2 CORINTO 4:17 - Maung A Balita Biblia

¹⁷ Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

Maung a Balita Biblia

¹⁷ Sayan daiset tan ag magnayon a kairapan a sasakbaten mi et mambungay baleg, magnayon, tan ag miparan kagalangan.

2 CORINTO 4:17 Iomraidhean Croise

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Saray Salmo 119:67

Kasakbayan na impanusam ed siak, maoges so kagagawak, balet natan oonuren koy salitam.

Saray Salmo 119:71

Pankaabigan ko so impakadusak, ta naaral ko lalaingen iray ganggan mo.

Saray Salmo 30:5

Mangangganon onkekepay sanuk to, balet anggad samput na bilay so kaabigan to. Nayarin walay ermen no labi, balet onsoblay so gayaga no kabwasan so onsabi.

Saray Salmo 31:19

Makapakelaw a tuloy so kamaungan ya igaganam ed saray mangigagalang ed sika! Kabat na amin a totoo so ontan lan kamaungan mo, say ontan lan panangyagel mod kaatapan ed saray manmamatalek ed sika.

Saray Salmo 73:24

Iwawanwan ak na pananimbawam et diad kaonuran, mapagalang ya awaten mo ak.

Isaias 26:20

Loob kayod saray kaabungan yo, sikayon totook, tan isara yoy puirta. Amut kayon magano ya anggad onkepay pasnuk na Dios.

Isaias 54:8

Diad maganon bekta tinaynan ta kan walay pasnuk ko, balet andi-anggaan kon ipanengneng so panangarok ed sika.” Saya sirin so ibabaga na Katawan a mangilalaban ed sika.

Isaias 64:4

Anggapo niy akanengneng odino akadngel na nipaakar ed Dios a singa sika, a manggagawa na onman iran gawa para saray maniilalod sika.

Saray Bilang 5:28

Balet no ag akikaloguran, ag naano tan makapananak.

Mateo 5:12

Manliket tan manggayaga kayo, ta balbaleg so tumang yod tawen. Onya met so impampapairap na totood saray propita ya akaonan nambibilay nen sikayo.”

Lucas 6:23

Manggayaga kayo tan lukso kayod liket no nagawa ya, ta balbaleg so tumang yod tawen. Onya met so ginagawa na saray lalaki ra ed saray propita.

Saray Gawgawa 20:23

Saya labat so amtak: diad balang baley a nilak, impasakbay na Ispiritu Santo a say kaprisok tan panirap ko so manalagar ed siak.

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Taga Roma 8:18

Ipapasen ko a saray kairapan ed sayan panaon et ag ira nayarin ipara ed kagalangan a nipatnag naani ed sikatayo.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

Saray Taga Roma 8:37

Andi! Sarasarag ti ra yan amin a taloen diad panamegley na Dios ya angarod sikatayo!

1 CORINTO 2:9

Balet onung na ibabagay Masanton Sulat, “Ag ni anengneng odino nadngel na too, ag met ni anggan sinmibang ed nunot to, so imparaan na Dios ed saray mangarod sikato.”

2 CORINTO 3:18

Natan ta nakal lay sakbung ed lupa tayo, sikatayo lan amiy mangipatnag na marlang a kagalangay Katawan. Saman met lamlamang a marlang a kagalangan a manlapud Katawan a sikatoy Ispiritu so mangoman na nengneng tayo pian magmaliw a lalon marmarlang, anggad makapipara tayod sikato.

FILIPOS 1:19

et say pakaamtak a nabolus ak lapud pananulong na Ispiritu nen Jesu-Cristo tan lapud pangipipikasi yod siak.

2 TESALONICA 1:4

Kanyan sikamin dili ikikinun mi kayod saray iglisiay Dios, lapud pansiasiansiay tepel tan pananisia yo, anggaman a dakel iray segsegang tan kairapan a liliknaen yo.

2 TESALONICA 1:6

Gawaen na Dios so manepeg: kairapan so ibales tod saray mamapairap ed sikayo.

2 Timoteo 2:10

Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

1 Pedro 5:10

Kasumpal na panirap yon magano, say Dios a sobul na amin a panangaro tan sikatoy anawag ed sikayon minabang ed andi-anggaan a kagalangan to, diad panamegley na pikakasakey ed Cristo, et pagmaliwen to kayon ayadyari, pabiskegen, tan paeleten to kayo.

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.

Judas 1:24

Diad sikato a makaasikasod sikayo pian ag kayo napelag tan makapangyarap ed sikayo ya anggapoy pakabalawan ed sikayo, tan walay baleg a liket diad mapagalang a kawalaan to—