2 CORINTO 7:11 - Maung A Balita Biblia

¹¹ Nengneng yo no antoy ginawad bilay yo na sayan ermen a nanlapud Dios: nagmaliw kin maseet, tan mapeleng kayon mangipapanengneng ya anggapoy kasalanan yo nipaakar ed saraman a bengatla. Saman ya impanpasnuk yo, saman ya inkapagaan yo, saman a liknaan yo, saman a panangaro yo, saman ya inkaparaan yon manusa ed makapoy a gawa! Impanengneng yon ag ki nankasalanan ed saraman a bengatla.

Maung a Balita Biblia

¹¹ Nengneng yo no antoy ginawad bilay yo na sayan ermen a nanlapud Dios: nagmaliw kin maseet, tan mapeleng kayon mangipapanengneng ya anggapoy kasalanan yo nipaakar ed saraman a bengatla. Saman ya impanpasnuk yo, saman ya inkapagaan yo, saman a liknaan yo, saman a panangaro yo, saman ya inkaparaan yon manusa ed makapoy a gawa! Impanengneng yon ag ki nankasalanan ed saraman a bengatla.

2 CORINTO 7:11 Iomraidhean Croise

Nehemias 13:25

Nampasnukan ko ra may lalaki tan insambak ira. Pinepepekpek ko ra tan inggogonut ko ra. Impansambak ira diad ngaran na Dios ya ag la ra mangasawa na saray bibiin taga arum a bansa.

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Saray Salmo 119:139

Singa apoy a mamopool ed siak so pasnuk ko, lapud ag ikabkabilangan na saray kalaban ko iray ganggan mo.

Saray Salmo 130:6

Aalagaren koy Katawan; say panaalagar ko et alabas nen say pantatalaran ed kabwasan— say pantatalaran ed kabwasan na saray bantay.

Saray Salmo 145:19

Iiter toy nakaukolan da ray mangigagalang ed sikato; derengelan toy akis da tan ilalaban to ra.

Saray Salmo 2:11

Sitatakot kayon manlingkur ed Katawan; giwgiw

Saray Salmo 35:13

Balet nen mansasakit ira nanermen ak; pinairap koy siak a dili diad ag ko impangan, tan nandakmomo ak a nampikasi,

Saray Salmo 38:9

Katawan, amtam ya amin iray pampipilalekan ko; narerengel mo ray amin a panay-ay ko.

Saray Salmo 42:1

No panoy pampipirawat na ulsa ed ambetel a danum na kolus, ontan met so pampipirawat kod sika, O Dios.

Saray Salmo 69:9

Say panangarok ed Timplom et singa apoy a mamopool ed siak; siak so pepelagan da ray panagpabaing dad sika.

Probirbio 14:16

Saray totoon walay pakatalus maalwar ira tan nibatikan day gunigon, balet saray totoon makulang-kulang sagpasagpa rad antokaman a gawaen da.

Probirbio 28:14

Toluk mo lawas so Katawan, et magmaliw kan maliket. No anawet so olom naderal ka.

Kanta nen Solomon 8:6

Siak labat so arom; siak labat so lakap mo. Makapanyari tan mabiskeg a singa patey so aro. Onliuliub a singa pool.

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

Isaias 66:2

Siak a dili so amalsad sansinakuban. Maliket ak ed saray mapaabeba tan magbabawi, saray walay takot tan mangoonur ed siak.

Daniel 6:14

Nen nadngel ya na ari, mapalaloy inkagunigon to tan anggad inselek na agew ginawa toy anggaay nayarian to a mangyagel ed kinen Daniel.

Marcos 3:5

Legan a nenengnengen nen Jesus iray totood kaliber-liber to, akapasnuk; balet nantaruk na ermen so pasnuk to, lapud kinaawet na puso ra. Inkuantod samay laki, “Iyonat moy limam.” Inyonat ton tuay lima to, tan inmabig ed saman a bekta.

Juan 2:17

Anunotan na saray disipulo so walad Masanton Sulat: “Say panangisakit kod abung mo et singa manliub ya apoy ed pusok.”

Saray Gawgawa 17:16

Nen aalagaren nen Pablo si Silas tan si Timoteo ed Atenas, agunigon nen naimano ton napnoy diriyos iman a siudad.

Saray Taga Roma 11:20

On, tua tay kuanmo. Apoter ira, ta ag ira anisia; nisoldung ka, ta manisia ka. Kanyan ag ka mampapaatagey; ontakot ka ingen.

Saray Taga Roma 14:18

Say manlingkur na onya ed Cristo et paliketen toy Dios tan abubonay totoo.

Saray Taga Roma 3:5

Balet antoy kuan tayo, no say panggagawa tayoy kaogsan so lalon mangipatnag a matonung so gagawaey Dios? Ibaga ti kasin makapoy so gagawaey Dios no dusaen to itayo? (Mansasalita ak dia a singa panangibagay too.)

