2 CORINTO 12:11 - Maung A Balita Biblia

¹¹ Nagmaliw ak a singa makulang-kulang, balet sikayoy amasoot ed siak ya onyay gawaen ko. Sikayoy manepeg ya ononan mangidayew ed siak. Ta anggaman ya anggapoy kakanaan ko, ag ak natilak ed saratan a mamaung ya “apostol”.

Maung a Balita Biblia

¹¹ Nagmaliw ak a singa makulang-kulang, balet sikayoy amasoot ed siak ya onyay gawaen ko. Sikayoy manepeg ya ononan mangidayew ed siak. Ta anggaman ya anggapoy kakanaan ko, ag ak natilak ed saratan a mamaung ya apostol.

2 CORINTO 12:11 Iomraidhean Croise

Probirbio 27:2

Paidayew kad arum a totoo—anggan saray sangkaili; ag mon balut idadayew so sikan dili.

Lucas 17:10

Ontan yo met. No asumpal yo lan amiy pagagawad sikayo, ikuanyo, ‘Magter kami labat ya aripen a nanggaway kanepegan mi!’”

1 CORINTO 13:2

Anggaman a naitdan ak na pakayarin mampulong na salitay Dios; anggaman a walad siak so kakabatan tan pakatalus ed amin da ray niamut a katwaan; anggaman a walay mabiskeg a pananisiak pian nayarian kon paekalen iray palandey ed kawalaan da, no anggapo balet so arok, anggapoy kakanaan kon too.

1 CORINTO 3:22

Si Pablo, si Apolos, tan si Pedro; say intiron mundo, say bilay, say patey, say natan tan say arapen; kayaryan yo ra yan amin.

2 CORINTO 1:6

No manirap kami, sikatoy pakaligliwaan tan pakailabanan yo; no naligliwa kami, naligliwa kayo met tan ombiskeg kayo, pian naanosan yon sakbaten so kairapan a liliknaen yo, a singa liliknaen mi.

2 CORINTO 11:1

Anosan yo ak komun no bilang ta singa ak makulang-kulang.

2 CORINTO 11:5

Angangko, ag ak met natilak ed saratan a marlang ya “apostol”.

2 CORINTO 12:12

Inanosan kon pinaneknekan ed sikayo, diad panamegley na saray tanda, pakelaw, tan milagro, a petepeteg ak ya apostol.

2 CORINTO 12:6

No siak so mampasirayew ag ak ompaway a makulang-kulang, ta katwaay salitaen ko. Balet ag ak mampasirayew, ta ag ko labay ya atagtagey so pangipasey totoo ed siak nen say nanenengneng dan gagawaen ko tan narerengel dan sasalitaen ko.

2 CORINTO 3:1

Singa mi kasi idadayew lamet so sikamin dili? Kapara mi kasi ray arum a totoo a nakaukolan mi ni ray sulat na rikomindasion a para sikayo o manlapud sikayo?

2 CORINTO 5:13

No singa kami ambagel, Dios so kipaakaran to, no makalakal kami, sikayoy kipaakaran to.

TAGA GALACIA 6:3

No walay mangipasen na sikaton dili a sakesakey anta andi, titilaan toy sikaton dili.

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,