2 CORINTO 4:15 - Maung A Balita Biblia

¹⁵ Pankaabigan yo ra yan amin a nagagawa, tan diad ikakayat na panangasiy Dios ed saray totoo, ondakel so iter dan pisasalamat a pakagalangan na Dios.

Maung a Balita Biblia

¹⁵ Pankaabigan yo ra yan amin a nagagawa, tan diad ikakayat na panangasiy Dios ed saray totoo, ondakel so iter dan pisasalamat a pakagalangan na Dios.

2 CORINTO 4:15 Iomraidhean Croise

Saray Salmo 50:14

Say pisasalamat so nepeg yon ibagat ed Dios, tan iter yod Makapanyarin-amin so antokaman ya insipan yo.

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.”

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

1 CORINTO 9:19

Bolus ak tan anggapon balut so mangaariped siak, balet papaaripen ak ed amin a too, pian dakel so natanggoyur kod pananisia.

2 CORINTO 1:11

diad tulong na impangipikasi yod sikami. Diad ontan dakel iray misalamat ed Dios lapud saray bindision tod sikami, a pinagkaebat na pikakasi da ray dakerakel a totoo.

2 CORINTO 8:19

Aliwan satan labat, sikatoy pinili met tan tinoro na saray iglisia a kaiba min mambiahi legan min manlilingkur lapud aro. Sayan panaglingkur et pakagalangay Katawan, tan pakanengnengay panlabay min ontulong.

TAGA GALACIA 1:24

Kanyan inggalang day Dios lapud siak.

COLOSAS 1:24

Makaliliket ak natan ed paniirap ko para sikayo, tan nitutuloy koy kairapan a nepeg nin liknaen nen Cristo para laman to, salanti say iglisia.

1 Timoteo 1:14

Say Katawan inibung tod siak so ag nasabsabaan a bindision to tan initdan to ak na pananisia tan aro a walad sikatayo diad pikakasakey tid Cristo Jesus.

2 Timoteo 2:10

Lapud saya itetepel koy amin a bengatla, makasengeg ed saray pinilin totooy Dios, pian nagamuran da met komun so kilalaban a walad Cristo Jesus tan say andi-anggaan a kagalangan.

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.

1 Pedro 4:11

Sarag moy mampulong? Ipulong moy salitay Dios. Sarag moy manlingkur? Ikanam ed panaglingkur so biskeg ya inter na Dios ed sika; diad ontan, napagalangay Dios ed amin a bengatla, diad panamegley nen Jesu-Cristo. Kayaryan na Dios so galang tan pakayari ed ando lan ando! Amen.