2 Pedro 1:11 - Maung A Balita Biblia

¹¹ Diad ontan, nawalaan kayoy nagnap a kanepegan ya onloob ed andi-anggaan a Panarian na Katawan tan Manangilaban tayon Jesu-Cristo.

Maung a Balita Biblia

¹¹ Diad ontan, nawalaan kayoy nagnap a kanepegan ya onloob ed andi-anggaan a Panarian na Katawan tan Manangilaban tayon Jesu-Cristo.

2 Pedro 1:11 Iomraidhean Croise

Saray Salmo 145:13

Anggad angga so panarian mo, tan ari kan anggad angga. Say Katawan matoor ed saray sipan to, tan maung ya amin iray gagawaen to.

Saray Salmo 36:8

Panliliketan miy ag nasabsabaan a kakanen ya iiter mo; paniinomen mo kamid ilog na kaabigan mo.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanaman kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Isaias 35:2

Mankanta tan maneyag ed liket so kalawakan; magmaliw a marakep a singa Saray Palandey na Libano tan mataba a singa saray kaalogan na Carmelo tan Saron. Nanengneng na balang sakey a too so kagalangan na Katawan, say inkatalonggaring to tan say pakapanyari to.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Daniel 7:14

Naitdan imay too na pakaoley, kagalangan, tan pakayari na ari, pian makapanlingkur ed sikato iray totoo ed amin a bansa ya anggan antoy kolor na baog da tan salita ra. Mansiansia so pakaoley to, tan ag mangangga so panarian to.

Daniel 7:27

Niiter ed saray totoo na Sankatageyan a Dios so pakayari tan inkatalonggaring na amin a nanarian ed tapew na dalin. Ag mangangga so nanarian da; manlingkur tan ononur ed sikara iray amin a manoley diad tapew na dalin.”

Mateo 25:34

Insan ikuay Ari ed saramay walad nikawanan, ‘Gali dia, sikayo ran binindisionay Amak! Tawir yoy panarian a niparaan a para sikayo, nanlapu lad inkiletneg na mundo.

Juan 10:10

Say matakew onloob labat a mantakew, mamatey, tan maneral. Linma ak dia, pian nawalaan iray bilay, bilay a nagnagnap.

Saray Taga Roma 2:4

Babalawen mo kasiy baleg a panangasi, anos, tan tepel na Dios? Ag mo ta amtan say kaabigan na Dios et dagdagen to kan magbabawi?

1 CORINTO 15:24

Insan onsabiy kasamputan, kasumpal a taloen nen Cristo iray amin a maispiritun manoley, saray walay betang tan pakayari; tan yawat tod Dios Ama so Panarian.

2 CORINTO 5:1

Ta amta tayo a no naderal so tuldan panaayaman tayo natan—say mangaraldalin a laman tayo—walay andi-anggaan ya abung tayod tawen, sakey ya abung ya ag ginaway too, no ag ingen iter na Dios.

TAGA-EFESO 3:20

Diad Dios a makagaway lalon dakdakel nen say nayarian tin kerewen tan nunoten, diad panamegley na pakayarin mankikimey ed sikatayo:

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

2 Timoteo 4:18

Say Katawan so mangyagel ed siak ed amin a kaogsan, tan sikato met so mangyakar ed siak diad mangatatawen a Panarian to. Nagalang komun ed ando lan ando! Amen.

2 Timoteo 4:8

Maganok lan nagamuray tumang na impanalo a niiter lapud matonung a panagbilay. Say Katawan a matonung a Huis so mangikoronad siak diad saman ya Agew, aliwan siak labat, no ag pati amin a mangaaro ed isabi to.

Saray Hebreo 6:17

Ontan met, pinaletay Dios so sipan to diad impansamba to, pian nipanengneng tod saray angisipanan to ya ag mansalat so getma to.

2 Pedro 1:1

Sayan sulat nanlapud kinen Simon Pedro, ya aripen tan apostol nen Jesu-Cristo— Diad saray kapara min angawat na mablin pananisia diad panamegley na inkatonung na Dios tan Manangilaban tayo a Jesu-Cristo:

2 Pedro 1:5

Makasengeg ed saya, gawa yoy anggaay nayarian yon mangyarum na kaabigan ed pananisia yo, kakabatan ed kaabigan yo,

2 Pedro 2:20

Saray totoon makapikabat ed Katawan tan Manangilaban tayon Jesu-Cristo et akapaliis la rad marotak a kagagawa diad mundo. Balet no ompawil ira lamet a naaripey kaogsan, lalon maoges so kipapasen da nen say gendat.

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

Puyan 3:21

Saray manalo pairungen ko ran kaabay kod tronok, a singa siak ya analo, kanyan akayorung ak natan ed abay na Amak ed trono to.

Puyan 5:10

Ginawam iran sakey a panarian tan impagmaliw mo ran papari a manlingkur ed Dios tayo; tan manari rad tapew na dalin.”