2 Samuel 1:10 - Maung A Balita Biblia

¹⁰ Kanyan dinagok tan pinatey ko, ta amtak ya ompatey met lamlamang diad katumba to. Insan ko inalay koronad olo to tan say pulsira ed taklay to tan inawit ko diad sika, katawan ko.”

Maung a Balita Biblia

¹⁰ Kanyan dinagok tan pinatey ko, ta amtak ya ompatey met lamlamang diad katumba to. Insan ko inalay koronad olo to tan say pulsira ed taklay to tan inawit ko diad sika, katawan ko.

2 Samuel 1:10 Iomraidhean Croise

2 Samuel 1:16

Insan inkuanen David ed samay Amalecita, “Sikan diliy amasabid laman mo na sayan agawad sika. Sinintinsiaan moy dusa so sikan dili diad impangibagam a pinatey moy lakin pinili na Katawan a manari.”

2 Samuel 1:9

Insan inkuanto, ‘Gala dia ta patey mo ak! Mapalaloy inkasugat ko tan ompapatey ak la.’

2 Samuel 12:30

Say talintaoy dios na saray Ammonita a si Milcom et walay balituk a korona to a mambelat na sakey a talomplo tan apat a kilo, walay mablin bato ed samay korona. Inala nen David imay bato, insan to inyan ed korona to. Amayamay met ni ray nala ton bengatla ed siudad,

2 Saray Arari 11:12

Insan impaway nen Joiada si Joas, kinoronaan to tan inter tod sikato ray ganggan a nipaakar ed panari. Alanaan tan nibawag a manari si Joas. Nantitipak iray totoo tan ineeyag da, “Andokey komun so bilay na ari!”

Saray Tagleey 5:16

Anggapo lay nakdaan ed amin da ray ikikinon mi. Nankasalanan kami, kanyan pangaskasiyay kipapasen mi natan.

Mateo 7:2

Ta no panoy panisintinsia yod arum a too, ontan met so panisintinsia na Dios ed sikayo; tan no panoy panusukat yod arum a too, ontan met so panusukat na Dios ed sikayo.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

Saray Huis 9:54

Insan to tinawag a tampol so tobun-balon umaawit na saray armas to tan kuantod sikato, “Bagut moy ispadam, ta patey mo ak. Ag ko labay a nibagan sakey a bii so amatey ed siak.” Kanyan dinoyuk na samay tobun-balo si Abimelec, et inatey.

1 Samuel 22:18

Kanyan inkuanen Saul ed kinen Doeg, “Patey mo ra!”—kanyan pinatey nen Doeg iran amin. Diad saman ya agew walomplo tan liman papari na Katawan so pinatey to; mansosolung na ipod ira yan papari.