1 Timoteo 4:2 - Maung A Balita Biblia

² Sarayan bangat ya ikakayat na saray matitilan totoo a say konsinsia ra et inatey la, a singa apoolan na ampetapetang a balatyang.

Maung a Balita Biblia

² Sarayan bangat ya ikakayat na saray matitilan totoo a say konsinsia ra et inatey la, a singa apoolan na ampetapetang a balatyang.

1 Timoteo 4:2 Iomraidhean Croise

1 Saray Arari 13:18

Insan inkuan na samay masiken a propitan taga Betel, “Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka.” Balet mantitila may masiken a propita.

1 Saray Arari 22:22

Inmebat imay ispiritu, ‘Onla ak, ta pantilaen kon amin iray propita nen Acab.’ Inkuan na Katawan, ‘Laka, ta palikdom si Acab. Nagaway pilalek mo.’”

Isaias 9:15

Say olo et saray matakken tan gagalangen a totoo—tan say ikul et saray propitan tilay ibabangat da!

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.

Jeremias 23:26

Kapigan kasiy itonda na sarayan propita ed pamalikdo rad saray totook diad panamegley na dilin tila ra?

Jeremias 23:32

Dengel yo so ibabagak, siak a Katawan! Sumpa ak ed saray propita a mangibabaga na saray kogip da a napnoy tila. Ibabaga da ra yan kogip da tan ibabalang da ray totook diad panamegley na saray panagtila ra tan panagpasirayew da. Ag ko ra imbaki odino ingganggan ya onla. Anggapon balut so nayarian dan itulong ed saray totoo. Siak, say Katawan, so nansalita.”

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Mateo 24:24

Ta dakel iray tila-tilan Cristo tan tila-tilan propita ya onsabi. Manggawa ray ankakabaleg a tanda tan pakelaw pian napalingo ra, no nayari, iray totoon piniliy Dios.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Saray Gawgawa 20:30

Onsabi met so panaon a wala rad sikayoy mantila a pamatombuk dad saray disipulo, pian nibalang da ra.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Taga Roma 16:18

Saratan a klasiy totoo et ag da panlilingkuray Criston Katawan tayo, no ag say dilin pilalek da. Lapud malamlamuyot tan masamsamit a pananalita ra, ibabalang da so kanunotan da ray totoon mainomay a natanggoyur.

TAGA-EFESO 4:14

Aliwa itayo lad satan a singa saray ogogaw a mainomay a natanggoyur na anggan anton bangat—a singa paraw ya iyaanur na daluyon tan ipapalig na dagem. Ag itayo la napalikdo na saray totoon masilib a mamalikdo tan mangibalang.

TAGA-EFESO 4:19

Anggapo lan balut so kababaingan da, saray bisio so lanang ya aarapen da, tan anggapoy adya ran manggagaway amin a mabanday iran bengatla.

2 Timoteo 3:5

Singa ra rilihiosa, balet ag nanengneng ed panagbilay da so pakayariy rilihion. Arawian mo ra yan klasiy totoo.

Puyan 16:14

Sikara yay ispiritu na dimonyon manggagaway milagro. Lalaen da a tiponen iray arari ed intiron mundo, ta milaban ira no onsabiy baleg ya agew na Dios a Makapanyarin-amin.