1 TESALONICA 5:3 - Maung A Balita Biblia

³ No ikuay totoo, “Mareen tan anggapoy kaatapan,” biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

Maung a Balita Biblia

³ No ikuay totoo, Mareen tan anggapoy kaatapan, biglan onsabid sikaray kadederal. Ag ira makaliktar ta say isabi to et singa isabiy panagpasakit na biin magano lan mananak.

1 TESALONICA 5:3 Iomraidhean Croise

Say Libro nen Job 15:21

Makapataktakot iran tanul so narengel to, tan dogpaan na saray tutulisan no abaloan ton arawid kaatapan.

Say Libro nen Job 24:23

Nayarin say Dios pambilayen to ya arawid kaatapan, balet ag to alisay mata anggan kapigan.

Saray Salmo 35:8

Balet naderal iran ag da amta; naerel irad dilin patit da tan ompatey ira.

Saray Salmo 48:6

Asabian irad may baleg a takot tan segsegang, singa biin ngalngali la mananak,

Saray Salmo 55:15

Biglan ompatey komun iray kalaban ko; onla ra komun a mabilay ed pasen a panaayaman da ray inaatey! Say kaogsan walad kaabungan tan kapusoan da.

Saray Salmo 69:22

Saray ponsia ran baleg komuy pakaderalan da; saray masanton pista ra komun so pakataloan da!

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Isaias 20:6

No onsabiy tan a panaon, ibaga na saray totoon manaayam ed gilig na dayat na Filistia, ‘Nengneng yoy agawad saray totoo a nanmatalekan tayon mangyagel ed sikatayod impirador na Asiria! Panoy pakaliktar tayo?’”

Isaias 29:5

Jerusalem, amin da ray taga arum a bansan ondodogpad sika et singa ra dabuk ya ontikyab ed arawi, tan saray makapataktakot a sondalo ra et ontikyab iran singa taep. Insan diad ag iilaloan tan bigla-biglan nagawa,

Isaias 30:13

Nankasalanan kayo. Singa kayo sakey ya atagey a padir a linmetak manlapud tagey ya anggad leksab; ag mabayag bigla kayon nageba.

Isaias 47:11

Onsabid sikay deral, et anggapoy salamangkam a makapatondad saya. Biglan onsabid sikay desyang— say desyang ya ag mon balut inilaloan!

Isaias 47:9

Balet diad sakey a bekta, diad sakey ya agew, nagawa ra yan dua ed sika. Anggan antoy panggawam na amin a salamangka, nabalang moy asawam tan saray anak mo.

Isaias 56:12

Sarayan bueken kuanda, ‘Mangala tayoy alak tan maninom tayoy laba-labay tayo! Nabwas lalon maliket tayo, ta dakel niy alak a nainom tayo nen say natan.’”

Jeremias 13:21

Antoy ibagam no saray totoon abaloan mon kakaarom et dakepen tan oleyan da ka? Manirap kan singa biin manaanak.

Jeremias 14:19

Katawan, sigput so impangipolisay mod saray totood Juda? Kabosul mo ray totood Sion? Akin et mapalaloy impanugat mod sikami, kanyan ag kami la naabigan? Nampilalekan min nagamuray kareenan, balet anggapoy maabig a sinmabi; inilaloan min onabig kami, balet makapasinagem lalaingey sinmabi.

Jeremias 22:23

Maimeng kayon manaayam ed saray abung a ginawad tablan sidro a nanlapud Libano, balet pangaskasiyay kipapasen yo no dapoan kayoy kairapan, a singa kairapan a liliknaen na biin mampapasakit.

Jeremias 4:31

Akadngel ak na akis na singa biin mampapasakit lan mananak, eyag na sakey a biin mangibubuknak na pangulowan ton anak. Akis na Jerusalem ya abot-aboten toy linawa to, iyoonat toy lima to tan kuanto, “Pangaskasiyan ak! Onsasabi la ran mamatey ed siak!”

Jeremias 6:14

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Jeremias 6:24

“Nadngelan miy nipaakar ed balita,” kuan na saray totood Jerusalem, “et kinmolaney iray taklay mi; adetdetan kami na ontan lan kairapan, a singa kairapan na biin mampapasakit.

Jeremias 8:11

Gagalgalawen day pananambal dad sugat na saray totook; kuanda, ‘Maung ya amiy kipapasen,’ anta andi.

Ezekiel 13:10

“Papalikdoen na saray propita iray totook diad pangibabaga ran maung ya amin so pansumpalan. Balet petepeteg ya aliwan maung so pansumpalan! Aliwan malet a padir so impaalagey na saray totook, insan sinmabi ray propita tan tinapalan da na dena.

Oseas 13:13

Say Israel et walay pankanawnawa ton mambilay, balet sikatoy makulang-kulang ta ag to ya inanamut a pankanawnawa to—aliling toy sakey ya ogaw a ngalngali la omboknak ed eges na ina to, balet ag to labay so ompaway.

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Mateo 23:33

Ooleg tan anak na ooleg kayo! Panon yon naliktaray dusa ed impirno?

Juan 16:21

No mampasakit lay malokun a bii, maermen lapud asabi lay oras na panirap to. Balet no nianak lay ogaw, nalingwanan to lay kairapan to, lapud liket tod impaway ed mundo na sakey a too.

Saray Gawgawa 13:41

‘Nengneng yo, sikayon mabalaw! Onkelaw tan ompatey kayo! Ta say kimey a gagawaen kod panaon yo et ag yon balut napanisiaan, anggan walay mangipaliwawad sikayo!’”

Deuteronomio 29:19

Pampelengan yo ya anggapo diay anggan sakey ed sikayo ya onderengel ed sarayan pagagawa na Dios, a sisiaen tod sikaton dili a maung lawas so kipapasen to, anggaman a diad gaway awet na olo to et gawaen toy labay to. Pateyen kayo na satan a nagawa, sikayon amin, maung may maoges.

2 TESALONICA 1:9

Manlikna ray dusa, salanti say andi-anggaan a kaderal da tan say kiarawi rad arap na Katawan tan diad mapagalang a pakayari to.

Saray Hebreo 12:23

Sinmingger kayod maliket a tipon da ray pangulowan ya anak na Dios, a nisulat ed tawen iray ngaran da. Sinmingger kayod Dios a huis na amin a pinalsa, tan diad saray ispiritu na totoon matonung a nagmaliw iran ayadyari.

Saray Hebreo 2:3

Panon sirin a naliktaran tayoy dusa, no palpaolyan tayoy ontan lan kabaleg na kilalaban? Say Katawan so onaan ya angibawag na sayan kilalaban, tan saray akadngel ed sikato pinaneknekan dad sikatayo a tua ya.

2 Pedro 2:4

Ag pinirdonay Dios iray anghil a nankasalanan; imbantak to ra ingen ed impirno tan diman ira akolung ed ambilonget ya abut legan dan aalagdey Agew na Okum.

Saray Huis 8:11

Linmay Gedeon ed dalan a walad samput na kalawakan, diad bokig na Noba tan Jogbea, insan biniglaan ton dinogpaan ira may kalaban da.