2 Pedro 2:16 - Maung A Balita Biblia

¹⁶ Balet apampasnukan lapud kasalanan to, ta say asno to nansalitan singa too tan pinatonda to yan propitan Balaam ed inaambagel a gagawaen to.

Maung a Balita Biblia

¹⁶ Balet apampasnukan lapud kasalanan to, ta say asno to nansalitan singa too tan pinatonda to yan propitan Balaam ed inaambagel a gagawaen to.

2 Pedro 2:16 Iomraidhean Croise

Saray Salmo 39:11

Dudusaen mo ray kasalanan na too diad panamegley na panagpasnuk mo, tan dederalen mon singa bigis iray bengatlan labalabay to. Tuan say too et singa labat siplug na dagem!

Ecclesiastes 7:25

Inyapasakey koy siak a dili ed pangamta tan panaral; peteg a ginetmak so mansokimat ed kakabatan tan saray ebat na saray tepet ko, tan say pangamtak na kaogsan na inkakulang-kulang.

Ecclesiastes 9:3

Nampapara so nagagawa ed amin a too, et sikato yay makapoy a nagagawa, a singa amin a nagagawa diad mundo. Legan a mambibilay iray totoo, mannununot ira lawas na kaogsan tan kambagelan, et kabebekta ompatey ira.

Oseas 9:7

Sinmabi lay panaon na dusa, say panaon ya awaten na saray totood Israel so kanepegan dan dusa. No nagawa la ya, naamtaan na Israel! “Sayan propita,” kuanyo, “et makulang-kulang. Ambagel yan toon apuyanan na ispiritu.” Mapalaloy pambobosul yod siak lapud ambelat lan tuloy so kasalanan yo.

Lucas 16:11

No ag kayo napampiaan a mangegnay mangaraldalin a kayamanan, panon kayon mangegnay tuan kayamanan?

Saray Gawgawa 26:11

Amimpiga-pigan pinapairap ko ra ed amin a sinagoga, tan pinapasoot ko ran mansalitay pangibeneg dad pananisia ra. Diad ontan lan petang na olok ed sikara, lilinma ak ya anggad saray siudad ed arum a bansa a mamairap ed sikara.”