2 CORINTO 6:4 - Maung A Balita Biblia

⁴ Ingen, diad amin a gagawaen mi, ipapaamta min kumikimey kami na Dios, lapud ontan lan pantetepel mid saray segsegang, kairapan, tan kaermenan.

Maung a Balita Biblia

⁴ Ingen, diad amin a gagawaen mi, ipapaamta min kumikimey kami na Dios, lapud ontan lan pantetepel mid saray segsegang, kairapan, tan kaermenan.

2 CORINTO 6:4 Iomraidhean Croise

Isaias 61:6

Natawag kayo a papari na Katawan, Saray aripen na Dios tayo. Manliket kayod kayamanan na saray bansa Tan ikinon yon kayaryan yo ra.

Joel 1:9

Anggapo lay trigo odino alak ya ibagat ed Timplo; maermen iray papari lapud anggapoy nibagat da ed Katawan.

Joel 2:17

Nepeg ya onakis tan mampikasi iray paparin manlilingkur ed nanleetan na altar tan say lolooban ed Timplo: “Katawan, kasian mo pa ray totoom. Ag mo pa iyaabuloy a balawen tan ludlureyen kami na arum a bansa diad pangikuan da, ‘Kawalaan na Dios yo?’”

Lucas 21:19

Mananos kayo, pian nagamuran yoy tuan bilay.”

Juan 16:33

Imbagak yad sikayo, pian nawalaan kayoy kareenan diad pikasakey yod siak. Manirap kayo diad mundo, balet pabiskeg yoy linawa yo! Tinalok lay sankamundoan!”

Saray Gawgawa 2:22

“Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Saray Gawgawa 20:34

Kabat yo met ya impankimey ko ra yan limak, pian makalmo ak na onkana ed siak tan saray kakaibak.

Saray Gawgawa 9:16

Ipanengneng kod sikatoy amin a nepeg ton nasagmak a kairapan lapud siak.”

Saray Taga Roma 14:18

Say manlingkur na onya ed Cristo et paliketen toy Dios tan abubonay totoo.

Saray Taga Roma 16:10

Ibanoan yo ak met ed kinen Apeles ya apaneknekan a matoor ed Cristo. Ibanoan yo ak met ed pamilya nen Aristobulo,

Saray Taga Roma 3:5

Balet antoy kuan tayo, no say panggagawa tayoy kaogsan so lalon mangipatnag a matonung so gagawaey Dios? Ibaga ti kasin makapoy so gagawaey Dios no dusaen to itayo? (Mansasalita ak dia a singa panangibagay too.)

Saray Taga Roma 5:8

Balet impanengneng na Dios so ontan lan panangaro tod sikatayo, ta nen makasalanan itayo ni, si Cristo inatey para sikatayo.

1 CORINTO 3:5

Siopay Apolos a? O siopay Pablo a? Aripen kami labat na Dios, ya inkana ton ananggoyur ed sikayo a manisia. Gagawaen na balang sakey ed sikami so kimey ya inawat tod Katawan.

1 CORINTO 4:1

Nepeg ya ipasen yo kamin aripen nen Cristo tan managasikaso na saray niamut a katwaan na Dios.

1 CORINTO 9:11

Angipasek kamid sikayo na saray maispiritu ran bokel. Makapabelat la kasin tuloy so panani mid sikayo na matiryal iran bengatla?

2 CORINTO 11:23

Managlingkur to ra nen Cristo? Mansasalita ak a singa ambagel, balet maung ak nin managlingkur nen Cristo nen say sikara. Dakel niy kinemeyan ko nen sikara, amimpiga-piga ak ya apriso, piga-pigay dinmadapon lewet ed beneg ko, tan naynay ak a walad sangab na lobuk.

2 CORINTO 11:27

Asalik so nankikimey tan nansasagput; ontan met a naynay so puyat, eras, tan kaapgaan. Naynay a kulang so kanen, ikawes tan siruman ko.

