1 Timoteo 6:17 - Maung A Balita Biblia

¹⁷ Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

Maung a Balita Biblia

¹⁷ Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

1 Timoteo 6:17 Iomraidhean Croise

Genesis 13:2

Mayamyaman lay Abram, ta amayamay la ray karniro, kanding, baka, pilak tan balituk to.

2 Saray Awaran 26:16

Balet nagmaliw a mapaatagey si Ari Uzias nen pinmalaloy pakayari to; sikato yay makasengeg na inkaderal to. Nileglemew to so Katawan a Dios to nen linmad Timplo a nampool na insinso ed tapew na altar a panagpoolay insinso.

Saray Salmo 104:28

Iitdan mo ra, et kakanen da; iiter moy tagano ra, et napepesel ira.

Saray Salmo 52:7

“Nengneng yoy toon ag impaiyagel ed Dios, no ag ingen nanmatalek ed baleg a kayamanan to, tan sinmaral ed kaogsan to.”

Saray Salmo 62:10

Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Saray Salmo 62:8

Sikayon totook, manmatalek kayod Dios diad amin a panaon. Ibaga yod sikatoy amin a gunigon yo, ta sikatoy salimbeng tayo.

Probirbio 11:28

Saray totoon manmamatalek ed kayamanan da et nalemay ira a singa nalnes a tanaman, balet saray totoon matonung onaligwas ira a singa mabonabonan tanaman.

Probirbio 23:5

Nayarin naandi lay kuartam diad sakey labat a kakirem, a singa nampayak tan ontikyab ya agila.

Probirbio 27:24

ta ag mansiasia so kayamanan. Anggan saray bansa ag ira mansiansia.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Ecclesiastes 2:24

Say sankaabigan a gawaen na sakey a too et say pangan, iyinom, tan say panliket tod saray nansagputan to. Balet abirbir ko met ya anggan saya et nanlapud Dios.

Jeremias 2:31

Dengel kayod ibagak, amin yon totood Israel. Nagmaliw ak ta a singa kalawakan ed sikayo odino singa dalin ya ambilonget tan walay kaatapan? Akin sirin, totook, et ibabaga yon gawaen yoy labay yo, tan ag kayo la ompawil ed siak?

Jeremias 49:4

Akin et mapaatagey kayo, sikayon aliwan matoor a totoo? Nanaandian kayo lay biskeg. Akin et manmamatalek kayod pakayari yon dili, tan ibabaga yon anggapoy ondogpad sikayo?

Ezekiel 16:56

Ag mo ta nilelemlemew so Sodoma nen panaon na panagpaatagey mo,

Daniel 4:30

inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Oseas 13:6

Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.

Mateo 12:32

Napirdona so toon manlabir na bengatlan sumpad Anak na Too; balet ag napirdona so toon manlabir na bengatlan sumpad Ispiritu Santo, natan o diad arapen a panaon.”

Mateo 19:23

Inkuanen Jesus ed saray disipulo to, “Kuankod sikayo a mairap na toon mayaman so onloob ed Panariay tawen.

Mateo 25:16

Samay akaawat na liman liboy pisos innigosio ton tampol, tan akatuboy liman liboy pisos.

Mateo 27:57

Nen labi la, sinmabiy sakey a toon manngaray Jose a taga Arimatea. Mayaman yan too tan sakey ed saray disipulo nen Jesus.

Mateo 6:32

Sikara yay aanapen na saray Hintil. Amtay Ama yod tawen a nakakaukolan yo ra yan amin.

Marcos 10:24

Nikelawan iray disipulo ed sarayan balikas to. Inkuanen Jesus lamet, “Anak, talagan mairap so onloob ed Panariay Dios.

Lucas 19:2

Walad may sakey a mayaman a pangulo da ray sumisingil na buis; say ngaran to Zaqueo.

Lucas 3:11

Inmebat, “Say duaray kawes to nepeg ton iter so sakey ed anggapoy kawes to. Ontan met a say walay kanen to nepeg toy mangiter.”

Saray Gawgawa 14:17

Balet ag tinmondan mangiter na pakabirbiran yod sikato, diad panamegley na kamaungan a gagawaen to. Iitdan to kayoy oran a manlalapud tawen tan maung a panagani ed niganan panaon to. Iitdan to kayoy nakan, tan papanoen toy liket iray puso yo.”