1 CORINTO 12:25

pian anggapoy pansisian da ray kabyangay laman, no ag ingen manmamasakitan ira.

1 CORINTO 5:2

Insan, mapasirayew kayo ni! Ingen manermen kayo komun tan paekal yo lad moyungan yo itay toon manggagaway inmoralidad.

2 CORINTO 13:7

Pikakasi mid Dios ya ag kayo komun manggagaway kaogsan, aliwan pian nipanengneng a nilabas mi so pananubok, no ag pian manggawa kayoy kamaungan, anggaman ya ompaway a singa ag mi nilabas so pananubok.

2 CORINTO 2:6

Balet duga la tay impanusa na karaklan ed sikayo ed satan a too.

2 CORINTO 6:4

Ingen, diad amin a gagawaen mi, ipapaamta min kumikimey kami na Dios, lapud ontan lan pantetepel mid saray segsegang, kairapan, tan kaermenan.

2 CORINTO 7:1

Nisipan ira yan amin ed sikatayo, inararon agagi. Linisan tayo sirin so laman tan ispiritu tayo ed amin a makarotak. Pampelengan ti siriy magmaliw a nagnap ed kinasanto, diad panamegley na pambilay a walay panamagalang tayo ed Dios.

2 CORINTO 7:7

Aliwa lambengat a say insabi to so nanligliwad sikami, no ag pati say impangibalita toy impanligliwa yod sikato. Imbaga tod sikami no panon so panlabay yon makapinengneng ed siak, no panoy paneermen yo, tan no panoy panangisakit yod siak. Lapud saya, lalon makaliliket ak.

2 CORINTO 7:9

Balet natan maliket ak, aliwan lapud apaermen ta kayo no ag ingen lapud samay impanermen yo et naomay kagagawa yo. Nanlapud Dios iman ya ermen, kanyan ag mi kayo apasakitan.

2 CORINTO 9:2

Ta amtak a mabolbolus so linawa yon ontulong, tan ikikinon ta kayod saray taga Macedonia. “Saray agagid Acaya,” kuanko, “akaparaan la ra ya ontulong nen imbeneg a taon ni.” Et lapud seseg yo binmiskeg so linaway karaklan ed sikara.

TAGA-EFESO 4:26

No mampasnuk kayo, paliisan yoy pakapankasalanan yo, tan ag kayo mamapasnuk a sanagew.

TAGA-EFESO 5:11

Ag kayo mibabalid andi-kakanaan iran gagawaen na totoon walad bilonget, no ag ingen iparontal yo rad silew.

FILIPOS 2:12

Kanyan, inararon agagi, bangta maonur kayo lawas nen kaiba yo ak, nepeg a lalon maonur kayo natan ya andid tan ak ed sikayo. Mankimey kayon katekep na takot tan giwgiw anggad nagnagnap lay kilalaban yo,

1 TESALONICA 4:6

Nipaakar ed saya sirin, nepeg ya anggapoy toon manggaway maoges o mansaol ed agi to. Pinasakbayan mi kayo lan maung nen saman, a say Katawan dusaen ton dusaen iray manggaway onya ran kaogsan.

1 Timoteo 5:20

Pampasnukan mod arap na totoo so toon nankasalanan, pian ontakot iray arum.

2 Timoteo 2:15

Gawam so anggaay nayarian mon magmaliw a manepenepeg ed arap na Dios, a singa kumikimey ya anggapoy nepeg ton ibaing, tan dugay panangibangat tod katwaan na salitay Dios.

Tito 3:8

Sikato yay tuan bangat. Ipurek mo ra yan bengatla, pian saray mananisiad Dios et ompaga ran manggaway kamaungan. Maabig tan makana ra ya ed saray totoo.

Saray Hebreo 4:1

Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

Santiago 3:17

Balet say kakabatan a nanlapud Dios et ononaona, malinis. Maaro met ed kareenan, maoyamo, makaaro, mapangasi, makolid panaggaway kaabigan, anggapoy labien to, tan aliwan mansimpisimpitan.

1 Pedro 1:17

Say Dios anggapoy lalabien to. Sintinsiaan toy balang sakey onung ed saray ginagawa to; tan lapud tatawagen yo na Ama, nepeg yon pagalangan legay panayam yo a sangkaili diad tapew na dalin.

1 Pedro 2:2

Singa saray mansususon ogogaw, pampilalekan yon inomen so puron maispiritun gatas, pian diad paninom yo, ombaleg kayod pananisia ya anggad pakagamur yoy nagnap a kilalaban.

Judas 1:23

ilaban yo ray arum diad panamegley na pangyarawi yod sikara ed apoy. Kasian yo met iray arum, balet nantekep na takot so pangasi yo; bosul yoy ikakawes dan amansaay maoges iran pilalek na laman.

Puyan 3:19

Pampasnukan tan dusaen ko ray amin ya inarok. Kanyan manseet ka, tan mampatauli ka.