1 Timoteo 4:7 - Maung A Balita Biblia

⁷ Ag mo nepeg ya abakey oras mo ed saray andi-kakanaan tan minumundon tongtong. Ipasal mo ingey sikan dili ed masanton panagbilay.

Maung a Balita Biblia

⁷ Ag mo nepeg ya abakey oras mo ed saray andi-kakanaan tan minumundon tongtong. Ipasal mo ingey sikan dili ed masanton panagbilay.

1 Timoteo 4:7 Iomraidhean Croise

Saray Gawgawa 24:16

Kanyan gagawaen koy anggaay nayarian ko a malinis lawas so konsinsiak ed arap na Dios tan saray totoo.

1 Timoteo 1:4

Ibagam met ed sikara ya ag da la panaabalaay oras iray tongtong ya andi-kakanaan tan andorokey a listaan na kangaranay inmonan lalaki, ta panlapwan ira labat na sangsangan. Sakey ni, ag ira makatulong ed iyaligwas na planoy Dios, a nakabatay too diad panamegley na pananisia.

1 Timoteo 1:9

Nepeg tin tandaan a saray ganggan et ag ira agawa para saray matonung a totoo, no ag ingen para saray mananumlang na ganggan, saray kriminal, saray ag mamirbir ed Dios, saray makasalanan, saray aliwan matonung, saray ag mangitaltalek ed maispiritun bangat, saray managpatey na saray kaamaan tan kainaan da, saray managpatey na kapara ran too,

1 Timoteo 2:10

Ingen nepeg a nanengneng ed sikaray maung iran gawgawa, ta sikato yay akbibit na bibiin ipapasen day laman dan dili a mananisia rad Dios.

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

1 Timoteo 4:8

Walay kaabigan ya iiter na pangipasal na laman. Balet say pangipasal ed masanton panagbilay et lalon maabig so iter to, ta isipan toy bilay a para natan tan diad arapen.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

1 Timoteo 6:20

Timoteo, asikasom a maung so nipia ed sika. Paliisan moy tongtongan ya aliwan makapaliket ed Dios, tan say sangsangan na “Pakatalus,” onung ed aliwan pananawag na arum a totoo.

1 Timoteo 6:3

Siopamay mangibangat na nidoman bangat tan ag onabubon ed saray tuan salita na Katawan tayon Jesu-Cristo tan say bangat a nipaakar ed rilihion tayo,

1 Timoteo 6:5

tan naynay a sangsangan na saray totoon pikewet so kanunotan tan ag mamirbir ed katwaan. Abaloan dan say rilihion et sakey ya anapan.

2 Timoteo 2:16

Arawian moy aliwan diniriyos tan andi-kakanaan iran sangsangan, ta paarawien da labat ed Dios iray totoo.

2 Timoteo 2:23

Arawian moy andi-kakanaan tan makulang-kulang iran sangsangan, ta amtam a mansumpal ira ya labat ed kolkolan.

2 Timoteo 3:12

Napairap ya amin iray malabay a mambilay a masanto diad itombuk dad Cristo Jesus.

2 Timoteo 3:5

Singa ra rilihiosa, balet ag nanengneng ed panagbilay da so pakayariy rilihion. Arawian mo ra yan klasiy totoo.

2 Timoteo 4:4

Ibeneg da lay ondengel ed katwaan, ta iter da lay oras dad saray tongtongtong.

Tito 1:14

ag da la sisigsiaey tongtongtong da ray Judio, tan paolyan da la ray ganggan na totoon imbeneg day katwaan.

Tito 2:12

Sayan panangaro ibangat to itayon mangibeneg ed aliwan masanto a panagbilay, tan saray minumundon maoges a pilalek. Ibangat to itayo met a mambilay a maadya, maptek tan masanto diad tapew na dalin,

Tito 3:9

Balet paliisan moy inaambagel a sangsangan, say panangisalaysay na andorokey iran listaay kangaranay mamasiken, say kolkolan tan say panlalaban a nipaakar ed Ganggan, ta anggapoy makana tan maabig a pansumpalan da ra ya.

Saray Hebreo 5:14

Balet say kakanen ya anawet, para saray matakken la a pasal da lay mangikana na liknaan da a mangibiig ed maung tan maoges.