1 Timoteo 5:4 - Maung A Balita Biblia

⁴ No say sakey a balon bii et wala ray anak o apo to, saratan ya anak o apo et nepeg a gawaen dan manonaan so kanepegan dad pamilya ra, ta diad ontan makabales iray utang dan maung a linawa ed saray atateng da. Makapaliket ya ed Dios.

Maung a Balita Biblia

⁴ No say sakey a balon bii et wala ray anak o apo to, saratan ya anak o apo et nepeg a gawaen dan manonaan so kanepegan dad pamilya ra, ta diad ontan makabales iray utang dan maung a linawa ed saray atateng da. Makapaliket ya ed Dios.

1 Timoteo 5:4 Iomraidhean Croise

Genesis 47:12

Initdan met nen Jose na pambilay si ama to, saray agagi to, tan amin da ray arum a kabyangay pamilya nen ama to, pati say sankayogtanan ya anak.

Genesis 47:28

Nanayam ed Egipto si Jacob na labimpitoy taon, anggad mantaon na sanlasus tan apataplo tan pito.

Say Libro nen Job 18:19

Anggapoy akeraan a kabyangay boleg to; inaatey la ran amin.

Probirbio 31:28

Papagalangan na saray anak to, tan idadayew na asawa to.

Isaias 14:22

Say Katawan a Makapanyarin-amin kuanto, “Dogpaan koy Babilonia tan deralen ko. Anggapoy ikerak ya ogaw odino siopaman a mabilay. Siak, say Katawan, so nansalita.

Lucas 2:51

Kaiba ran pinmawil si Jesus ed Nazaret, tan matoluk ed saray atateng to. Inyatol nen ina to ra yan amin ed puso to.

1 Timoteo 2:3

Saya et maung tan makapaliket ed Manangilaban tayon Dios,

1 Timoteo 5:16

Balet no say biin mananisia et wala ray bibiin balo a kakanayon to, nepeg ton asikasoen ira pian ag la ra sakbatey iglisia. Diad ontan, say iglisia naasikaso to ray tuan balo ya anggapoy mangasikaso.

Tito 1:11

Nakaukolan a patondaen irad pansasalita ra, ta gogoloen da ray sankapamilyaan. Lapu labat ed makapabaing a pakalmo ray kuarta, ibabangat da lay aliwan manepeg ya ibangat.

Saray Huis 12:14

Apataploy anak ton lalaki tan talomploy apo ton lalaki; pitomplon asnoy loganan da. Waloy taon ya impangulo nen Abdon so Israel,

Ruth 2:18

Inala toy ilik, pinmawil ed baley, insan impanengneng tod kinen katolangan to so atortor to. Inter to met so kera tod impangan to.

Ruth 2:2

Aminsan ya agew inkuanen Ruth a Moabita ed kinen Noemi, “Abuloyan yo ak pan mantortor ed kaalogan. Angangko walay manaanin mangasid siak ya ontombuk ak ed sikato.” Inmebat si Noemi, “On, anak ko, laka.”