1 Timoteo 5:13 - Maung A Balita Biblia

¹³ Naaralan da ni ingey manngiras tan mandarak na panaon diad panliber dad saray kabkaabay. Say lalon maoges, magmaliw iran managtalabutob tan mibabalid bilay na arum a totoo, tan manlabir iray ag da nepeg a labiren.

Maung a Balita Biblia

¹³ Naaralan da ni ingey manngiras tan mandarak na panaon diad panliber dad saray kabkaabay. Say lalon maoges, magmaliw iran managtalabutob tan mibabalid bilay na arum a totoo, tan manlabir iray ag da nepeg a labiren.

1 Timoteo 5:13 Iomraidhean Croise

Probirbio 11:13

Ag nipiya so sikrito ed toon managtalabutob, balet nipiya so antokaman ed toon napanmatalkan.

Probirbio 20:19

Say managtalabutob ag balut makaamut. Arawian mo ray totoon mapalalon malabir.

Probirbio 31:27

Wala lawas so gagawaen to tan iiter to ray nakakaukolan na pamilya to.

Probirbio 7:11

Masebeg imay bii tan anggapoy baing to; akar-akar ed saray dalan

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

Lucas 10:7

Manayam kayod saman ya abung; akan tan inom yoy iparongo rad sikayo, ta nepeg a bayaran so kumikimey. Ag kayo salat a salat na panayaman yon abung.

Saray Gawgawa 20:20

Amta yo ya anggapoy ag ko imbaga a makatulong ed sikayo diad impambabangat tan impanpupulong kod sikayo, diad arap na karaklan man odino diad kaabungan yo.

Saray Gawgawa 20:30

Onsabi met so panaon a wala rad sikayoy mantila a pamatombuk dad saray disipulo, pian nibalang da ra.

1 Timoteo 5:12

Lapud saya, mankasalanan ira lapud inkaindan day inmonan sipan dad sikato.

Tito 1:11

Nakaukolan a patondaen irad pansasalita ra, ta gogoloen da ray sankapamilyaan. Lapu labat ed makapabaing a pakalmo ray kuarta, ibabangat da lay aliwan manepeg ya ibangat.

Santiago 3:10

Manlapud saksakey a sangi so pangigalang tan say panayew. Ag nepeg yan nagawa, agagik ira.

1 Pedro 4:15

Nepeg ya anggapoy nadusad sikayo lapud pampatey na too, o pantakew, o panggaway kaogsan, o pibalid ag to nepeg a pibalian.

3 Juan 1:10

Kanyan no onla ak ditan, tawagen koy imano to nipaakar ed saray ginagawa to: saray maoges a salitan impantatalobutob tod sikami. Ag ni apera ed sayan ginagawa to. Anta ag to la awaten iray agagin onsabi, sesebelan to ray malabay a mangawat ed sikara tan papaekalen to ni ra ed iglisia!