2 CORINTO 1:17 - Maung A Balita Biblia

¹⁷ Diad sayan impakaomay planok, impanengneng ko kasin kibangkibang so kanunotan ko? Mamplaplano ak kasi a singa pamplaplanoy minumundon too ya, “On, on,” kuanto natan, et kabebekta “Andi, andi”?

Maung a Balita Biblia

¹⁷ Diad sayan impakaomay planok, impanengneng ko kasin kibangkibang so kanunotan ko? Mamplaplano ak kasi a singa pamplaplanoy minumundon too ya, On, on, kuanto natan, et kabebekta Andi, andi?

2 CORINTO 1:17 Iomraidhean Croise

Jeremias 23:32

Dengel yo so ibabagak, siak a Katawan! Sumpa ak ed saray propita a mangibabaga na saray kogip da a napnoy tila. Ibabaga da ra yan kogip da tan ibabalang da ray totook diad panamegley na saray panagtila ra tan panagpasirayew da. Ag ko ra imbaki odino ingganggan ya onla. Anggapon balut so nayarian dan itulong ed saray totoo. Siak, say Katawan, so nansalita.”

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Mateo 1:19

Matonung a too si Jose a kasipan nen Maria, kanyan ag to labay a nasabyay kababaingan si Maria. Ninunot to sirin ya isian ya anggapoy makaamta.

Mateo 5:37

Masarag lan ibaga yoy ‘On’ odino ‘Andi.’ Say arum nin salitan iyarum yod saya so manlapud samay Maoges.”

Juan 8:15

Manisintinsia kayo onung ed pananintinsiay too, balet anggapoy sisintinsiaan kon too.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

2 CORINTO 11:18

Lapud dakel iray mampapasirayew nipaakar ed saray minumundon bengatla, mampasirayew ak met.

TAGA GALACIA 1:16

Et nen impaamta tod siak so Anak to, pian nipulong kod saray Hintil so Maung a Balitan nipaakar ed sikato, ag ko ya impanon ed anggan siopan too.

TAGA GALACIA 2:2

Pinmawil ak ta impuyan na Dios ed siak ya onla ak diman. Akitongtong ak ed saray panguloy iglisia diad pasen ya anggapoy arum ya akadngel, tan impaliwawak ed sikaray Maung a Balita ya ipupulong kod saray Hintil. Ginawak ya, ta ag ko labay a magmaliw ya andi-kakanaan so sagput ko nen saman tan anggad natan.

1 TESALONICA 2:18

Labalabay miy makapawil ditan. Diad tuay tua, siak, a si Pablo, aliwan aminpinsay iyakar kod tan lawari, balet sinesebelan kami nen Satanas.

Santiago 5:12

Manonad amin, agagik, ag kayo mansasamba no mansipan kayo. Ag yo pansasambaay tawen, o say dalin, o arum ni ran pansambaan. Duga lay pangibaga yoy “On” no on, tan “Andi” no andi, pian ag kayo sintinsiaay Dios.

Saray Huis 9:4

Initdan da na pitomplon pilak a kuartan nanlapud timplo nen Baal-na-Sipanan. Impangupa to may kuarta na sakey ya olup na totoon maoges, pian miolup irad sikato.