2 Pedro 1:19 - Maung A Balita Biblia

¹⁹ Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

Maung a Balita Biblia

¹⁹ Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

2 Pedro 1:19 Iomraidhean Croise

Saray Salmo 119:105

Say salitam et sakey a lamparaan a mangiwanwan ed siak, tan sakey a liwawad dalan ko.

Probirbio 6:23

Saray bilin da singa ra liwaway silew; say panametek da ibangat da ka no panoy pambilay mo.

Isaias 14:12

Ari ed Babilonia, masnag a kabontatalad kabwasan, apattak ka lan nanlapud tawen! Adakep mo ray bansa nen saman, balet natan nibantak ka ed dalin.

Isaias 41:26

Siopad sikayoy nampasakbay a nagawa ya, pian nibaga mi a dugay impasakbay yo? Anggapod sikayoy akasalita na nipaakar ed saya; anggapoy akadngel a walay imbaga yo!

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Isaias 9:2

Akanengneng na baleg a silew iray totoon nankukurang ed kabilongetan. Nanayam irad sakey a dalin ya ambilbilonget, balet natan onsisindag so silew ed sikara.

Mateo 4:16

Saray totood sayan pasen ya abayag iran walad kabilongetan, anengneng day marlang a silew! Onsisindag yan silew ed saray manaayam diad kabilongetay patey!”

Juan 5:35

Si Juan et singa sakey a sinelselan a lamparaan a marmarlang, tan nanliket kayon agano ed liwawa to.

Juan 5:39

Aaralen yoy Masanton Sulat lapud ipapasen yon sikatoy pakalmoan yoy bilay ya andi-anggaan. Sikato so mantatasi ed siak.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Saray Gawgawa 15:29

ag kayo mangakay antokaman ya imbagat ed saray diriyos; ag kayo mangakay dala tan ayayep a tinikel; tan ag kayo manggagaway inmoralidad. Arawian yo ra ya et maung so pansumpalan yo. Mampatanir kami la.”

Saray Gawgawa 17:11

Magmaung ni rad may Judion pitongtongan nen saray taga Tesalonica. Agaylay karerengel da ed ipupulong nen Pablo, tan inagew-agew dan sosokayan so Masanton Sulat, ta labay dan nengnengen no tuay ibabaga nen Pablo.

Saray Hebreo 2:2

Say salitan impaamta da ray anghil et apaneknekan a sikatoy tua, tan siopaman ya ag inmonur odino anumlang ed salita et inawat toy dusan kanepegan to.

Santiago 2:8

Maung so gawaen yo no onuren yoy manonan ganggan a walad Masanton Sulat, “Arom so kaparam a too, a singa panangarom ed sikan dili.”

1 Pedro 1:10

Inanap tan inosisa na saray propita so sayan kilalaban tan impasakbay dan imbaga so nipaakar ed sayan rigalon iter na Dios ed sikayo.

1 Juan 5:10

Kanyan siopamay manisiad Anak na Dios, walad sikato yan panagtasi. Balet siopamay ag manisisiad Dios, ginawa ton matilay Dios lapud ag to anisiad panagtasi na Dios nipaakar ed Anak to.

3 Juan 1:6

Impaamta rad iglisia dia so panangarom. Lalon maabig no tulongan mo ra ed pambiabiahi ra, onung na makapaliket ed Dios.

Puyan 2:28

Iter ko met ed sikaray bitewen na kabwasan.

Puyan 22:16

“Siak, a si Jesus, so angibakiy anghil ko a mangibawag na sarayan bengatla ed saray iglisia. Siak so nanlapu ed boleg nen David. Siak so maliwliwawan bitewen ed kabwasan.”