2 CORINTO 5:15 - Maung A Balita Biblia

¹⁵ Inatey para amin a katoowan si Cristo, pian saray mabilay et ag la ra mambilay para sikaran dili, no ag ingen para samay inatey tan inmolid bilay para sikara.

Maung a Balita Biblia

¹⁵ Inatey para amin a katoowan si Cristo, pian saray mabilay et ag la ra mambilay para sikaran dili, no ag ingen para samay inatey tan inmolid bilay para sikara.

2 CORINTO 5:15 Iomraidhean Croise

2 Saray Arari 5:17

Kanyan inkuanen Naaman, “No ag mo awaten yay rigalok, abuloyan mo pa sirin a mangisempet ak na dalin a kargaen na duaran mula, ta manlapu lad sayan agew ag ak mangisaklang a mamool na saray bagat ed dinanman a dios likud ed Katawan.

Ezekiel 16:6

“Nen ondadalan ak anengneng kon pigar-pigar kad dilin dalam. Anggaman ya adala-dalaan so intiron laman mo, inyabuloy kon mambilay ka.

Ezekiel 37:14

Ingasan ko ra et nabilay ira, insan ko ra panayamen ed dilin dalin da. Naamtaan dad satan a siak so Katawan. Insipan ko a gawaen ya—et tuan gawaen ko. Siak a Katawan so nansalita.”

Ezekiel 37:9

Inkuan na Dios ed siak, “Sika a toon ompatey, mampropisiya ka ed dagem. Ibagam ed dagem a say Katawan a Dios igaganggan to ya onsabin manlapud amin a dapag, onsibuk ed sarayan bangkay, pian ombilay ira.”

Habacuc 2:4

Et sikato ya so kuanko: ‘Saray maoges a totoo et ag ira makapaliis ed patey, balet saray matonung mambilay ira lapud matoor ira ed Dios.’”

Zacarias 10:9

Anggaman ya intaytayak ko ra ed saray bansa, nanunotan da ak diman ed arawin lugar. Sikara tan saray anak da et makapaliis irad patey tan mambabansag iran ompawil ed bansa ra.

Juan 5:24

“Ibabagak ed sikayoy katwaan a siopamay ondengel ed salitak tan manisiad samay angibakid siak, walay bilay ton andi-anggaan; ag la nasintinsiaay dusa, lapud nilabasan to lay patey tan linmoob lad bilay.

Juan 6:57

Say mabilay ya Ama so angibakid siak, tan mambilay ak lapud sikato. Ontan met a siopamay mangan ed siak, mambilay lapud siak.

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 4:25

Pinatey si Jesus lapud saray kasalanan tayo, tan pinaolid bilay pian napaandi ray kasalanan tayod arap na Dios.

Saray Taga Roma 6:2

Andi! Inatey ti lad kasalanan, panon niy pambilay tid kasalanan?

Saray Taga Roma 6:6

Amta tayon kaiba nen Cristo a nipasak ed krus so daan ya inkatoo tayo, pian naderal so makasalanan ya inkanatural tayo, et diad ontan ag ti la paaripen ed kasalanan.

Saray Taga Roma 8:10

No walay Cristo ed sikayo, anggaman ya inatey so laman yo lapud kasalanan, mambibilay so ispiritu yo, ta pinaandi lay Dios iray kasalanan yo.

Saray Taga Roma 8:2

Ta say ganggay Ispiritu, a mangiiter ed sikatayoy bilay diad panamegley na pikakasakey tid Cristo Jesus, so angibolus ed siak. Kanyan andi ak la ed silong na ganggay kasalanan tan patey.

Saray Taga Roma 8:6

Say panoley na kanunotan na inkanatural na too et mansumpal ed patey, balet say pangonur ed panangiwanwan na Ispiritu et mansumpal ed bilay tan kareenan.

1 CORINTO 10:33

Gawa yoy gagawaen ko; papaliketen koy amin a katoowan tan ag ko nununotey pankaabigan ko, no ag say pankaabigan na amin pian nilaban ira.

2 CORINTO 12:10

Kanyan no say makasengeg et si Cristo andi balin makapoy ak, napabaingan, napaermen, napasegsegang, tan napairap ak. Ta no kapigan a makapoy ak, diman ak mabiskeg.

2 CORINTO 3:6

Sikatoy angiter ed sikami na pakayari min manlingkur ed balon sipanan, say sipanan ya ag inletneg ed nisulat a ganggan, no ag ingen diad Ispiritu. Ta patey so iter na nisulat a ganggan, balet bilay so iter na Ispiritu.

2 CORINTO 5:16

Kanyan natan, say pangamta miy siopaman et aliwa lan onung ed panagsintinsiay too. Nen inmona, onyay impangamta mid Cristo, balet aliwa lan onya natan.

TAGA GALACIA 5:25

Say Ispiritu so angiter ed sikatayoy bilay, kanyan sikatoy nepeg a mangiwanwan ed bilay tayo.

TAGA-EFESO 4:17

Diad ngaray Katawan sirin, ibabagak tan ipupurek kod sikayo: ag ki la mambibilay a singa saray Hintil, ya andi-kakanaay kanunotan da

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

COLOSAS 2:12

Ta nen abinyagan kayo, nipompon kayon kaiba nen Cristo tan inmoli kayod bilay a kaiba to, lapud pananisia yod pakayariy Dios, ya amaolid bilay ed Cristo.

COLOSAS 3:1

Pinaoli kayod bilay a kaiba yoy Cristo, kanyan panogagepan yo ray bengatlan walad tawen a kawalaan nen Cristo, ya akayorung ed nikawanay Dios.

COLOSAS 3:17

Antokaman sirin a gawaen o salitaen yo, gawa yo ran amin diad ngaran na Katawan a Jesus, tan diad panamegley to, misalamat kayod Dios Ama.

COLOSAS 3:23

Antokaman a gawaen yo, gawa yon mabolbolus, a singa kayo manlilingkur ed Katawan, aliwa labat a diad too.

1 TESALONICA 5:10

ya inatey para sikatayo pian nakaiba tayo, inatey man o mabilay itayo.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

1 Pedro 4:6

Lapud saya nipulong met so Maung a Balita ed saray inaatey, pian mambilay iran maispiritu a singa pambibilay na Dios, anggaman ontan ya asintinsiaan la ra ed pisikal a bilay da a singa kasisintinsiaan na amin a katoowan.

1 Juan 4:9

Onyay impangipanengneng na Dios na aro tod sikatayo: imbaki tod mundo so bogbogtung ya Anak to, pian nawalaan itayoy bilay ed panamegley to.

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.