2 CORINTO 6:16 - Maung A Balita Biblia

¹⁶ O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

Maung a Balita Biblia

¹⁶ O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, Miayam tan milimug ak ed sikara; siak so magmaliw a Dios da, tan magmaliw a totook ira.

2 CORINTO 6:16 Iomraidhean Croise

1 Saray Arari 18:21

Linmay Elias ed saray totoo tan kuanto, “Kapigay pangipasakey yod kanunotan yo? No Dios so Katawan, sikatoy igalang yo; no Dios si Baal, sikatoy igalang yo!” Balet ag inmesel iray totoo.

Saray Salmo 90:1

Katawan, sika lawas so abung mi diad amin ya kailalakan.

Exodo 20:3

“Ag mo igagalang iray arum a diriyos; siak labat so igalang mo.

Exodo 23:13

“Dengel kayod amin a bengatlan imbagak ed sikayo, siak a Katawan. Ag kayo mampipikasi ed arum a diriyos; ag yo anggan bibitlaen so kangaranan da.

Exodo 25:8

Saray totoo et nepeg a manggawa ra na masanton Tuldan para siak, pian makapanayam ak ed kawalaan da.

Exodo 29:45

Manayam ak ed kawalaan na saray Israelita tan siak so Dios da.

Exodo 34:14

“Ag kayo mangigagalang ed arum a diriyos ta siak a Katawan et maimon ak a Dios.

Jeremias 24:7

Itdan ko ra na pilalek a mangamta a siak so Katawan. Diad satan magmaliw iran totook tan siak so Dios da, lapud ompawil irad siak diad intiron puso ra.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 32:38

Diad satan magmaliw iran totook, tan siak so Dios da.

Ezekiel 11:20

Diad satan matoor dan onuren iray amin a ganggan ko. Magmaliw iran totook, tan siak so magmaliw a Dios da.

Ezekiel 36:25

Walsikan ta kayoy malinis a danum tan linisan ta kayod saray amin a talintaoy diriyos yo tan diad amin a bengatlan nandotak ed sikayo.

Ezekiel 36:28

Insan manayam kayod dalin ya inter kod saray lalaki yo. Magmaliw kayon totook tan siak so Dios yo.

Ezekiel 43:7

“Sika a toon ompatey, sikatoya so tronok. Manayam ak dia a kaibak iray totood Israel tan oleyan ko ra ya anggad angga. Saray totoo tan saray arari ra et ag da lan balut ipelag ed kababaingan so masanton ngaran ko diad pangigalang dad saray arum a diriyos odino diad asingger a kiwawala na saray bangkay da ray inaatey ya arari ra.

Ezekiel 43:9

Natan nepeg a tondaan da lay pangigagalang dad arum a diriyos tan ekalen da la ray bangkay na arari ra. No ontoluk ira, anggad anggan kaibak ira ed ayaman ko.”

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Oseas 2:23

Iligen kod dalin iray totook tan paaligwasen ko ra. Aroen ko ra may atawag ya “Ag Naaro,” tan saramay atawag ya “Aliwan Totook” ibagak ed sikara, “Sikayo ray totook,” et onebat ira, “Sika so Dios mi.”

Levitico 26:12

Olupen ta kayo; siak so magmaliw a Dios yo tan sikayo ray totook.

Sofonias 1:5

Pateyen koy toon oonlad toktok na abung a mangigalang ed agew, bulan, tan saray bitewen. Pateyen ko met iray mangigagalang ed siak, tan mansasamban matoor ed siak, balet kabekta mansamba ra ed ngaran na dios a Moloc.

Zacarias 13:9

Suboken ko ray akeraan a kakatlo tan linisan ko ran singa kalinisan na pilak ed apoy. Suboken ko ran singa kasubok na balituk. Insan ira mampikasi ed siak, et ebatan ko ra. Ibagak ed sikara a sikaray totook, tan ibawag dan siak so Dios da.”

Zacarias 8:8

tan manlapud bokig tan sagur ipawil ko ran manayam ed Jerusalem. Magmaliw iran totook tan siak so Dios da a manoley ed sikara onung ed inkatoor tan inkatonung.

Mateo 16:16

Inmebat si Simon Pedro, “Sika so Cristo ya Anak na Dios a mabilay.”

Mateo 6:24

“Anggapoy toon makapanlingkur ed duaran amo, ta bosulen toy sakey tan aroen toy sakey, panlingkuran toy sakey tan balawen toy sakey. Ag kayo makapanlingkur ed Dios tan say kayamanan.

Lucas 5:36

Sinalita nen Jesus met yan alimbawa ed sikara, “Anggapoy mamilat na balon abel, insan to isakab ed daan a kawes. Ta no onyay gawaen to, naderal to may balon kawes, tan sakey ni, mabambanday.

