2 Pedro 2:21 - Maung A Balita Biblia

²¹ Maung ni komun ya ag da akabatay dalan a maptek nen say, anta akabatan da la, et imbeneg day masanton ganggan a niiter ed sikara.

Maung a Balita Biblia

²¹ Maung ni komun ya ag da akabatay dalan a maptek nen say, anta akabatan da la, et imbeneg day masanton ganggan a niiter ed sikara.

2 Pedro 2:21 Iomraidhean Croise

Saray Salmo 125:5

Balet dusam pa met iray mangoonur na maoges a kaliktan da, no dusaen mo ray manggagaway kaogsan. Manari komun ed Israel so kareenan!

Saray Salmo 85:8

Onderengel ak ed ibabagay Dios a Katawan; isisipan toy kareenan ed sikatayon dilin totoo to, no ag ti la pawilen so kaogsan tayo.

Probirbio 12:28

Say katonungan so dalan a mamaarap ed bilay; say kaogsan so dalan a mamaarap ed patey.

Probirbio 16:31

Say andokey a bilay et sikatoy tumang na saray totoon matonung; mapagalang a korona so ampotin buek.

Ezekiel 18:24

“Balet no say toon matonung et ontondan manggaway kamaungan tan onggapo lan manggaway kaogsan, a salanti saray makapaingungot a gagawaen na saray totoon maoges, mansiansia kasin mambilay? Andi! Ag la nanunotan iray antokaman a ginawa ton kamaungan. Ompatey lapud aliwan matoor tan lapud saray kasalanan to.

Ezekiel 23:13

Anengneng kon sigput so inkaimmoralidad to, a sikatoy maoges a singa si atsi to.

Ezekiel 3:20

“No manggaway kaogsan so sakey a toon peteg a matonung tan ipapasen kod maatap a kipapasen, ompatey no ag mo pasakbayan. Ompatey lapud saray kasalanan to—ag ko nunoten iray kamaungan a ginagawa to—tan singilen ta ka lapud impatey to.

Ezekiel 33:13

Nayarin isipan kon mambilay so maung a too, balet no nunoten ton masarag la ray ginagawa ton kamaungan insan igapo toy mankasalanan, ag ko nunoten so antokaman a ginagawa ton kamaungan. Ompatey lapud saray kasalanan to.

Sofonias 1:6

Pateyen ko ray angibeneg ed siak, tan ag da ak la totombuken, saray ag onsisingger ed siak odino papaiwanwan ed siak.”

Mateo 21:32

Ta linma diay Juan tan imbangat tod sikayoy maptek a panagbilay, et ag yo sinisia. Balet sinisia na saray sumisingil na buis tan saray marorotak a bibii. Anggaman a naimatunan yo ya, ag kayo nagbabawi tan anisiad sikato.”

Lucas 12:47

“Say aripen ya amta toy labay a pagaway amo to et ag to paraanan a gawaen, nasiplatay dakel.

Juan 15:22

No ag ak linma dia tan nambabangat, anggapo komuy kasalanan da. Natan balet; anggapo lay nibaraan dad kasalanan da.

Juan 9:41

Inmebat si Jesus, “No bulag kayo, anggapo komuy kasalanan yo. Balet ibabaga yon aliwa kin bulag, kanyan mansiasiansiay kasalanan yo.”

Saray Taga Roma 7:12

Masanto sirin so Ganggan, tan amin ya ibabagay ganggan et masanto, matonung, tan maung.

TAGA GALACIA 6:2

Mantutulongan kayod saray sasakbaten yo, tan diad ontan naonur yoy ganggan nen Cristo.

1 TESALONICA 4:2

Ta amta yo ray inter mid sikayon bangabangat a nanlapud Katawan a Jesus.

1 Timoteo 6:14

Onur mo ray niganggan ed sika tan mansiansia kan matoor ed pangonur mod sikara ya anggad ompatnag lay Katawan tayon Jesu-Cristo.

Saray Hebreo 10:26

No kasumpal tin naamtaay katwaan et gagalaen tayo niy mankasalanan, anggapo lay bagat a makapaandid saray kasalanan tayo.

Santiago 4:17

Siopamay makaamtay maung a nepeg ton gawaen, balet et ag to gawaen, sikatoy mankasalanan.

2 Pedro 3:2

Labay kon nunoten yo lawas iray sinasalita nen saman na saray masanton propita, tan say ganggan na Katawan tan Manangilaban ya imbangat na saray apostol a nibakid sikayo.

Judas 1:3

Inararon agagi, gagawaen ko lawariy anggaay nayarian kon mansulat ed sikayo nipaakar ed kilalaban tayo. Balet lapud amtak a sikato yay nakaukolan, apasootan ak a sulaten ta kayo natan pian tanggoyuren ta kayon mangitalindeg na pananisian inter na Dios ya amimpinsan ed saray totoo to.