2 CORINTO 8:8 - Maung A Balita Biblia

⁸ Ag ko igaganggan yad sikayo; balet labay kon nipatnag, diad panamegley na pangipanengneng koy pananulong na saray arum, so katooran met na panangaro yo.

Maung a Balita Biblia

⁸ Ag ko igaganggan yad sikayo; balet labay kon nipatnag, diad panamegley na pangipanengneng koy pananulong na saray arum, so katooran met na panangaro yo.

2 CORINTO 8:8 Iomraidhean Croise

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Saray Taga Roma 12:9

Nepeg ya anggapoy pankonkonwari so panangaro yo. Bosul yoy kaogsan, pabli yoy kamaungan.

1 CORINTO 7:12

Diad saray arum, nia met so ibabagak, aliwan say Katawan: no say sakey a lakin mananisia et walay asawa ton aliwan mananisia ya ag to labay so misiyan, nepeg ya ag to isian.

1 CORINTO 7:25

Nipaakar ed saray totoon anggapoy asawa, anggapoy niiter kon ganggan a manlapud Katawan. Balet siak a napanmatalkan lapud panangasiy Katawan, ibabagak iray walad kanunotan ko.

1 CORINTO 7:6

Sakey a panangyabuloy yay ibabagak, aliwan sakey a ganggan.

2 CORINTO 6:6

Impaamta min kumikimey kamiy Dios diad panamegley na malinis a panagbilay, diad kakabatan, anos, tan panangasi; ontan met diad panamegley na Ispiritu Santo, matwan panangaro,

2 CORINTO 8:10

Sikato yay nibagak nipaakar ed saya: lalon pankaabigan yo no isumpal yo natan imay inggapo yo la nen imbeneg a taon. Aliwa labat a sikayoy onaan a nanggawad saya, no ag ingen sikayo niy onaan a malabay a manggawa.

2 CORINTO 8:24

Ipanengneng yoy panangaro yod sikara, pian napaneknekan na saray iglisia so panangaro yo, tan naamtaan da ya ag kami alingo ed pangidadayew mid sikayo.

2 CORINTO 9:2

Ta amtak a mabolbolus so linawa yon ontulong, tan ikikinon ta kayod saray taga Macedonia. “Saray agagid Acaya,” kuanko, “akaparaan la ra ya ontulong nen imbeneg a taon ni.” Et lapud seseg yo binmiskeg so linaway karaklan ed sikara.

2 CORINTO 9:7

Nepeg a mangiter so balang sakey, onung na bolus na linawa to, ya aliwan maermen odino napapasootan labat, ta inaro na Dios so maliket a mangiiter.

TAGA-EFESO 4:15

Ingen, diad panamegley na pansalita tiy katwaan diad ngaray aro, magmaliw itayon nagnap ed Cristo a sikatoy pangulo.

TAGA-EFESO 6:24

Nawalaan kayo komuy bindisioy Dios, amin yon say panangaro yod Katawan tayon Jesu-Cristo et ag ompatey.

Saray Hebreo 10:24

Nepeg tin nunoten no panoy pananggoyur tayod balang sakey a mangarod kapara ton too tan manggaway kamaungan.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

1 Pedro 1:22

Natan ta alinisan yo lay sikayon dili lapud itotoluk yod katwaan, tan diad ontan et wala lad sikayoy puron panangaro ed saray agagi yod pananisia, papetang tan manlapud otel na puso yoy panaarowan yo.