2 Pedro 1:8 - Maung A Balita Biblia

⁸ No walad sikayo ra yan ogali tan ombabaleg ira, pagmaliwen da kayon makoli tan mabunga diad pakapikabat yod Jesu-Cristo a Katawan tayo.

Maung a Balita Biblia

⁸ No walad sikayo ra yan ogali tan ombabaleg ira, pagmaliwen da kayon makoli tan mabunga diad pakapikabat yod Jesu-Cristo a Katawan tayo.

2 Pedro 1:8 Iomraidhean Croise

Probirbio 19:15

Sigi labat, manggiras ka; ogip ka labat, balet naerasan ka.

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Mateo 20:3

Pinmaway lamet a linmad tindaan nen alas nuibid kabwasan, tan akanengneng na lalakin manalalagey labat ya anggapoy gagawaen da.

Mateo 20:6

Nen alas singkod ngarem, pinmaway lamet tan wala ni ray anengneng to a lalakin anggapoy gagawaen da. Tinepet tod sikara, ‘Akin et wadya kayon mandadarak na oras yon sanagew?’

Mateo 25:26

Inkuanto may amo, ‘Maoges tan mangiras ya aripen! Amtam a manaani ak ed ag ko nantaneman tan manggagapas ak ed ag ko nampasekan, anto?

Juan 15:2

Ekalen toy balang sangan ag mambunga tan palinan to so sangan mambubunga, pian lalon ondakel so bunga to.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Juan 5:42

Balet kabat ta kayo, tan amtak ya ag yo inaroy Dios.

Saray Taga Roma 12:11

Mankoli kayo tan ag kayo onngingiras. Ipapuso yoy panaglingkur yod Katawan.

1 CORINTO 15:58

Kanyan, inararok iran agagi, mansiansia kayon malet tan ag nagiing. Mankoli kayod panagkimey a para Katawan, ta amta yon ag nadarak so pansasagput yod Katawan.

2 CORINTO 13:5

Subok yoy sikayon dili tan imano yo no mambibilay kayo kasi onung ed pananisia. Ag yo ta nabibirbir ed sikayon dili a walad sikayoy Jesu-Cristo?—likud labat no ag yo nilabas so pananubok.

2 CORINTO 8:2

Asubok ira na baleg a kairapan, balet malikeliket ni ra, kanyan mabolbolus iran mangiter anggaman ya ontan lay irap na panagbilay da.

2 CORINTO 8:7

Mayaman kayo ed pananisia, panagsalita, kakabatan, diad seet yon makatulong, tan diad panangaro yod sikami. Kanyan diad sayan panaglingkur lapud aro, mabonluk met komun so panangiter yo.

2 CORINTO 9:14

Kanyan katekep na baleg a panangaro rad sikayo so pangipikasi rad sikayo, lapud nidoma-doman panangaro ya impanengneng na Dios ed sikayo.

FILIPOS 1:9

Pikakasik ya ombaleg lan ombaleg komuy panangaro yon tinekepay kakabatan tan nagnap a pakatalus,

FILIPOS 2:5

Nepeg yon aligey ogali nen Cristo Jesus:

FILIPOS 3:8

On, amin a bengatla et ipapasen kon adarak, ta nisulat la so lalon makana-kana, salanti say pakapikabat ed Cristo Jesus a Katawan ko. Lapud Cristo, imbantak ko lan amin iray bengatla; ipapasen ko lan singa dotak iray amin a bengatla, pian nagamuran ko labat si Cristo,

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

COLOSAS 2:7

Mansiansia kin malet ed sikato tan iletneg yod sikatoy bilay yo. Mampabiskeg kid pananisia yo onung na nibangat ed sikayo, tan misalamat kayo lawas ed Dios.

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

1 TESALONICA 3:12

Pabalegen tan palaknabey Katawan komun so panaarowan yo tan say panangaro yod arum a totoo, a singa panangaro mid sikayo.

1 TESALONICA 4:1

Kaonuran, peteg a mambibilay kayon makapaliket ed Dios onung na naaralan yod sikami. Natan balet, kerewen tan simbawaen mi kayo diad ngaran na Katawan a Jesus, a lalon mambilay kayon makapaliket ed Dios.

2 TESALONICA 1:3

Nepeg kamin misalamat lawas ed Dios lapud sikayo, agagi. Manepeg a gawaen mi ya, ta ombibiskeg a maung so pananisia yo tan ombabaleg so panaarowan yo.

1 Timoteo 5:13

Naaralan da ni ingey manngiras tan mandarak na panaon diad panliber dad saray kabkaabay. Say lalon maoges, magmaliw iran managtalabutob tan mibabalid bilay na arum a totoo, tan manlabir iray ag da nepeg a labiren.

Tito 3:14

Ibangat mo ray kakaiba tayo ya ikana ray panaon da ed panggaway maabig tan pangiter day talagan nakaukolan. Ag da komun dadarakey bilay da.

Filemon 1:6

Pikakasik a say pankakaiba tayod saksakey a pananisia et mambungay pakatalus ed amin a kaabigan a nanaawat tayo, lapud pikakasakey tid Cristo.

Saray Hebreo 6:12

Ag kayo manngingiras. Alig yo ray totoo a lapud anos tan pananisia et tawiren da ray sipan na Dios.

2 Pedro 1:2

Napano-pano kayo komuy panangaro tan kareenan, diad panamegley na pakapikabat yod sikato tan si Jesus a Katawan tayo.

2 Pedro 1:3

Say pakayariy Dios et initdan to itayoy amin a bengatlan nakaukolan ed pambilay a matoor ed Dios, diad panamegley na pakapikabat tid samay anawag ed sikatayon minabang ed kagalangan tan kamaungan to.

2 Pedro 2:20

Saray totoon makapikabat ed Katawan tan Manangilaban tayon Jesu-Cristo et akapaliis la rad marotak a kagagawa diad mundo. Balet no ompawil ira lamet a naaripey kaogsan, lalon maoges so kipapasen da nen say gendat.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.