2 CORINTO 6:8 - Maung A Balita Biblia

⁸ Asalsali miy pinapagalangan tan pinapabaingan, pinapaabeba tan pinapaatagey. Nipasen kamin matila, balet katwaay sasalitaen mi.

Maung a Balita Biblia

⁸ Asalsali miy pinapagalangan tan pinapabaingan, pinapaabeba tan pinapaatagey. Nipasen kamin matila, balet katwaay sasalitaen mi.

2 CORINTO 6:8 Iomraidhean Croise

Mateo 10:25

Kanyan masarag lan magmaliw so babangatan a singa say bumabangat to, tan say aripen a singa say amo to. No Beelzebul so ipangaran dad panguloy pamilya; nagkalalon aliwliway ipangaran dad saray kabyangan na pamilya to!”

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Mateo 27:63

Inkuanda, “Nanunotan mi a nen mabilay ni man a matilan too inkuanto, ‘Onoli ak ed bilay kasumpal na taloy agew.’

Marcos 12:14

Inmasingger irad kinen Jesus tan kuanda, “Maistro, kabat min tua ya amin so ibabagam. Aliwa kan manangibiig, ta nampaparay pangipapasen mod amin a totoo. Ibabangat mo ray totoo no antoy linawa na Dios nipaakar ed sikara. Ibagam pad sikami, sumpad Ganggan kasi so pambayar na buis ed Impirador na Roma? Mambayar kamiy buis odino andi?”

Juan 7:12

Dakel so iyeesaes na saray totoon nipaakar ed sikato. “Maung a too,” kuan na saray arum, balet wala ray mangibabaga, “Andi, ta ibabalang to ray totoo.”

Saray Gawgawa 10:22

Inmebat ira, “Imbaki kami dia nen Kapitan Cornelio. Maung iman a too, manangigalang ed Dios, tan igagalang na amin a Judio. Imbagad sikato na sakey a masanton anghil a paawit to kad abung to, tan ondengel ed antokaman ya ibagam.”

Saray Gawgawa 16:39

Kanyan linma ra, tan akikerew iray pirdonad sikara. Impaway da rad prisowan, insan da kinerew ya ontaynan la ra.

Saray Gawgawa 22:12

“Walad may sakey a lakin manngaray Ananias. Rilihioso yan too, manusumpal na Ganggan, tan gagalangen na amin a Judion manaayam diman.

Saray Gawgawa 24:5

Ta nalmoan min magolo yan too. Manangigapoy golo ed amin da ray Judio ed intiron mundo, tan sikatoy panguloy sikta na saray Nazareno.

Saray Gawgawa 28:22

Anggaman ontan, labay mi kan narengel, ta kabat min anggan iner a pasen, sumpad sayan sikta so sasalitaen na saray totoo.”

Saray Gawgawa 4:21

Lalon sinebelan iray kabyangay Sanidrin, insan da ra imbolus. Anggapoy naalmo ran makasengeg na panusa rad sikara, ta idadayew na amin a totoo so Dios, lapud sayan agawa.

Saray Gawgawa 5:13

Anggapo ed saray aliwan mananisia so makakpel a miolup ed sikara, anggaman ya agaylay panangidayew na totoo ed saray mananisia.

Saray Gawgawa 6:3

Kanyan, agagi, mamili kayoy pitoran lalakid saray kakaiba. Pili yo ray bibirbiren a maung a totoo, makabat tan napnoy Ispiritu Santo, ta ipalima lad sikara yan kimey.

Saray Taga Roma 3:8

Akin et ag tayo ikuan sirin, “Manggawa itayoy kaogsan, pian mambungay kamaungan”? Diad pamaoges na saray arum ed sikami, inkuanda ya imbaga mi ya kono! Say dusan kanepegan da so niiter ed sikara.

2 CORINTO 1:18

Bangta matoor so Dios, say salita mid sikayo aliwan “Andi” tan “On.”

2 CORINTO 11:21

Ambaing ak a mamirbir ed saya, balet ag mi nitepel a gawaen itan! Balet no walay makapangitepel a mampasirayew na antokaman, makapampasirayew ak met. (Mansasalita ak a singa makulang-kulang.)

2 CORINTO 12:16

Amta yon ag ak akapabelat ed sikayo. Balet ibabagay arum a masilib ak tan sasaolen ta kayo.

2 CORINTO 4:2

Inkaindan mi la ray maamut tan makapabaing a gawa. Ag kami mamapalingo odino mamipikewet na salitay Dios. Diad liwaway katwaan, mambibilay kami ed arap na Dios, tan imamatalek miy sikamin dili ed balang konsinsia na too.

1 TESALONICA 2:3

Ta say pantatanggoyur mi et ag niletneg ed lingo, o maoges a getma, odino pilalek miy mangibalang.

1 Timoteo 3:7

Nepeg met a gagalangey totoon aliwan kabyangay iglisia, pian ag napelag ed kababaingan tan ag naerel ed patit nen Diablo.

1 Timoteo 4:10

Kanyan mankikimey tan mansasagput itayon maung, ta maniilalo tayod mabilay a Dios, say Manangilaban na amin a katoowan, lautlad saray mananisia.

Saray Hebreo 13:13

Kanyan onla itayod sikato diad paway na kampo tan minabang ti met ed kababaingan to.

1 Pedro 4:14

Manliket kayo no napabaingan kayo lapud itotombuk yod Cristo, ta mapatnag ed satan a say mapagalang tan makapanyarin Ispiritu na Dios et manaayam ed sikayo.

3 Juan 1:12

Maung so pantatasi na balang sakey nipaakar ed kinen Demetrio; say katwaan so dilin mantatasi. Tasian mi met, tan amtam a katwaan so ibabaga mi.

Puyan 3:9

Dengel ka! Paonlaen ko rad sika tan padakmomoen kod arap mo ray kakaiba nen Satanas a matitila tan mangibabagan Judio ra anta andi, pian nakabatan da ya inaro ta ka.