2 CORINTO 13:5 - Maung A Balita Biblia

⁵ Subok yoy sikayon dili tan imano yo no mambibilay kayo kasi onung ed pananisia. Ag yo ta nabibirbir ed sikayon dili a walad sikayoy Jesu-Cristo?—likud labat no ag yo nilabas so pananubok.

Maung a Balita Biblia

⁵ Subok yoy sikayon dili tan imano yo no mambibilay kayo kasi onung ed pananisia. Ag yo ta nabibirbir ed sikayon dili a walad sikayoy Jesu-Cristo? likud labat no ag yo nilabas so pananubok.

2 CORINTO 13:5 Iomraidhean Croise

Saray Salmo 119:59

Ninunot koy kagagawak, et isisipan kon tombuken iray ganggan mo.

Saray Salmo 17:3

Sinokayan moy pusok. Dinago mo ak ed labi; sigput mo ak a sinubok, et anggapoy arumog mod siak a maoges a pilalek. Ag ak mansasalitay kaogsan

Saray Salmo 26:2

Sokayan tan subok mo ak pa, Katawan; sintinsiaan mo pa ray pilalek ko tan saray kanunotan ko.

Jeremias 6:30

Natatawag iran andi-kakanaan a pilak, ta siak, say Katawan, impolisay ko ra.”

Saray Tagleey 3:40

Sukimaten tayoy kabibilay tayo, insan ompawil itayod Katawan.

Ezekiel 18:28

Nabibirbir to so gagawaen to tan ontotondan mankasalanan, kanyan andi-duaruwan ag ompatey, no ag ingen mansiansian mambilay.

Aggeo 1:5

Ag yo ta nanaimanoy nagagawad sikayo?

Aggeo 1:7

Ag yo amtay makasengeg no akin onyay nagagawa?

Juan 14:23

Inmebat si Jesus, “Siopamay mangarod siak, onuren to ray salitak; sikatoy aroen nen Amak tan onla kamin manayam ed sikato.

Juan 15:4

Mansiansia kid siak tan mansiansia ak ed sikayo. Ag makapambungay sanga no ag mansiansiad sengeg. Ontan met, ag kayo makapambunga no ag kayo mansiansiad siak.

Juan 17:23

Wala ak ed sikara tan wala kad siak, pian ayadyariy pankakasakey da. Et diad ontan, naamtaay sankamundoan ya imbaki mo ak tan inarom ira a singa panangarom ed siak.

Juan 17:26

Impaamta ta kad sikara tan ituloy ko yan gawaen, pian niwalad sikara so panangarom ed siak, tan niwala ak ed sikara.”

Juan 6:56

Siopamay mangan na laman ko tan oninom na dalak, manayam ed siak tan manayam ak ed sikato.

Juan 6:6

(Tinepet ya nen Jesus, ta labay ton subokey Felipe, balet diad tuay tua amta la nen Jesus so gawaen to.)

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Taga Roma 8:10

No walay Cristo ed sikayo, anggaman ya inatey so laman yo lapud kasalanan, mambibilay so ispiritu yo, ta pinaandi lay Dios iray kasalanan yo.

1 CORINTO 11:28

Kanyan nakaukolan a sokayan na balang sakey so sikaton dili, kasakbayan a mangan na tinapay tan oninom ed kupa.

1 CORINTO 11:31

No sokayan tayon maung ya onona so sikatayon dili, ag itayo dusaey Dios.

1 CORINTO 3:16

Ag yo ta amtan sikayoy timplo na Dios tan manaayam ed sikayo so Ispiritu na Dios?

1 CORINTO 6:15

Ag yo ta amta a saray laman yo et kabyangan nen Cristo? Alaen ko tay kabyangan nen Cristo, insan ko gawaen a kabyangan na biin marotak? Ag nayarin balut!

1 CORINTO 6:19

Ag yo ta amtan say laman yo et timplo na Ispiritu Santo a manaayam ed sikayo tan inter na Dios ed sikayo? Ag yo kayaryay laman yo; say Dios so makankayaryan, ta

1 CORINTO 6:2

Ag yo ta amtan saray totoon pinili na Dios so manintinsiad sankamundoan? No sikayoy manintisiad sankamundoan, ag yo ta nayarian ya arigloan iray ankekelag a pamaakaran?

1 CORINTO 9:24

Amta yon saray milulumba ombabatik iran amin, balet sakey labat ed sikara so makalay tumang. Batik kayo sirin a singa milulumba, pian makala kayoy tumang!

1 CORINTO 9:27

Papairapen koy laman ko tan aaripenen ko, ta ompan kasumpal kon mampulong ed arum et siak so nipolisay.

