1 Timoteo 5:14 - Maung A Balita Biblia

¹⁴ Kanyan para say siak, labay kon miasawa lamet iray malangwer a bibiin balo, mananak tan asikasoen day dilin abung da, pian saray kalaban et ag ira nawalaay pankanawnawa a mamaoges ed sikatayo.

Maung a Balita Biblia

¹⁴ Kanyan para say siak, labay kon miasawa lamet iray malangwer a bibiin balo, mananak tan asikasoen day dilin abung da, pian saray kalaban et ag ira nawalaay pankanawnawa a mamaoges ed sikatayo.

1 Timoteo 5:14 Iomraidhean Croise

Genesis 18:6

Linmoob a tampol si Abraham ed tulda tan inkuantod Sara, “Ganatan mo, mangala kay sankaabigan ya arina, tan manggawa kay tinapay.”

Genesis 18:9

Tinepet dad sikato, “Kawalaan nen asawam a Sara?” “Wadyad dalem na tulda,” ebat to.

2 Samuel 12:14

Balet lapud sinumpam so Katawan diad impanggawam ed sayan kaogsan; ompatey so anak mo.”

Probirbio 14:1

Ombibiskeg so pamilya lapud kakabatan na saray bibii, balet naderal so pamilya lapud inkakulang-kulang.

Jeremias 29:6

Mangasawa tan miasawa kayo pian nawalaan kayo ray anak. Insan yo pangasawaen tan piasawaen iray anak yo, pian nawalaan met iray anak. Nakaukolan ya ondakel so bilang yo ya aliwan ondaiset.

Daniel 6:4

Lapud saya saramay duaran mangaasikaso ed saray opisyal tan saramay gobirnador et nananap iray kasalanan nen Daniel a nipaakar ed panangikurang tod impirio pian nidalem da, balet anggapoy narumog da, lapud matoor si Daniel ed kimey to tan ag to manggagaway antokaman a makapoy odino kasaolan.

Saray Taga Roma 14:13

Ag tayo la mansisintinsiaan, no ag ingen saya lay talagan gawaen yo: ag kayo manggagaway pakatumbaan o pakapankasalanay agi yo.

2 CORINTO 11:12

Ituloy koy gagawaen ko natan, pian anggapoy nikatonungan da ra tay “apostol” diad pampapasirayew da tan pangibabaga ran say panlilingkur da et singa panlilingkur mi.

1 Timoteo 2:8

Labay kon saray lalakid inerman a pasen et mampikasi ra, saray lalakin matoor ed Dios, anggapoy iirapen day linawa tan anggapoy kakolkol da.

1 Timoteo 4:3

Saratan a totoo isebel day pangasawa tan say pangan na pigara a kakanen. Balet pinalsa na Dios iray nakan a kanen na saray mananisia tan makapikabat ed katwaan, kasumpal dan misalamat ed Dios.

1 Timoteo 5:11

Ag mo ipipilad listaan iray balon bibii a malangwer ni, ta no say pilalek dad liket na laman et magmaliw a lalon ompetang nen say panlilingkur dad Cristo, miasawa ra lamet.

1 Timoteo 6:1

Kaukolan a saray aripen ipasen da a saray amo ra et manepeg iran mangawat na amin a kagalangan, pian anggan siopa anggapoy nibaga ton maoges sumlang ed ngaray Dios tan say bangat tayo.

Tito 2:5

mambilay iran maadya, masimpit, maung a mangasikasoy abung, mapangasi tan maonur ed kaasawaan da, pian ag napabanday so salitay Dios.

Tito 2:8

Nakaukolan ya ag nabalaw so antokaman a salitaen mo, pian nabaingan iray sumpad sika, diad ag da pakapangibagay antokaman a maoges a sumlang ed sikatayo.

Saray Hebreo 13:4

Nepeg a galangen na amin a katoowan so panaasawa, tan nepeg met a matoor ed sakey tan sakey iray sanaasawa. Ta say Dios sintinsiaan to ray manggagaway inmoralidad tan saray mikakaloguran.