2 CORINTO 12:14 - Maung A Balita Biblia

¹⁴ Kumatlo la yan akaparaan ak ya onlad tan, balet ag ak mialay antokaman ed sikayo. Sikayoy nakaukolan ko, aliwan saray kuarta yo. Saray atateng so manlegpet ed saray anak da, aliwan saray anak so manlegpet ed saray atateng da.

Maung a Balita Biblia

¹⁴ Kumatlo la yan akaparaan ak ya onlad tan, balet ag ak mialay antokaman ed sikayo. Sikayoy nakaukolan ko, aliwan saray kuarta yo. Saray atateng so manlegpet ed saray anak da, aliwan saray anak so manlegpet ed saray atateng da.

2 CORINTO 12:14 Iomraidhean Croise

Probirbio 11:30

Bilay so iiter na katonungan, balet eekalen na inkaruksa.

Probirbio 13:22

Say maung a too walay kayamanan ton ipatawir ed saray apo to, balet say kayamanan na saray makasalanan onlad saray matonung.

Probirbio 19:14

Say sakey a laki nayarin natawir tod atateng to so abung tan kuarta, balet say Katawan labat so makaiter ed sikato na makalakal ya asawa.

Ezekiel 34:2

Inkuanto, “Sika a toon ompatey, mansalita ka na sumpa ed saray manoley ed Israel. Mampropisiya kad sikara tan ibagam ed sikara so ibabagak, siak a Katawan a Dios: Asintinsiaan kayo lan nadusa, sikayon pumapastol ed Israel! Aasikasoen yoy sikayon dili, balet ag yon balut ipapastol iray karniro.

Saray Gawgawa 20:33

Ag ko inagom so pilak, balituk, o kawes na siopaman.

1 CORINTO 10:24

Nepeg ya anggapoy mananap na pankaabigan ton dili, no ag say pankaabigan na arum.

1 CORINTO 10:33

Gawa yoy gagawaen ko; papaliketen koy amin a katoowan tan ag ko nununotey pankaabigan ko, no ag say pankaabigan na amin pian nilaban ira.

1 CORINTO 11:34

No walay narasan, nepeg a mangad abung, pian ag mansumpal ed panusay Katawan so pantitipon yo. Nipaakar ed saray arum a bengatla, arigloan ko la no onsabi ak ditan.

1 CORINTO 16:5

Ontuloy ak lad tan a manlapud Macedonia, ta nununoten koy ondalan diman.

1 CORINTO 4:19

Balet no iyabuloy na Katawan, magano lay iyakar kod tan. Nengnengen ko pad satan no antoy nagawaan, ya aliwan say panagsalita labat, na saratay mapaatagey!

1 CORINTO 9:12

No saray arum et walay onyan kanepegan dad sikayo, ag kasi nagkalalod sikami? Balet ag mi ya inkanan kanepegan. Intepel mi ingen iray amin a bengatla, pian ag kami makapangyay makasbel ed ikayat na Maung a Balitan nipaakar ed Cristo.

1 CORINTO 9:18

Anto siriy tumang ko? Say tumang ko say pankanawnawak a mangipulong ya anggapoy bayar na Maung a Balita, say ag ko pangaalay intiron kanepegan a para siak diad pampupulong koy Maung a Balita.

1 CORINTO 9:19

Bolus ak tan anggapon balut so mangaariped siak, balet papaaripen ak ed amin a too, pian dakel so natanggoyur kod pananisia.

2 CORINTO 1:15

Mailalo ak ed saya, kanyan implanok ya onona a bisitaen ta kayo, pian nadobliay liket yo.

2 CORINTO 11:9

Nen wadtan ak tan kinmulang ak na kuarta, ag ta ki sinigensigen, ta amin a nakaukolan ko et inawit ed siak na saray agagin sinmabi a nanlapud Macedonia. Singa nen saman la, tan anggan kapigan, ag ko labay so pasakbat ed sikayo.

2 CORINTO 12:13

Anto ta so ataloan yod arum ya iglisia? Anggapo, likud labat ed ag ko inkerew na tulong ed sikayo. Itepel yo ak ed saman a kakulangan ko!

TAGA GALACIA 4:19

Inararon anak, lapud sikayo, maniirap ak lamet a singa biin manaanak, anggad katibokel nen Cristo ed sikayo.

FILIPOS 4:1

Kanyan sirin, inararon agagi, mailiw ak ed sikayo! Sikayoy liket ko tan ikikinun ta kayo! Mansiansia kayon malet ed pambibilay yod Katawan, inararok ira.

FILIPOS 4:17

Aliwan say labay ko labat so makaawat na rigalo, no ag say pakanengneng koy idakel na bungan awaten yo.

1 TESALONICA 2:11

Kabkabat yo no panoy impangipasen mid sikayo; singa kami ama na balang sakey ed sikayo.

1 TESALONICA 2:8

Lapud ontan lan panangaro tan panamabli mid sikayo, maliket kamin manginagnag na Maung a Balitad sikayo tan sipaparaan kami met a mangisaklang para sikayo na anggan say bilay mi.