Juan 14:23

Inmebat si Jesus, “Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

Juan 6:56

Siopamay mangan na laman ko tan oninom na dalak, manayam ed siak tan manayam ak ed sikato.

Saray Taga Roma 8:11

No manayam ed sikayo so Ispiritu na Dios ya amaolid bilay ed kinen Jesus, say Dios ya amaolid Cristo so mangiter met na bilay ed saray ompatey a laman yo, diad panamegley na Ispiritu a manaayam ed sikayo.

Saray Taga Roma 8:9

Balet ag ki la mambibilay onung ed inkanatural na too, no ag ingen onung ed linaway Ispiritu, no tuan manaayam so Ispiritu na Dios ed sikayo. Say toon andid sikatoy Ispiritu nen Cristo, ag kayaryan nen Cristo.

Saray Taga Roma 9:26

Tan diad pasen ya akapangibagaan ed sikara, ‘Ag ta kayo ra totoo,’ dimay pakatawagan ed sikaran anak ira na mabilay a Dios.”

1 CORINTO 10:21

Ag yo nayariay oninom ed kupay Katawan tan diad kupa da ray dimonyo. Ag yo nayariay ondongod lamisaay Katawan tan diad lamisaan da ray dimonyo.

1 CORINTO 6:19

Ag yo ta amtan say laman yo et timplo na Ispiritu Santo a manaayam ed sikayo tan inter na Dios ed sikayo? Ag yo kayaryay laman yo; say Dios so makankayaryan, ta

TAGA-EFESO 2:20

Nipaalagey ki met ed tapew na pundasion ya inletneg na saray apostol tan saray propita, say baton suyok, a salanti si Cristo Jesus.

TAGA-EFESO 2:22

Diad pikakasakey yod sikato, akikasakey ki met ed saray arum, tan magmamaliw kayon sakey a pasen a panayamay Dios diad panamegley na Ispiritu to.

TAGA-EFESO 3:17

Ontan met a manayam komuy Cristo ed puso yo, diad panamegley na pananisia yod sikato. Ipipikasik ya onlamut tan onletneg kayo komun ed aro,

Deuteronomio 5:7

“Ag mo igagalang iray arum a diriyos; siak labat so igalang mo.

1 Timoteo 3:15

pian no bilang ta naabala ak tan ag ko makakar ditan a tampol, amtam no antoy nepeg a gawaey sakey a too ed pikakabyangan tod pamilyay Dios, salanti say iglisia na mabilay a Dios. Sayan iglisia et sikatoy lusek tan pundasion na katwaan.

2 Timoteo 1:14

Diad tulong na Ispiritu Santo a manaayam ed sikatayo, asikasom so maung a bengatlan nimatalek ed sika.

Saray Hebreo 3:6

Balet si Cristo matoor ya Anak ya inkargadod abung na Dios. Sikatayoy abung to, no mansiansiay panagmatalek tan biskeg na linawa tayo ed iilaloan tayo.

Saray Hebreo 8:10

Sikato yay pisipanan ko ed saray totood Israel diad saray agew ya onsabi, kuay Katawan: Iseksek kod kanunotan da ray ganggan ko tan isulat kod kapusoan ra. Siak so magmaliw a Dios da, tan sikara so totook.

Santiago 4:5

Ompan abaloan yon andi-kakanaay ibabagay Masanton Sulat: “Say Ispiritu ya inter na Dios ed sikatayo et napno na saray masebeg a pilalek.”

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

1 Juan 4:12

Anggan kapigan, anggapo niy toon akanengneng ed Dios, balet no manaarowan itayo, manayam ed sikatayo so Dios tan ayadyarid sikatayoy aro to.

1 Juan 4:15

Siopamay mangibagan si Jesus et Anak na Dios, manayam so Dios ed sikato tan sikatoy manayam ed Dios.

Puyan 2:1

“Isulat mod anghil na iglisia ed Efeso: “Sikato yay ibabaga to may sankabembenan toy pitoran bitewen ed kawanan a lima to, tan manaakar ed pegley na pitoran balituk a panangipatoonay lamparaan.

Puyan 21:3

Arengel koy maksil a bosis a nanlapud trono tan inkuanto, “Natan, say abung na Dios wala lad pegley da ray katoowan! Miayam ed sikara, tan magmaliw iran totoo to. Nakaiba ra lawas so Dios, tan magmaliw a Dios da.

Puyan 21:7

Siopamay manalo tawiren to ya: magmaliw ak a Dios to, tan sikatoy magmaliw ya anak ko.