1 Timoteo 5:6 - Maung A Balita Biblia

⁶ Balet say biin balo a mambibilay ed minumundon liket, inatey la anggaman a mabilay ni.

Maung a Balita Biblia

⁶ Balet say biin balo a mambibilay ed minumundon liket, inatey la anggaman a mabilay ni.

1 Timoteo 5:6 Iomraidhean Croise

Genesis 2:17

balet ag ka mamangan na bunga na samay kiew a mangiiter na pakaamta ed maung tan maoges. Ag nepeg a kanen so bunga na saman a kiew; ta no kanen mo, ompatey ka diad agew a pangan mo.”

Probirbio 29:21

No iter moy amin a labay na aripen mo manlapud ogaw ni, onsabiy agew a panoleyan toy amin a kayaryan mo.

Isaias 22:13

Balet naneelek tan nanliliket kayo la laingen. Nampapatey kayo na saray karniro tan saray baka a kinakakan yo, tan naniinom kayo na alak. Inkuanyo, “Maung la laingen no mangan tan maninom tayo, ta nabwas ompatey itayo.”

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Jeremias 6:2

Say siudad na Sion et marakep, balet naderal;

Saray Tagleey 4:5

Ompapatey ed eras diad saray dalan iray totoon gendat a maung so kakanen da; manaanap ed basuraan na napambilay da iray totoon binmaleg ed inawa.

Mateo 8:22

“Mila kad siak,” kuanen Jesus, “tan paolyan mo la ray inaatey a mangipompon na inaatey da.”

Lucas 12:19

Insan ikuankod siak a dili, Mapalpalar ka, ta ag ka la onkulang ed amin a nakaukolan mod pigapigan taon. Natan, nayarian mo lay manliket, mangan, tan oninom ya anggapoy pagpagam!’

Lucas 15:13

Kalabas na pigaran agew, inlako to may yogtan so apag to, insan linmad arawin pasen a diman to dinarak so kuarta to diad aliwaliwan panagbilay.

Lucas 15:24

Ta inatey yan anak ko, balet mabilay la; abalang, balet nalmo la.’ Ginmapo sirin so panliliket da.

Lucas 15:32

Balet nakaukolan a manliket tan mampista itayo, ta inatey yay agim, balet mabilay la; abalang, balet nalmo la!’”

Lucas 16:19

“Walay sakey a mayaman a mabmabli ray kawes to tan agaylay abig so kakanen ton inagew-agew.

Lucas 7:25

Anton talaga so labay yon nengnengen? Sakey a toon akakawes na marakep? Walad saray palasio ray mankakawes na mararakep tan mambibilay ed inawa!

TAGA-EFESO 2:1

Nen saman inaatey kayo lapud insusumlang yod ganggan tan impankakasalanan yo.

TAGA-EFESO 2:5

Anggaman ya inatey ti la lapud kasusumlang tid ganggan, binilay to itayo a kaiba tiy Cristo. Nilaban kayo lapud baleg a panangaroy Dios.

TAGA-EFESO 5:14

ta amin a naliliwawaan et magmamaliw a silew. Kanyan onyay kuanda, “Bangon ka, sikan nanaogip, bangon kan manlapud patey, silewan to ka nen Cristo.”

Deuteronomio 28:54

Anggan say lakin masimpit tan galgalangen a pamilyay sengeg to et mapalaloy kaandian toy nakan legan a lolooban da ray boley yo, kanyan kanen toy pigara ed saray anak to lapud anggapo lay arum a nakan to. Ag to anggan itdan so agi to, odino say inaro ton asawa, odino siopaman ed saray nakdaan ya anak to.

Deuteronomio 28:56

Onya met so gawaen na sakey a biin sankasimpitan tan galgalangen a pamilyay sengeg to, tan diad mapalalon inkayaman to et ag to asaliy nanakar ed inyoonla tod iner man a pasen. No looban na saray kalaban so baley to, mapalaloy kaandian toy nakan, kanyan maamut ton kanen so kapangyanak ya anak to tan say pinmaway a baley to. Ag to anggan itdan so inaro ton asawa odino siopaman ed saray anak to.

COLOSAS 2:13

Sikayo ran inatey lapud saray kasalanan yo, tan lapud Hintil kayo ya anggapod silong na Ganggan, say Dios so amilay ed sikayo a kaolup yoy Cristo; pinirdona to la ran amiy kasalanan tayo.

2 Timoteo 3:6

Wala rad sikaray onloob ed kaabungan tan ipasen dad silong na pakayari ra iray bibiin anggapoy biskeg na linawa, a natatabunan ira na kasalanan tan aaripenen na nandoroman maoges a pilalek na laman.

Santiago 5:5

Nanlikeliket tan nanggaygayaga kayo diad tapew na dalin. Pinataba yo ray laman yon singa ra ayayep a pateyen ed niganan agew.

Puyan 18:7

No kaonungay impanpasirayew tan impankasalanan to na inmoralidad, ontan met so iter yon irap tan ermen ed sikato. Ta naynay ton ibagad sikaton dili: ‘Riyna ak, aliwan balo, a manyod-yorung dia! Ag kon balut nasagmak so ermen!’

Puyan 3:1

“Isulat mod anghil na iglisia ed Sardis: “Sikato yay ibabaga na walad sikatoy pitoran ispiritu na Dios tan saray pitoran bitewen. Amtak so gagawaen mo; amtak ya ipapasen da kan mabilay anggaman ya inatey ka!

1 Samuel 15:32

“Iyakar yo diad siak si Agag ya ari da ray Amalecita,” ganggan nen Samuel. Inmasingger ed sikato si Agag, manggiwgiw ed takot, ta inisisip tod sikaton dili, “Agaylay irap na ompatey!”

1 Samuel 25:6

Binilin to ran ikuan dad kinen Nabal: “Ilulugay to ka nen David, pinablin kaaro. Maung komun konoy kipapasen mo, say pamilyam, tan amin a kayaryan mo.