2 CORINTO 11:9

Nen wadtan ak tan kinmulang ak na kuarta, ag ta ki sinigensigen, ta amin a nakaukolan ko et inawit ed siak na saray agagin sinmabi a nanlapud Macedonia. Singa nen saman la, tan anggan kapigan, ag ko labay so pasakbat ed sikayo.

2 CORINTO 12:10

Kanyan no say makasengeg et si Cristo andi balin makapoy ak, napabaingan, napaermen, napasegsegang, tan napairap ak. Ta no kapigan a makapoy ak, diman ak mabiskeg.

2 CORINTO 12:12

Inanosan kon pinaneknekan ed sikayo, diad panamegley na saray tanda, pakelaw, tan milagro, a petepeteg ak ya apostol.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

2 CORINTO 3:6

Sikatoy angiter ed sikami na pakayari min manlingkur ed balon sipanan, say sipanan ya ag inletneg ed nisulat a ganggan, no ag ingen diad Ispiritu. Ta patey so iter na nisulat a ganggan, balet bilay so iter na Ispiritu.

2 CORINTO 4:17

Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

2 CORINTO 4:2

Inkaindan mi la ray maamut tan makapabaing a gawa. Ag kami mamapalingo odino mamipikewet na salitay Dios. Diad liwaway katwaan, mambibilay kami ed arap na Dios, tan imamatalek miy sikamin dili ed balang konsinsia na too.

2 CORINTO 4:8

Biek-ta-biek so pakagogoloan mi, balet ag kami natalo; no maminsan manduaruwa kami, balet ag kami nanaekalay ilalo.

2 CORINTO 7:11

Nengneng yo no antoy ginawad bilay yo na sayan ermen a nanlapud Dios: nagmaliw kin maseet, tan mapeleng kayon mangipapanengneng ya anggapoy kasalanan yo nipaakar ed saraman a bengatla. Saman ya impanpasnuk yo, saman ya inkapagaan yo, saman a liknaan yo, saman a panangaro yo, saman ya inkaparaan yon manusa ed makapoy a gawa! Impanengneng yon ag ki nankasalanan ed saraman a bengatla.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

1 TESALONICA 3:7

Kanyan, agagi, diad pegley na segsegang tan kairapan mi, aligliwa kami diad impakadngel miy pananisia yod Cristo.

1 TESALONICA 5:14

Agagi, ipurek mid sikayo a bilin yo ray mangiras, pabiskeg yo ray mabaing, tulongan yo ray makapoy, tan anosan yo ran amin.

1 Timoteo 2:15

Balet say bii nilaban diad panamegley na pananak to, no sikatoy mansiansiad pananisia, aro, tan kasantosan a katekep day kasimpitan.

1 Timoteo 4:6

Magmaliw kan maung a managlingkur nen Cristo Jesus no ibangat mo ra yan bilin ed saray agagi. Legan mon ibabangat ira ya, tataganoen mo met so sikan dili na maispiritun kakanen, salanti saray salitan nipaakar ed pananisia tan say tuan bangat ya oonuren mo la.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

2 Timoteo 1:8

Kanyan ag mo ibabaing so pantasim nipaakar ed Katawan, tan ag mo ak met ibabaing a priso to. Ingen, minabang kad saray kairapan lapud Maung a Balita, onung ed pakayarin inter ed sika na Dios

2 Timoteo 2:24

Ag nepeg a mikolkol so kumikimey na Katawan, no ag ingen nepeg a mapangasid amin a katoowan, maung a mambangat, maanos,

2 Timoteo 4:5

Balet nepeg a maadya ka lawas. Itepel mo ray kairapan ya onsabid sika. Gawam so kimey na sakey a managpulong na Maung a Balita, tan say amin a kimey na sakey a managlingkur na Dios.

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

Puyan 3:10

Lapud inonur moy ganggan ko a mananos ka, asikasoen ta ka met no onsabiy panaon na kairapan a pakasubok ed amin a katoowan diad intiron mundo.