2 Pedro 1:10 - Maung A Balita Biblia

¹⁰ Kanyan agagi, bangta tinawag tan pinili kayoy Dios, pansesegan yoy malet a pansiansia yo ed sayan kipapasen; no gawaen yo ya, ag yon balut ikaindan so pananisia yo.

Maung a Balita Biblia

¹⁰ Kanyan agagi, bangta tinawag tan pinili kayoy Dios, pansesegan yoy malet a pansiansia yo ed sayan kipapasen; no gawaen yo ya, ag yon balut ikaindan so pananisia yo.

2 Pedro 1:10 Iomraidhean Croise

Saray Salmo 112:6

Say maung a too mansiansian maung so kipapasen to; lawas nanunotan.

Saray Salmo 121:3

Ag to iyabuloy a natumba ka; abangon lawas so manangyagel mo!

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Saray Salmo 37:24

No niparokul ira, ag ira mansiansian dokul, ta say Katawan ibaan to ran ombangon.

Saray Salmo 62:2

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 62:6

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Isaias 56:2

Bindisionan ko ray totoon ngingilinan da lawas so Agew na Panagpainawa tan ag da susumlangen so ganggan nipaakar ed sayan agew. Bindisionan ko ray ag manggagawa na antokaman a kaogsan.”

Mikias 7:8

Anggapoy makasengeg na panelekelek ed sikami na saray kalaban mi. Atumba kami, balet ombangon kami lamlamang. Wala kamid kabilongetan natan, balet itdan kami na Katawan na liwawa.

Mateo 22:14

“Ta amayamay so naimbitaan, balet dagdaiset so napili.”

Saray Taga Roma 11:29

Ta say Dios ag mangomay kanunotan diad panagtawag tod saray totoo, tan panangiter toy bindision.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”

Saray Hebreo 6:11

Pirawat min mansiansia komun ya anggad samput so panseseet na balang sakey ed sikayo, pian ontua ray iilaloan yo.

Saray Hebreo 6:19

Sayan ilalo tayo et singa pataga na puso tayo—malet, napanmatalkan, tan ontalus ya anggad biek na kurtinay sankasantosan a pasen na Timplon mangatatawen.

Santiago 2:10

Ta siopamay mangonur ed amin a ganggan balet et sumlangen toy sakey, sinumlang to lan amin.

Josue 7:3

inkuandad kinen Josue: “Ag la nakaukolan a dogpaan na balang sakey ed sikatayo so Ai. Mangibaki ka labat na sakey a duara odino taloran libo a lalaki. Ag mo ibabaki ray amin a sondalod man a mibakal; aliwan baleg man a siudad.”

1 Pedro 1:2

Pinili kayoy Dios Ama, onung ed getma to lan nanlapud gapoy gapo, tan pinasanto kayoy Ispiritu, pian magmaliw kayon maonur ed Jesu-Cristo tan nalinisan kayoy dala to. Nawalaan kayo komuy ag nasabsabaan a bindision tan kareenan.

1 Pedro 1:5

Lapud mananisia kayo, sasalimbengan kayo na pakayariy Dios legan yon aalagden so kilalaban ya akaparaan lan nipaamta ed kaonuray panaon.

2 Pedro 1:3

Say pakayariy Dios et initdan to itayoy amin a bengatlan nakaukolan ed pambilay a matoor ed Dios, diad panamegley na pakapikabat tid samay anawag ed sikatayon minabang ed kagalangan tan kamaungan to.

2 Pedro 1:5

Makasengeg ed saya, gawa yoy anggaay nayarian yon mangyarum na kaabigan ed pananisia yo, kakabatan ed kaabigan yo,

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.

2 Pedro 3:17

Natan ta amta yo la ya, inararon agagi, nepeg yoy manalwar, ompan nibalang kayo na saray pikewet a bangat da ray totoon maoges, tan nataynan yod satay maung a kipapasen yo.

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—

Puyan 22:14

Maliket iray manlilinis na kawes da, pian naitdan iray kanepegan ya on-loob ed saray puirta na siudad tan mangan na bungay kiew na bilay.