2 Pedro 1:4 - Maung A Balita Biblia

⁴ Lapud saya, inter tod sikatayo ra may baleg tan mabmablin rigalo ya insipan to, pian lapud sarayan rigalo, napaliisan yoy makaderal a maoges a pilalek a walad panagbilay ed sayan mundo, tan makapinabang kayod inka-Dios to.

Maung a Balita Biblia

⁴ Lapud saya, inter tod sikatayo ra may baleg tan mabmablin rigalo ya insipan to, pian lapud sarayan rigalo, napaliisan yoy makaderal a maoges a pilalek a walad panagbilay ed sayan mundo, tan makapinabang kayod inka-Dios to.

2 Pedro 1:4 Iomraidhean Croise

Saray Taga Roma 9:4

Israelita ra tan pinili na Dios iran totoo to. Ginawa to ran anak to tan impinabang to rad kagalangan to. Akisipanan ya amimpiga so Dios ed sikara tan inter tod sikaray Ganggan. Walad sikaray matwan panagdayew ed Dios, tan inawat da ray sipan na Dios.

2 CORINTO 1:20

ta sikatoy pakasumpalay amin a sipay Dios. Sikato yay makasengeg, a diad panamegley nen Jesu-Cristo, nayarian tayon ibagay “Amen” a pamagalang tayod Dios.

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

2 CORINTO 6:17

Kanyan ibabagay Katawan, “Nepeg yo ran taynan tan ibatikan. Ag kayo mibabalid marotak ya antokaman, et siak so mangawat ed sikayod satan.

TAGA GALACIA 3:16

Natan, wala ray sipay Dios ed kinen Abraham tan say apo to. Ag ibabagay Masanton Sulat, “tan saray apo to,” a say labay ton ibaga et amayamay, no ag ingen “tan say apo to,” a say labay ton ibaga et saksakey tan si Cristo ya.

TAGA GALACIA 6:8

Say toon mantanem na saray maoges a likeliket na laman, manani ed saya na patey. Say mantanem onung ed linaway Ispiritu, diad Ispiritu manani na andi-anggaan a bilay.

TAGA-EFESO 4:13

Diad ontan, makapankakasakey itayon amin ed pananisia tan pakapikabat ed Anak na Dios, tan ontakken itayo ya anggad pakapipara tid inkayadyari nen Cristo.

COLOSAS 3:10

tan insolung yoy balon inkatoo. Sikato yay balon too a pinalsa na Dios tan papasimbaloen to lawas onung ed indengan to, pian magmaliw a nagnap so pakapikabat yod sikato.

Saray Hebreo 12:10

Dinudusa itayon agano na saray mangaraldalin ya ama tayo, ta inisip dan kamaungan ya. Balet dudusaen itayoy Dios para kamaungan ti lamlamang, pian minabang tayod kasantosan to.

Saray Hebreo 9:15

Kanyan si Cristo so manamegley na balon sipanan, pian natawir na saray tinawag na Dios so andi-anggaan iran bindision ya insipan to. Nagawa ya lapud walay inatey ya amaandiy kasalanan da ray totoo nen wala ni rad silong na onaan a sipanan.

Santiago 1:27

Say rilihion a malinis tan manepenepeg ed arap na Dios tan Ama tayo, saya: say pangasikaso tan panulong ed kairapan na saray olilan sigput tan saray balon bibii, tan say pangasikaso na sikan dili, pian ag ka narotakay kaogsan ed sayan mundo.

2 Pedro 1:1

Sayan sulat nanlapud kinen Simon Pedro, ya aripen tan apostol nen Jesu-Cristo— Diad saray kapara min angawat na mablin pananisia diad panamegley na inkatonung na Dios tan Manangilaban tayo a Jesu-Cristo:

2 Pedro 3:13

Balet onung ed sipay Dios, manalagar itayoy balon katawenan tan balon dalin a panayamay katonungan.

2 Pedro 3:9

Say Katawan ag to babayagen a gawaen so insipan to, a singa nababaloay arum. Aanosan to kayo, ta ag to labay a walay nadusa, no ag ingen labay ton ibeneg na amin komun iray kasalanan da.

1 Juan 2:25

Tan say insipan nen Cristo ya iter ed sikayo et say bilay ya andi-anggaan.

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.