneng toy inkagunigon to tan inkuanto, “Panoy panilalo na ari ed Siria a napaabig ko yan too? Dios ak sirin a walay pakayarid bilay tan patey? Mapatnag a labay toy mikolkol ed siak!”

2 Saray Awaran 34:27

nampatauli ka tan nampaabeba kad siak; ginebyas moy kawes mo tan manakakis ka nen nadngelan mo no panoy panusak ed Jerusalem tan saray totoon manaayam diman. Nadngel koy pikakasim,

Esdras 9:3

Nen nadngel ko ya, pinipilat koy kawes ko diad pangipanengneng koy ermen ko, ginogonut koy buek ko tan say balbas ko, insan ak inmirung a mapalaloy ermen ko.

Ester 4:1

Nen akabatan nen Mardokeo iray amin ya agawa pinipilat toy kawes to lapud mapalalon ermen to. Insan nankawes na sako, ininan to na dapul so olo to, tan nanakar-akar ed siudad a manogagaog tan mannangnangis na ampaipait,

Jeremias 36:24

Balet samay ari odino saramay opisyal ya akadngel ed sarayan amin et ag ira tinmakot odino angipatnag na pagbabawi ra.

Joel 2:13

Ipapuso yoy panermen yo; aliwan masarag so pampilat yod kawes yo.” Pawil kayod Katawan a Dios yo, ta maabagey tan mapangasi; sikatoy maanos tan totooren toy sipan to; sipaparaan a mamirdona, aliwan manusa.

Saray Gawgawa 14:14

Nen naamtaan ya nen Bernabe tan Pablo, ginabyas da ray kawes da tan batik iran linmad pegley na totoo. Iningal da,

Saray Taga Roma 12:15

Miliket kayod saray manliliket, tan minangis kid saray mannanangis.

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.