1 Timoteo 2:10 - Maung A Balita Biblia

¹⁰ Ingen nepeg a nanengneng ed sikaray maung iran gawgawa, ta sikato yay akbibit na bibiin ipapasen day laman dan dili a mananisia rad Dios.

Maung a Balita Biblia

¹⁰ Ingen nepeg a nanengneng ed sikaray maung iran gawgawa, ta sikato yay akbibit na bibiin ipapasen day laman dan dili a mananisia rad Dios.

1 Timoteo 2:10 Iomraidhean Croise

Probirbio 31:25

Mabiskeg tan gagalangen na katoowan tan anggapoy pagpaga to ed arapen a panaon.

Probirbio 31:31

Birbir mo lapud saray gagawaen to. Kanepegan toy pagalangan na amin a totoo.

Saray Gawgawa 9:36

Diad Jope wala met so sakey a biin mananisia a manngaray Tabita. (Diad salitay Grigo say ngaran to Dorcas, ya “sakey ya ulsa” so labay ton ibaga.) Anggapo lay arum a gagawaen to no ag say panggawa toy kamaungan tan panulong tod saray mairap-bilay.

Saray Gawgawa 9:39

Akilan tuay Pedro ed sikara. Kasabi to, inyakar dad samay kuarto ed tagey. Saray balon bibiin mannangnangis, minokut day Pedro, tan impapanengneng dad sikato ray kolibemben tan, kawekawes a ginagawa nen Dorcas nen mabilay ni.

TAGA-EFESO 2:10

Say Dios so Manamalsa tayo, tan diad pikakasakey tid Cristo Jesus pinalsa to itayo a manggaway maung iran gawa a say Dios imparaan to la ran sumpalen tayo.

1 Timoteo 2:11

Nakaukolan a mareen iray bibii no mantitipon iran manaral tan nakaukolan a sigput iran matoluk.

1 Timoteo 2:9

Labay ko met a masimpit, maalwar, tan duga ed panangawes iray bibii. Ag komun nambabangil so panangapiger dad buek da, ag ira manaalahas na balituk o pirlas, tan ag ira mansosolung na mabmabli ran kawes.

Tito 2:14

Imbagat to para sikatayo so bilay to, pian narondon to itayod amin a kaogsan tan pagmaliwen to itayon malinis a totoo, totoon sikato labat so akankayaryan tan mapaga rad panggaway kamaungan.

Tito 3:8

Sikato yay tuan bangat. Ipurek mo ra yan bengatla, pian saray mananisiad Dios et ompaga ran manggaway kamaungan. Maabig tan makana ra ya ed saray totoo.

1 Pedro 2:12

Nepeg a mambilay kayon masimpit ed pegley da ray aliwan mananisia. Anggaman a palsaan da kayon manggagaway kaogsan natan, nabirbir da met lamlamang so maung iran gawgawa yo tan diad ontan, igalang day Dios no Agew na isabi to.

2 Pedro 3:11

Lapud onyay pansumpalay amin a bengatla, nepeg a masanto so bilay yo tan nisaklang ed Dios,

Puyan 2:19

Amtak so gagawaen mo, say panangarom, say inkatoor mo, say panlilingkur mo, tan say inkaanos mo. Amtak a dakel ni natay gagawaen mo nen say ginagawam nen inmonan panaon.