Saray Gawgawa 14:27

Kasabi rad man, tinipon da ray kabyangay iglisia, tan tinongtong dad sikaray amin a ginagaway Dios diad panamegley da, tan no panoy impangilokas toy dalan pian makapanisia ray Hintil.

Saray Gawgawa 17:25

Ag to met nakaukolan so antokaman a niiter na too diad panlingkur ed sikato, ta say Dios so mangiiter ed amin na bilay, linawa, tan amin a bengatla.

Saray Taga Roma 11:20

On, tua tay kuanmo. Apoter ira, ta ag ira anisia; nisoldung ka, ta manisia ka. Kanyan ag ka mampapaatagey; ontakot ka ingen.

TAGA-EFESO 5:5

Ag yo panduaduaruwaan ya anggapon balut so pinanabang ed Panarian nen Cristo tan say Dios iray totoon mikakaloguran, manggagaway mabanday, tan maagom (ta say kinaagom et sakey a klasiy panangigalang ed dios).

Deuteronomio 33:15

Napano komun na masasamit a bungay kiew iray abaybayag lan kapokdulan da.

Deuteronomio 8:17

Kanyan sirin, ag yon balut iisipen a minmayaman kayo lapud biskeg tan pakayari yon dili.

COLOSAS 3:16

Nepeg a manayam ed puso yo so mayaman a salita nen Cristo. Diad amin a kakabatan mambabangatan tan mansisimbawaan kayo. Mankanta kayo ray salmo, imno, tan maispiritu ran kanta. Diad pankanta yo, misalamat kayod Dios diad puso yo.

1 TESALONICA 1:9

Sikara lan diliy mangibabalita no panoy impangawat yod sikami, tan no panoy impangibeneg yod panaglingkur ed saray talintaoy diriyos, pian makapanlingkur kayod tua tan mabilay a Dios.

1 Timoteo 1:3

Singa samay imbilin kod sika nen mamapaarap ak ed Macedonia, manayam ka nid Efeso. Iganggan mod saray mambabangat na saray tila-tilan aral ya ontonda ra.

1 Timoteo 3:15

pian no bilang ta naabala ak tan ag ko makakar ditan a tampol, amtam no antoy nepeg a gawaey sakey a too ed pikakabyangan tod pamilyay Dios, salanti say iglisia na mabilay a Dios. Sayan iglisia et sikatoy lusek tan pundasion na katwaan.

1 Timoteo 4:10

Kanyan mankikimey tan mansasagput itayon maung, ta maniilalo tayod mabilay a Dios, say Manangilaban na amin a katoowan, lautlad saray mananisia.

1 Timoteo 5:21

Diad arap na Dios tan si Cristo Jesus tan saray masanton anghil to, mapilit kon igaganggan ed sika ya onur mo ra yan bilin. Anggapo komuy lalabien o ibibiig mo.

1 Timoteo 6:13

Diad arap na Dios a mangiiter na bilay ed amin a bengatla, tan diad arap nen Cristo Jesus a maung so impantasi tod arap nen Poncio Pilato, igaganggan ta ka:

1 Timoteo 6:9

Balet saray totoon mampipilalek ya onyaman, napepelag irad tukso tan napapatitan ira na andi-kakanaan tan makaderal iran likeliket a mangitatabuy ed sikara diad kaderalan tan kabagbagan.

2 Timoteo 4:10

Imbatikan ak nen Demas lapud panangaro tod sayan mundo, tan linmad Tesalonica. Linmad Galacia si Cresente, tan si Tito, dia ed Dalmacia.

Tito 2:12

Sayan panangaro ibangat to itayon mangibeneg ed aliwan masanto a panagbilay, tan saray minumundon maoges a pilalek. Ibangat to itayo met a mambilay a maadya, maptek tan masanto diad tapew na dalin,

Tito 3:6

Diad panamegley na Manangilaban tayon Jesu-Cristo, ag nasabsabaan ya inibung na Dios so Ispiritu Santo ed sikatayo.

2 Pedro 1:11

Diad ontan, nawalaan kayoy nagnap a kanepegan ya onloob ed andi-anggaan a Panarian na Katawan tan Manangilaban tayon Jesu-Cristo.