2 CORINTO 5:11 - Maung A Balita Biblia

¹¹ Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.

Maung a Balita Biblia

¹¹ Amta miy kabaliksan na ontakot ed Katawan, kanyan tatanggoyuren mi ray totoon ontakot ed sikato. Kabat na Dios so petepeteg ya inkatoo mi, tan iilaloan kon kabkabat yo met ed puso yo.

2 CORINTO 5:11 Iomraidhean Croise

Genesis 35:5

Nen onsisiput si Jacob tan saray anak ton lalaki, sinmabiy baleg a takot ed saray totood kaliber-liber iran baley, kanyan ag da ra inosilan.

Say Libro nen Job 18:11

Diad kaliber-liber to takot so manaalagar ed sikato; tombutombuk ed inerman a laen to.

Say Libro nen Job 31:23

Antakot koy pananusa na Dios, kanyan ag ko nayarian a gawaen yan kaogsan.

Say Libro nen Job 6:4

Say Makapanyarin-amin a Dios pinapana to ak; onkakayat ed intiron laman ko so samal. Say Dios imbolus tod siak iray amayamay a panagtaktakot to.

Saray Salmo 73:19

Bigla ran naderal; makapataktakot so pansumpalan da.

Saray Salmo 76:7

Balet sika makapataktakot ka. Siopay makakpel ya onarap ed sika no mamapasnuk ka?

Saray Salmo 90:11

Siopay akalikna na ontan lan belat na pasnuk mo? Siopay makaamtad takot a nayarin iter na pasnuk mo?

Isaias 19:16

Onsabiy panaon a magmaliw a singa mabaing a bibii iray Egipsio. Onggiwgiw irad takot no nanengneng dan akaonat a manusad sikara so taklay na Katawan a Makapanyarin-amin.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Mateo 25:46

Sikara ya sirin so onlad dusan andi-anggaan; saray matonung so panagbilay da sikaray onlad bilay ya andi-anggaan.”

Lucas 12:5

Ibagak ed sikayo no siopay nepeg yon takotan: takotan yoy Dios ta kasumpal ton mamatey, wala niy pakayari ton mangibantak ed impirno. On, kuankod sikayo, sikatoy nepeg yon takotan!

Lucas 16:31

Balet kuanen Abraham, ‘No ag da dengelen si Moises tan saray propita, ag da met panisiaan so anggan toon naolid bilay.’”

Saray Gawgawa 13:43

Kasumpal na impantitipon dad sinagoga, tinmombuk ed kindi Pablo tan Bernabe iray amayamay a Judio tan saray Hintil a naayat ed Judaismo. Nansalita ray apostol ed sikara tan sinimbawa da ran ag ira ontotonda a mambilay onung ed baleg a panangaroy Dios ed sikara.

Saray Gawgawa 18:13

“Sayan too,” inkuanda, “aayaten ton mangigalang ed Dios iray totoo diad panangigalang a sumlang ed ganggan.”

Saray Gawgawa 18:4

Kapag Agew na Panagpainawa, akipappalinewan ed sinagoga, tan ginagawa toy anggaay nayarian to a panisiaen iray Judio tan saray Grigo.

Saray Gawgawa 19:26

Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Saray Gawgawa 26:26

Niay Ari Agripa! Makmakpel ak a nansalitad sikato, ta amta to ra ya. Ag ak manduaruwan nanaimano to ra yan amin, ta ag ira agawad maamut.

Saray Gawgawa 28:23

Wala siriy tinandaan dan agew ya ipawil da. Kasabi to man ya agew, amayamay iray dinmadagod panaayaman nen Pablo. Manlapud kabwasan ya anggad labi, impaliwawa tan pinaneknekan tod sikaray nipaakar ed Panariay Dios. Diad panamegley na Ganggan nen Moises tan saray insusulat da ray propita, ginawa toy anggaay nayarian to a panisiaen irad kinen Jesus.

2 CORINTO 2:17

Aliwa kamin singa saray amayamay a totoon panninigosioan day salitay Dios. Ingen, lapud imbaki kamiy Dios tan aripen kami nen Cristo, matoor kamin mansalita diad arap na Dios.

2 CORINTO 5:20

Kanyan sikamiy ibabaki nen Cristo. Singa say Dios la sirin so mikakasid sikayo diad panamegley mi; pikasi mid sikayo, diad ngaran nen Cristo, ya abuloyan yoy Dios a pagmaliwen to ki lan kakaaro to!

2 CORINTO 6:1

Ontutulong kamid kimey na Dios, kanyan kekerewen mid sikayo ya ag yo dadaraken so baleg a panangaron inawat yod sikato.

TAGA GALACIA 1:10

Say labay to ya kasin ibaga et aanapen koy pangidayew na too? Andi! Say pangidayew na Dios so aanapen ko. Aanapen ko kasiy pamaliket kod too? Na sayay anapen ko, aliwa ak komun a manepeg ya aripen nen Cristo.

TAGA-EFESO 5:21

Manoonuran kayo ta sikato yay pakanengnengan na pangigagalang yod Cristo.

Saray Hebreo 10:31

Makapataktakot so napelag ed limay Dios a mabilay!

Saray Hebreo 12:29

ta say Dios tayo et manangoput ya apoy.

Judas 1:23

ilaban yo ray arum diad panamegley na pangyarawi yod sikara ed apoy. Kasian yo met iray arum, balet nantekep na takot so pangasi yo; bosul yoy ikakawes dan amansaay maoges iran pilalek na laman.

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.