2 Pedro 3:11 - Maung A Balita Biblia

¹¹ Lapud onyay pansumpalay amin a bengatla, nepeg a masanto so bilay yo tan nisaklang ed Dios,

Maung a Balita Biblia

¹¹ Lapud onyay pansumpalay amin a bengatla, nepeg a masanto so bilay yo tan nisaklang ed Dios,

2 Pedro 3:11 Iomraidhean Croise

Saray Salmo 37:14

Saray totoon maoges ooyusen da ray ispada ra tan pipinaten da ray pana ra, ta pateyen da iray mairap-bilay tan saray walad pankaukolan, ta ekalan day bilay iray manggagaway kaptekan;

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.”

Saray Salmo 75:3

Anggan nayegyeg so mundo tan onggiwgiw ya amin iray katoowan, pansiansiaen kon malet iray pundasion to.

Isaias 14:31

Kolyaot tan kerew kayo na tulong, amin yon totood siudad na Filistia! Takot kayo, amin yo! Ta onsasabin manlalapud baybay so makapal a dabuk—sakey ya olup na saray sondalo ya anggapod sikaray matakot.

Isaias 24:19

Nayegyeg so dalin, onletak, insan onsangi.

Isaias 34:4

Ondapul so agew, bulan, tan saray bitewen diad kapelag da. Naandi so tawen a singa kalokut na ikamen, tan napelag iray bitewen a singa kapelag na saray bolung a manlapud sangay ubas odino sangay kiew ya igos.

Mateo 8:27

Mankelaw iran amin tan inkuanda, “Anton too ya kasi, et pati say dagem tan saray daluyon et ontotoluk irad sikato?”

Saray Taga Roma 13:11

Nepeg yo yan gawaen lapud amta yo no anto la yan panaon. Panaon lan nepeg kayon onliing, ta say kilalaban tayo et magano la natan nen samay inggapo tayon manisia.

Saray Taga Roma 13:12

Ngalngali la mansamput so labi, tan ombubutay lay agew. Tondaan ti lay panggaway bengatlan kayaryay bilonget, tan egnaan ti la ray armas a kayaryay liwawa.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

FILIPOS 1:27

Kanyan, agagi, gawa yoy anggaay nayarian yon mambilay onung ed Maung a Balitan nipaakar ed Cristo. Diad ontan, makakar ak man ditan a nanengneng ta kayo o andi la, narengelan kon mansiasiansia kayod saksakey a getma tan mankakasakey kayon mangyagel ed Maung a Balita.

FILIPOS 3:20

Sikatayo balet, say tawen so tuan bansa tayo tan dimay panlapway Katawan a Jesu-Cristo, say Manangilaban tayo a pampilpilalekan tayon alagden.

1 TESALONICA 1:5

Ta say Maung a Balita et impulong mid sikayo aliwan diad panamegley na salita labat, no ag ingen nantekep na pakayari, tan diad tulong na Ispiritu Santo, tan ag min balut nanduaruwaan so katwaan to. Anengneng yo no panoy impanbilay mi nen wadtan kami. Ginawa mi man a pankaabigan yo.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

1 Timoteo 4:12

Ag mo aabuloyan a lemlemewen kay siopaman lapud kinaogaw mo. Ingen, sika komuy oliran da ray mananisia diad panagsalitam, kagagawam, panangarom, pananisiam, tan malinis a panagbilay mo.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

1 Timoteo 6:3

Siopamay mangibangat na nidoman bangat tan ag onabubon ed saray tuan salita na Katawan tayon Jesu-Cristo tan say bangat a nipaakar ed rilihion tayo,

1 Timoteo 6:6

Baleg a kayamanan so niiter na rilihion ed sakey a too ya amta toy mamasarag na antokaman a walad sikato.

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Santiago 1:24

Kanengneng to, ontaynan tan nalingwanan ton tampol so itsura to.

Santiago 3:13

Siopad sikayoy makabat tan makatalus? Nepeg ton ipanengneng diad panamegley na maung a panagbilay, tan diad maung iran gawan katekep na oyamo tan kakabatan.

1 Pedro 1:15

Ingen mambilay kayon masanto, a singa say Dios ya anawag ed sikayo et masanto.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

2 Pedro 1:3

Say pakayariy Dios et initdan to itayoy amin a bengatlan nakaukolan ed pambilay a matoor ed Dios, diad panamegley na pakapikabat tid samay anawag ed sikatayon minabang ed kagalangan tan kamaungan to.

2 Pedro 1:6

panagadya ed kakabatan yo, panaganos ed panagadya yo, inkatoor ed Dios ed panaganos yo,

2 Pedro 3:10

Balet onsabin singa sakey a matakew so Agew na Katawan. Diad satan ya Agew, naandipat iray katawenan a katekep na makmaknul ya ungol. Napoolan tan natonaw iray bitewen, say agew, tan say bulan; naandipat so mundo, pati amin a logan to.

2 Pedro 3:12

legan yon aalagdey Agew na Dios. Gawa yoy anggaay nayarian yo a mamaganod isabi na satan ya Agew, say Agew a kapoolan tan kaderal na saray katawenan tan, lapud petang, katonaw na saray bitewen, say agew, tan say bulan.