2 CORINTO 6:16

O antoy piparaan na Timploy Dios ed saray talintaoy diriyos? Ta sikatayoy timplo na mabilay a Dios! Onung na ibabagay dilin Dios, “Miayam tan milimug ak ed sikara; siak so magmaliw a Dios da, tan magmaliw a totook ira.”

TAGA GALACIA 2:20

Inatey ak la a kaiba nen Cristo a nipasak ed krus, kanyan aliwa lan siak a dili so mambibilay, no ag ingen si Cristo so mambibilay ed siak. Mambibilay ak natan ed sayan mundo diad panamegley na pananisiak ed Anak na Dios ya angarod siak tan angibagat na bilay to lapud siak.

TAGA GALACIA 4:19

Inararon anak, lapud sikayo, maniirap ak lamet a singa biin manaanak, anggad katibokel nen Cristo ed sikayo.

TAGA GALACIA 6:4

Nepeg a sintinsiaan na balang sakey a too so kagagawa ton dili. No maung so gagawaen to, nayarian toy mampasirayew lapud ginawa ton dili tan ag to la nepeg ya ipara ed ginaway arum.

TAGA-EFESO 3:17

Ontan met a manayam komuy Cristo ed puso yo, diad panamegley na pananisia yod sikato. Ipipikasik ya onlamut tan onletneg kayo komun ed aro,

COLOSAS 1:23

Balet nakaukolan a mansiansia kayon malet tan mabiskeg ed pananisia. Ag yo aabuloyan a naekal so ilalon agamuran yo nen nadngel yoy Maung a Balita. Lapud sayan Maung a Balitan nipupulong ed amin a katoowan, siak, a si Pablo, et nagmaliw ak a managlingkur.

COLOSAS 1:27

Nilabay na Dios ya ipaamtad saray totoo to yan mayaman tan makapakelaw a niamut a katwaan para amin a katoowan. Say niamut a katwaan saya: walad sikayoy Cristo a kawalaay ilalo yon makapinabang ed kagalangay Dios.

COLOSAS 2:19

Ag to mikakasakey ed Cristo ya olo tan kawalaay pakayari ed intiron laman, a natatagano tan naooksuy na saray langolangowan tan olaolat. Sikatoy mamapabaleg ed laman, onung ed linaway Dios.

COLOSAS 2:7

Mansiansia kin malet ed sikato tan iletneg yod sikatoy bilay yo. Mampabiskeg kid pananisia yo onung na nibangat ed sikayo, tan misalamat kayo lawas ed Dios.

1 Timoteo 2:15

Balet say bii nilaban diad panamegley na pananak to, no sikatoy mansiansiad pananisia, aro, tan kasantosan a katekep day kasimpitan.

2 Timoteo 3:8

Singa insumlang di Janes tan Jambres ed kinen Moises, ontan da met ira yan totoo: onsusumlang irad katwaan. Anggapo lay kamaungan a nunoten da tan andi-kakanaay pananisia ra.

Tito 1:13

Tua yan imbaga to. Lapud saya, pampasnukan mo ran maung, pian mambilay iran matonung onung ed pananisia ra,

Tito 1:16

Ibabaga ran kabat day Dios, balet ibobori ra diad saray gawa ra. Makapaingungot tan benger ira, tan ag da kanepegay manggaway maabig iran bengatla.

Tito 2:2

Ibagam ed saray mamatakken a lalaki a mambilay iran makalakal, mapagalang, maadya, mabiskeg ed pananisia, maaro, tan maanos.

Saray Hebreo 12:15

Manalwar kayo, ta ompan walad sikayoy benegan toy baleg a panangaro na Dios. Manalwar kayo, ta ompan walad sikayoy magmaliw a singa ampait a tanaman ya ontubo tan mansamal ed saray amayamay.

Saray Hebreo 4:1

Natan ta insipay Dios a makapampainawa tayo, nakaukolan a manalwar tayo ta ompan walad sikayoy ag makagamur ed satan a sipan.

Saray Hebreo 6:8

Balet no satan a dalin et patutuboen to ray tantanaman a masabit tan saray dikarika, anggapoy kana to; kanyan asingger ya isamba na Dios tan napoolan.

Santiago 4:4

Totoon aliwan matoor! Ag yo ta amta a no mikaaro kid sankamundoan et labanan yoy Dios? Kanyan siopamay mikaarod sankamundoan, gawaen toy sikaton dili a kalaban na Dios.

1 Pedro 5:9

Pabiskeg yoy pananisia yo, tan sumpa yoy Diablo, ta kabkabat yon ag yo bukbukor so mantetepel na kairapan, no ag ingen pati saray amin a kapara yon mananisia a walad intiron mundo.

Puyan 2:5

Kanyan nunot mo no antoy naplagan mo, mampatauli ka, tan gawam lamet iray ginagawam nen saman. No ag ka mampatauli, onla ak ditan tan ekalen kod pasen to so panangipatoonay lamparaan mo.