2 CORINTO 4:8 - Maung A Balita Biblia

⁸ Biek-ta-biek so pakagogoloan mi, balet ag kami natalo; no maminsan manduaruwa kami, balet ag kami nanaekalay ilalo.

Maung a Balita Biblia

⁸ Biek-ta-biek so pakagogoloan mi, balet ag kami natalo; no maminsan manduaruwa kami, balet ag kami nanaekalay ilalo.

2 CORINTO 4:8 Iomraidhean Croise

Saray Salmo 129:2

“Nanlapud lad impanogaw ko, mapalalon pinapairap ak na saray kalaban ko, balet ag da ak atalo.

Saray Salmo 37:33

balet ag paolyan na Katawan so maung a too a napelag ed pakayariy kalaban to, o paolyan ton nasintinsiaan a nankasalanan no naakusa.

Probirbio 14:26

Say panangigalang ed Katawan mangiiter na talek tan mangyaarawid kaatapan ed sakey a too tan pamilya to.

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Isaias 40:31

Balet napasimbalo so biskeg na saray manmamatalek ed Katawan. Onalagey iran nampayak a singa agila; mambatik ira, et ag ira napunaw; manakar ira, et ag ira onkapoy.

Habacuc 3:17

Anggan anggapoy bungay igos tan saray kaubasan, anggan anggapoy naborbor ed kaolibaan tan anggapoy naanid kaalogan, anggan ompatey ya amin iray karniro tan naandian na baka iray koral,

Juan 14:18

“Ag ta kayo taynan a mambukbukor; pawilen ta kayo.

1 CORINTO 10:13

Anggapo niy sinmabin tukso ed sikayo ya ag ni asaliy karaklan. Matoor so Dios, kanyan ag to iyabuloy ya onsabid sikayoy tukson ag yo nayarian a taloen. Itdan to kayo ingey biskeg no natukso kayo, pian napaliisan yo, et manalo kayo.

2 CORINTO 12:10

Kanyan no say makasengeg et si Cristo andi balin makapoy ak, napabaingan, napaermen, napasegsegang, tan napairap ak. Ta no kapigan a makapoy ak, diman ak mabiskeg.

2 CORINTO 6:12

Ag mi kinaputan so puso mi ya angakod sikayon amin, balet kinaputan yoy puso yo ta ag yo kami inawat.

2 CORINTO 6:4

Ingen, diad amin a gagawaen mi, ipapaamta min kumikimey kami na Dios, lapud ontan lan pantetepel mid saray segsegang, kairapan, tan kaermenan.

2 CORINTO 7:5

Anggan nen kasabi mid Macedonia, ag kamin balut akapainawa, lapud biekta-biek iray kairapan mi; wala ray kolkolan tan mapaga ray puso mi.

TAGA GALACIA 4:20

Oy la komun ta kaarap ta kayo natan pian naoman koy pitotongtong kod sikayo, ta talagan mapaga ak ed sikayo!

1 Samuel 28:15

Inkuanen Samuel ed kinen Saul, “Akin et sinigensigen mo ak? Akin et pinapawil mo ak?” Inmebat si Saul, “Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.”

1 Samuel 30:6

Agunigon a maung si David, ta ansakit a maung so linawa da ray totoo to lapud inkabalang na saray anak da, tan pantotongtongan da lan tupaken. Balet pinabiskeg na Katawan a Dios to so linawa to.

1 Samuel 31:4

Inkuantod balolakin umaawit na armas to, “Oyus moy ispadam tan patey mo ak, ompan panggalaw-galawan da ak ira yan anggapoy Dios.” Balet ag ginawa na samay balolaki, ta mapalaloy takot to. Kanyan inala nen Saul so dilin ispada to, insan to intakbay laman to ed samay ispada.