2 Pedro 3:1 - Maung A Balita Biblia

¹ Inararon agagi! Kumadwa la yan sulat kod sikayo. Diad sarayan duan sulat, sinalik ya ipaliing ed sikayo ray malinis a kanunotan diad panamegley na pangipanunot kod sarayan bengatla.

Maung a Balita Biblia

¹ Inararon agagi! Kumadwa la yan sulat kod sikayo. Diad sarayan duan sulat, sinalik ya ipaliing ed sikayo ray malinis a kanunotan diad panamegley na pangipanunot kod sarayan bengatla.

2 Pedro 3:1 Iomraidhean Croise

Saray Salmo 24:4

Saray totoon malinis so gawa ra tan say kanunotan da, ag ira mangigagalang ed saray diriyos, tan ag da isisipan so ag da nagawaan.

Saray Salmo 73:1

Peteg a say Dios maung so ipapanengneng tod Israel, diad saray malinis so puso ra.

Mateo 5:8

“Maliket iray malinis so puso ra, ta napinengnengan day Dios!

2 CORINTO 13:2

Natan ta arawi ak ed sikayo, ooliten kon ibagad saray nankasalanan tan saray arum imay imbagak la nen kumadwan inyakar kod tan: ag la ra makaliktar kasabik ditan.

1 Timoteo 5:22

Ag ka maganat a mangitapew na limam a pangiter mod siopaman na pakayarin mangipangulod kimey ed iglisia. Ag ka mibibiang ed kasalanay arum. Mansiansia kan ag namansaay kasalanan.

2 Timoteo 1:6

Lapud saya, ipanunot kod sikan mansiansia ka ed kimey ya inter na Dios ed sika nen intapew ko ray limak ed sika.

Saray Hebreo 6:9

Inararok ira, anggan onyay panangibaga mi, anggapoy panduaruwa mi a magmaung so kipapasen yo tan mamapaarap kayod kilalaban.

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.

1 Pedro 2:11

Inararok, lapud sangkaili kayon mimiayam labat ed sayan mundo, kekerewen kod sikayo ya ibeneg yo la ray maoges a pilalek na laman a milalaban ed kamarerwa.

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.

2 Pedro 3:17

Natan ta amta yo la ya, inararon agagi, nepeg yoy manalwar, ompan nibalang kayo na saray pikewet a bangat da ray totoon maoges, tan nataynan yod satay maung a kipapasen yo.

2 Pedro 3:8

Balet ag yo ya lilingwanan, inararon agagi: diad Katawan say sanagew et singa sanlibon taon tan say sanlibon taon et singa labat sanagew.

Judas 1:5

Anggaman a kabat yo la ya, labay kon ipanunot nid sikayo no panoy impangilaban na Katawan ed saray totood Israel diad impangipaway tod sikara ed Egipto, balet kayari to ya, dineral to ray ag anisiad sikato.