2 CORINTO 7:15 - Maung A Balita Biblia

¹⁵ Diad panagnunot tod inkatoluk yo, tan say impangawat yon napnoy takot tan giwgiw ed sikato, lalon ombabaleg so panangaro tod sikayo.

Maung a Balita Biblia

¹⁵ Diad panagnunot tod inkatoluk yo, tan say impangawat yon napnoy takot tan giwgiw ed sikato, lalon ombabaleg so panangaro tod sikayo.

2 CORINTO 7:15 Iomraidhean Croise

Genesis 43:30

Insan biglan tinmaynan si Jose, ta napnoy puso to na panangarod kinen agi to. Ngalngali la makaakis, kanyan linmad kuarto to tan diman nanakis.

1 Saray Arari 3:26

Say peteg ya ina a napnoy puso to na panangaro ed saman ya anak to inkuantod ari, “Panangasi yo, Kagalang ya Ari, ag yo papateyen so ogaw! Iter yo lad sikato!” Balet samay sakey a bii inkuanto, “Anggapoy pangitdan yod sikami tay ogaw, paldua yo la.”

Esdras 10:9

Diad loob na taloy agew, linmad Jerusalem iray amin a lalakin manaayam ed dalin na Juda tan Benjamin. Nantitipon irad plasa na Timplo nen kumadwamplon agew na kumasiam a bulan. Mammaples a maung so oran ed saman, et lapud onyay panaon tan lapud ambelat so makasengeg na nantitiponan da, manggiwgiw so balang sakey ed sikara.

Esdras 9:4

Inmirung ak diman a maerermen ya anggad oras na panangisaklang na bagat ed labi. Legan kon akayurong minokut ak na amin da ray totoon ataktakot lapud imbaga na Dios na Israel nipaakar ed saray kasalanan da ray pinmawil ed Jerusalem.

Say Libro nen Job 21:6

No nudnunoten koy agawad siak, nagugunigon ak tan mampayegpeg so laman ko.

Saray Salmo 119:120

Lapud sika natatakot ak; lapud saray sintinsiam natatakot ak.

Saray Salmo 2:11

Sitatakot kayon manlingkur ed Katawan; giwgiw

Kanta nen Solomon 5:4

Say inarok impeket tod puirta so lima to, nidomay liknaan ko lapud asingger la.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Oseas 13:1

Nen saman, natatakot iray arum a tribu na Israel no say tribu nen Efraim lay mansalita; bibirbiren dan matalonggaring so Efraim. Balet nankasalanan iray totoo ed Israel diad impangigalang dad Baal, tan lapud saya ompatey ira.

Juan 16:21

No mampasakit lay malokun a bii, maermen lapud asabi lay oras na panirap to. Balet no nianak lay ogaw, nalingwanan to lay kairapan to, lapud liket tod impaway ed mundo na sakey a too.

Saray Gawgawa 16:29

Akikerew na silew imay guardia, tan binmatik a linmad kinen Pablo tan Silas, insan manggiwgiw a nandakmomod arap da.

1 CORINTO 2:3

Kanyan makapoy, natatakot, tan manggiwgiw ak ya akiarapad sikayo.

2 CORINTO 2:9

Say sakey nin makasengeg no akin et sinulat ta kayo, say panubok kod sikayo tan say pangamtak no oonuren yo ray amin a bangabangat ko.

2 CORINTO 6:12

Ag mi kinaputan so puso mi ya angakod sikayon amin, balet kinaputan yoy puso yo ta ag yo kami inawat.

TAGA-EFESO 6:5

Sikayo ran aripen katekep na takot, giwgiw, tan katooran so itoluk yod saray amo yo diad tapew na dalin, a singa si Cristo so panlilingkuran yo.

FILIPOS 1:8

Kabat na Dios a say pampilpilalek kon makapinengneng ed sikayo et manlalapud dilin panangaro nen Cristo Jesus.

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

COLOSAS 3:12

Sikayo ray piniliy Dios, masanto tan inararo to. Kanyan nepeg kayon maaro, mapangasi, mapaabeba, maoyamo, tan maanos.

2 TESALONICA 3:14

No wala bilang so ag mangonur ed saray ibabaga mid sayan sulat, tandaan yo tan ag yo pipiolupan, pian ombaing.

1 Juan 3:17

No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?