2 CORINTO 10:18 - Maung A Balita Biblia

¹⁸ Aliwan say toon ipasirayew toy sikaton dili so manepeg, no ag ingen say toon itanduro na Katawan.

Maung a Balita Biblia

¹⁸ Aliwan say toon ipasirayew toy sikaton dili so manepeg, no ag ingen say toon itanduro na Katawan.

2 CORINTO 10:18 Iomraidhean Croise

Probirbio 12:8

No makabat ka nadayew ka, balet no makulang-kulang ka nabalaw ka.

Probirbio 21:2

Nayarin abaloan mon maptek iray gagawaen mo, balet nunot mo a sisimbangen na Katawan iray getmam.

Probirbio 27:2

Paidayew kad arum a totoo—anggan saray sangkaili; ag mon balut idadayew so sikan dili.

Lucas 16:15

Inkuanen Jesus ed sikara, “Mansimpisimpitan kayod arap na totoo, balet amtay Dios so kipapasen da ray puso yo. Ta say ipapasen a makanakana na too, anggapoy kana tod Dios.

Juan 12:43

Ta labay da ni a pagalangan iray totoo nen say pagalangan iray Dios.

Saray Gawgawa 2:22

“Sikayo ran Israelita, dengel yo yay ibagak! Si Jesus a taga Nazaret et imbaki na Dios. Pinaneknekan ya na saray milagro, saray pakelaw, tan saray tanda a ginagaway Dios diad panamegley to. Kabat yo ra ya, ta naimatunan yo ra yan amin ya agawgawa.

Saray Taga Roma 14:18

Say manlingkur na onya ed Cristo et paliketen toy Dios tan abubonay totoo.

Saray Taga Roma 16:10

Ibanoan yo ak met ed kinen Apeles ya apaneknekan a matoor ed Cristo. Ibanoan yo ak met ed pamilya nen Aristobulo,

Saray Taga Roma 2:29

Ingen, say petepeteg a Judio ag nabirbir ed indengan to, ta say inkatandaan toy segat et diad puso to. Say Ispiritu na Dios so manggagawad saya, aliwan say Ganggan ya akasulat. Say Dios so mangidayew ed sayan too, aliwan say kapara ton too.

1 CORINTO 11:19

(Nakaukolan a naapag-apag kayo, pian naamtaan no siopad sikayoy walad kaptekan.)

1 CORINTO 4:5

Kanyan ag kayo manisintinsia no aliwa nin panaon to. Manalagar kayo ya anggad isabiy Katawan. Ipalinew tod satan iray bengatlan niamut ed kabilongetan tan ipaamta to ray niamut a getma na katoowan. Diad satan ya oras, naawat na balang sakey so kanepegan ton dayew a manlapud Dios.

2 CORINTO 10:12

Balet ag mi nitepel ya ibilang o iparay sikamin dili ed saray ipapasirayew day sikaran dili. Kulang iran talagay pakatalus! Susukaten day sikaran dili ed sukatan a ginawa ra, tan sisimbangen day sikaran dili ed simbangan a ginawa ra!

2 CORINTO 13:7

Pikakasi mid Dios ya ag kayo komun manggagaway kaogsan, aliwan pian nipanengneng a nilabas mi so pananubok, no ag pian manggawa kayoy kamaungan, anggaman ya ompaway a singa ag mi nilabas so pananubok.

2 CORINTO 3:1

Singa mi kasi idadayew lamet so sikamin dili? Kapara mi kasi ray arum a totoo a nakaukolan mi ni ray sulat na rikomindasion a para sikayo o manlapud sikayo?

2 CORINTO 5:12

Ag mi lamet paatageyey sikamin dili ed sikayo, no ag ingen itdan mi kayoy katonungan na pamaatagey yod sikami, pian naebatan yo ray totoon say nengneng na too so ipapasirayew da, aliwan say ogali to.

2 CORINTO 6:4

Ingen, diad amin a gagawaen mi, ipapaamta min kumikimey kami na Dios, lapud ontan lan pantetepel mid saray segsegang, kairapan, tan kaermenan.

2 Timoteo 2:15

Gawam so anggaay nayarian mon magmaliw a manepenepeg ed arap na Dios, a singa kumikimey ya anggapoy nepeg ton ibaing, tan dugay panangibangat tod katwaan na salitay Dios.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.