2 Pedro 2:12 - Maung A Balita Biblia

¹² Balet sarayan totoo et singa ra atap ya ayayep ya anggapoy kalakal, tan nianak iran eerelen tan papateyen. Dederalen da ray ag da natalusan. Kanyan naderal iran singa atap ya ayayep.

Maung a Balita Biblia

¹² Balet sarayan totoo et singa ra atap ya ayayep ya anggapoy kalakal, tan nianak iran eerelen tan papateyen. Dederalen da ray ag da natalusan. Kanyan naderal iran singa atap ya ayayep.

2 Pedro 2:12 Iomraidhean Croise

Saray Salmo 49:10

Nanenengneng na anggan siopa ya ompapatey met iray totoon makabat, saray luko-luko tan saray makulang-kulang, tan ititilak dad saray kabyangay boleg da iray kayamanan da.

Saray Salmo 92:6

Say makulang-kulang ag to natalusan tan say ambagel ag to natebek

Saray Salmo 94:8

Talusan yo, sikayo ran totook, agaylay inkakulang-kulang yo! Kapigay pakaaral yo?

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

Jeremias 10:21

Inmebat ak, “Anggapoy kalakal iray pangulo mi; ag ira papaiwanwan ed Katawan. Sikato yay makasengeg no akin et aliwa ran maaligwas, tan nikaykayat iray totoo tayo.

Jeremias 10:8

Andi-kalakal tan makulang-kulang ira yan amin a totoo. Antoy naaral da ed saray kiew a talintaoy diriyos?

Jeremias 12:3

Balet, Katawan, kabat mo ak; nanenengneng moy gagawaen ko, tan say ontan lan panangarok ed sika. Igayugoy mo pan singa karniron papateyen ira yan totoo; bantayan mo pa ra ya anggad panaon a sikara lay patasen.

Jeremias 4:22

Say Katawan kuanto, “Anggapoy kalakal iray totook; ag da ak kabat. Singa ra ogogaw ya anggapoy kalakal; anggapoy pakatalus da. Marunong iran manggaway kaogsan, balet ag da amtay manggaway kamaungan.”

Jeremias 5:4

Insan ko ninunot, “Sikara ya labat so mairap-bilay tan anggapoy amta. Makulang-kulang ira; ag da amta so linawa na Katawan; ag da amta so ganggan na Dios da.

Ezekiel 21:31

Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.

Marcos 7:22

pikakaloguran, panagagom, tan amin iray kaogsan a singa panagsaol, panaggaway karumsisan, panagimon, panagpaoges ed kaparan too, panagpaatagey na linawa, kaambagelan.

Juan 8:21

Inkuan lamet nen Jesus ed sikara, “Onla ak la et anapen yo ak, balet ompatey kayod saray kasalanan yo. Ag kayo makaonla ed laen ko.”

TAGA GALACIA 6:8

Say toon mantanem na saray maoges a likeliket na laman, manani ed saya na patey. Say mantanem onung ed linaway Ispiritu, diad Ispiritu manani na andi-anggaan a bilay.

COLOSAS 2:22

Amin ira ya, magmaliw ya anggapoy kana, no inkana la ra; ganggan tan bangabangat ira labat na totoo.

2 Pedro 1:4

Lapud saya, inter tod sikatayo ra may baleg tan mabmablin rigalo ya insipan to, pian lapud sarayan rigalo, napaliisan yoy makaderal a maoges a pilalek a walad panagbilay ed sayan mundo, tan makapinabang kayod inka-Dios to.

2 Pedro 2:19

Isisipan day kawayangan ed saray tatanggoyuren da, balet sikaran dili abalur iray makaderal a bisio—ta say too aripen na antokaman a matalona nen say sikato.

Judas 1:10

Balet lelemlemewen na sarayan totoo iray bengatlan ag da natatalusan. Saray bengatlan amta ra lapud inkatoo ra, a singa saray amtay ayayep ya atap, so mandederal ed sikara met lamlamang.