2 Pedro 2:14 - Maung A Balita Biblia

¹⁴ Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

Maung a Balita Biblia

¹⁴ Panliliketan dan maung so inengneng dan naynay ed saray bibiin marotak. Ag ira onsasawad panggagawa ray kasalanan. Isosonson dad kasalanan iray makapoy ed pananisia. Pasal dan agoman iray kapara ran too. Naayew ira yan totoo!

2 Pedro 2:14 Iomraidhean Croise

Say Libro nen Job 31:7

No sinmian ak ed maptek a dalan, odino naayat ak ed kaogsan, no amansaan so limak na kasalanan,

Say Libro nen Job 31:9

No naayat ak na asawa na kaabay ko, tan nanalagar ak ya akaamut ed paway na puirta to,

Probirbio 5:6

Ag manaakar ed dalan a mamaarap ed bilay; onsuasuawid dalan, balet ag to nalilikas so nagagawa.

Probirbio 6:25

Ag ka patutuksod ganggana ra; ag ka pasasagyat ed panagkindat da.

Isaias 1:16

Orasan yoy sikayon dili. Tondaan yoy amin a kaogsan a nanenengneng kon gagawaen yo. On, tondaan yo lay panggagawa yoy kaogsan

Isaias 34:5

Say Katawan imparaan tod tawen so ispada to, tan natan nitipas ed Edom, diad saray totoon sinintinsiaan ton ompatey.

Isaias 65:20

Anggapo lay ompatey ya ogogaw ya ankekelag, tan amin a totoo et nasabi ray nigetar a panaon a pambilay da. Nipasen a malangwer ni so toon nasabi toy sanlasus taon. Mapatnag a dinusak iray ompatey kasakbayan a nasabi ray sanlasus taon.

Jeremias 13:23

Nasalatan ta na toon andeket so kolor na baog to, odino naekal ta na liopardo so batek na bago to? No nayarian da, naaralan yo, sikayon totood Jerusalem, so manggaway kaptekan, sikayon pasal yoy manggaway kaogsan.

Ezekiel 13:18

tan ibagam ed sikara so sasalitaen kod sikara, siak a Katawan a Dios: “Pakaskasiy kipapasen yo, sikayo ran bibii! Idadaitan yo ray totoo na abel ya ibariber dad ngalngalowan da tan ikakana rad panagsalamangka. Manggagawa kayo met na pandung da ray totoo tan ikakana ran pansalamangka, pian naoleyan da so bilay na saray arum a totoo. Pilalek yon naoleyan yo so bilay tan say patey na arum a totoo, pian makagamur kayo na bengatlan pankaabigan yo.

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Mateo 5:28

Balet ibagak ed sikayo natan: siopamay onlilinggis a walay getma ton marotak ed sakey a bii, mankakasalanan lad puso to na pikakaloguran.

Marcos 13:22

Ta dakel iray tila-tilan Cristo tan tila-tilan propita ya onsabi. Manggawa ray tanda tan pakelaw pian napalingo ra, no nayari, iray totoon piniliy Dios.

Juan 5:44

Panoy panisia yod siak anta aanapen yoy dayew a manlalapud too, aliwan say dayew a manlalapud saksakey a Dios?

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

1 CORINTO 11:19

(Nakaukolan a naapag-apag kayo, pian naamtaan no siopad sikayoy walad kaptekan.)

TAGA-EFESO 2:3

Diad tuay tua kapara ti ra nen saman; nambilay itayo onung ed likeliket na laman, tan ginagawa tayoy antokaman a maoges a pilalek na laman tan kanunotan tayo. Kanyan onung ed inkatoo tayo kanepegan tayo nen saman, singa saray arum, so manliknay pasnuk na Dios.

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

COLOSAS 2:18

Ag kayo paibabalang ed siopaman a mangipapasen ed sikaton dili a matalonggaring, lapud inkapuyanan to kono tan ipapasoot toy tila-tilan panagpaabeba tan say pangigalang ed saray anghil, balet diad tuay tua, mampapasirayew labat, ta kanunotay too labat so kanunotan to.

Santiago 1:8

ta mansalat-salat so kanunotan to tan mansimpisimpitan.

2 Pedro 2:18

Mapaatagey irad pananalita, balet anggapoy kabaliksan so ibabaga ra. Ikakana ray maoges iran liket na laman, pian napapawil dad kaogsan iray niniarawiy daiset ed saray totoon pikewet so kabibilay da.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

2 Pedro 3:16

Diad saray amin a sulat to, sasalitaen tod sikara so nipaakar ed saraya. Wala ray mairap a talusan ed saray sulat to, tan pipikeweten na saray anggapoy amta tan akidwas so kanunotan. Onya met so gagawaen dad saray arum a partiy Masanton Sulat, kanyan dederalen day sikaran dili.

1 Juan 2:16

Amin a bengatlan walad mundo—saray maoges a pilalek na too, saray labalabay a nengnengen tan alaen na totoo, tan amin a bengatla diad mundo ya ipapasirayew na totoo—nanlapu ra yan amin ed mundo. Anggapoy anggan sakey ed saraya so nanlapud Ama.

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.

Puyan 12:9

Nibantak imay balbaleg a dragon! Sikato man imay daan ya oleg a manngaray Diablo, o Satanas, ya amalikdo ed sankamundoan. Nibantak ed dalin, a pati saray anghil to.