1 Timoteo 6:9 - Maung A Balita Biblia

⁹ Balet saray totoon mampipilalek ya onyaman, napepelag irad tukso tan napapatitan ira na andi-kakanaan tan makaderal iran likeliket a mangitatabuy ed sikara diad kaderalan tan kabagbagan.

Maung a Balita Biblia

⁹ Balet saray totoon mampipilalek ya onyaman, napepelag irad tukso tan napapatitan ira na andi-kakanaan tan makaderal iran likeliket a mangitatabuy ed sikara diad kaderalan tan kabagbagan.

1 Timoteo 6:9 Iomraidhean Croise

1 Saray Arari 21:6

Inmebat si Acab, “Lapud samay imbaga nen Nabot ed siak. Imbagak ed sikaton saliwen ko may kaubasan to o no labay to, salatan koy sananey a kaubasan, balet imbaga ton ag ko naala!”

Saray Salmo 11:6

Ipepelag toy ngalab tan mandarlang ya asupri ed saray totoon maoges; dusaen to ra na makasinit a dagem.

Probirbio 15:27

Say toon masaol mangiiter na gunigon ed pamilya to. Ag ka mangaawat na pasoksok, et andokey so bilay mo.

Probirbio 20:21

No mainomay mo ya apasegep so kayamanan mo, daiset so iter tod sikan kamaungan.

Probirbio 21:6

Say kayamanan a nanaalam ed saol et kabebekta naandipat, balet aliwan kasakbayan na pangiwanwan tod sika ed sangabay lobuk.

Probirbio 22:16

No manrigalo kad saray mayaman odino pairapen mo ray mairap-bilay pian onyaman ka, magmaliw ka met ni lamlamang a mairap-bilay.

Probirbio 23:4

Makabat ka no ag ka mankekesaw na alabas ed pampapayaman mo.

Isaias 5:8

Pakaskasi kayo la! Anta wala la lantiy kaabungan tan kaalogan yo, labay yo nin naaruman ira. Ag mabayag, anggapo lay natilak a pasen a para arum a totoo, tan mambukbukor kayo la ed bansa.

Zacarias 11:5

Papateyen ira na saray akankayaryan ed sikara, et ag ira ya nadudusa. Ilalako ray karni tan kuanda, ‘Nagalang komun so Katawan! Mayaman kami la!’ Ag ira kakasian na anggan saray dilin pumapastol da.” (

Saray Bilang 31:8

pati saray limaran ari na Madian a di Evi, Rekem, Zur, Hur, tan Reba. Pinatey da met si Balaam a lakin anak nen Beor.

Mateo 13:22

Saramay ilik a dinmapod kasabitan aliling day salitay Dios a dedengelen na totoo, balet kabebekta dederalen na saray kapagaan na panagbilay tan say inkaagum ed kayamanan, kanyan ag ira mambunga.

Mateo 19:22

Kadngel tod saya, maermen ya inmalis lapud agaylay inkayaman to.

Mateo 26:15

tan inkuanto, “Antoy iter yod siak no iyawat koy Jesus ed sikayo?” Imbilangan day talomplon kuartan pilak tan inter dad sikato.

Mateo 6:19

“Ag kayo mantitipon na kayamanan diad dalin para sikayon dili, ta nayarin deralen na bokbok tan lati, o natakew ni.

Marcos 4:19

balet deralen ira na saray kapagaan na panagbilay, say inkaagom ed kayamanan, tan say alablabas a pampirawat ed arum ni ran bengatla; kanyan ag ira mambunga.

Lucas 12:21

Inkuanen Jesus a pangisumpal to, “Onyay pansumpalan da ray mampayaman ya onkanad sikaran dili, balet et aliwa ran mayaman ed arap na Dios.”

Lucas 21:35

tan ag kayo akaparaan. Ta diad sayan Agew onsabid amin a katoowad intiron mundo ya ag da naamamtaan.

Saray Gawgawa 8:20

Balet inmebat si Pedro, “Naderal ka komun tan say kuartam, ta abaloan mon nasaliw na kuarta so panangaroy Dios!

TAGA-EFESO 4:22

Ibeneg yo lay gendat a panagbilay yo. Paolyan yo lay daan ya inkatoo yo a nadederal lapud saray maoges a pilalek.

Deuteronomio 7:25

Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.

1 Timoteo 1:9

Nepeg tin tandaan a saray ganggan et ag ira agawa para saray matonung a totoo, no ag ingen para saray mananumlang na ganggan, saray kriminal, saray ag mamirbir ed Dios, saray makasalanan, saray aliwan matonung, saray ag mangitaltalek ed maispiritun bangat, saray managpatey na saray kaamaan tan kainaan da, saray managpatey na kapara ran too,

1 Timoteo 3:7

Nepeg met a gagalangey totoon aliwan kabyangay iglisia, pian ag napelag ed kababaingan tan ag naerel ed patit nen Diablo.

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

2 Timoteo 2:26

Diad satan, ompawil irad dugan liknaan da tan nibatikan day patit nen Diablo ya angerel tan amasoot ed sikaran mangonur na linawa to.

Tito 2:12

Sayan panangaro ibangat to itayon mangibeneg ed aliwan masanto a panagbilay, tan saray minumundon maoges a pilalek. Ibangat to itayo met a mambilay a maadya, maptek tan masanto diad tapew na dalin,

Josue 7:11

Nankasalanan so Israel! Sinumlang da so paknaan ya ingganggan kod sikaran sumpalen da. Angala ra na pigaran bengatlan nepeg a deralen. Tinakew da, intila ray impanakew da, tan impikasakey dad saray kayaryan da.

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

Judas 1:11

Makapasinagem so pansumpalan da, ta inalig day ginawa nen Cain! Lapu labat ed kuarta, inalig day lingon ginawa nen Balaam. Sinumlang day Dios, a singa ginawa nen Core, kanyan adusa ra met a singa sikato.