1 TESALONICA 5:14 - Maung A Balita Biblia

¹⁴ Agagi, ipurek mid sikayo a bilin yo ray mangiras, pabiskeg yo ray mabaing, tulongan yo ray makapoy, tan anosan yo ran amin.

Maung a Balita Biblia

¹⁴ Agagi, ipurek mid sikayo a bilin yo ray mangiras, pabiskeg yo ray mabaing, tulongan yo ray makapoy, tan anosan yo ran amin.

1 TESALONICA 5:14 Iomraidhean Croise

Isaias 40:11

Asikasoen to ray karniro to a singa panagkomponi na pumapastol; tiponen to ray kordiro tan ampopoen to rad taklay to; anosan ton iwanwan iray kainaan da.

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Jeremias 6:12

Niiter ed saray arum iray kaabungan da; ontan met ed saray kaalogan da tan saray kaasawaan da. Dusaen ko ray totoo ed sayan dalin.

Ezekiel 34:16

“Anapen ko ray abalang, papawilen ko ray akaarawi, berberen ko ray asugat, tan tambalen ko ray mansasakit; balet deralen ko ray mataba tan mabiskeg, ta siak so pumapastol a manggagaway kaptekan.

Mateo 12:20

Ag to poteren so pikewet a tanobung, odino erepey makuykuyep lan lamparaan. Manseet ya anggad napanalo toy inkatonung:

Lucas 22:32

Balet Simon, impikasi ta kan ag naandiy pananisiam. No pinmawil lay pananisiam ed siak, pabiskeg moy linawa da ray agagim.”

Saray Gawgawa 20:27

Ta imbagak ed sikayoy amin a linaway Dios.

Saray Gawgawa 20:31

Kanyan manalwar kayo, tan ag yo lilingwanan a diad loob na taloy taon, labi may agew, andi-tondan binabangatan koy balang sakey ed sikayo, tan amayamay a lua so tinmeterter ed saray matak lapud saya.

Saray Gawgawa 20:35

Impanengneng kod sikayo a diad panamegley na onyan panagkimey, nepeg yon tulongan iray maniirap tan nunoten lawas so imbalikas na dilin Katawan a Jesus, ‘Lalon maliket so mangiter nen say mangawat.’”

Saray Taga Roma 12:1

Kanyan, agagi, lapud ontan lan panangasi na Dios, kerewen kon isaklang yon mabilay a bagat ed Dios so bilay yo, bagat a masanto tan makapaliket ed sikato. Sikato yay panangigalang yod Dios.

Saray Taga Roma 14:1

Awat yoy agi yon makapoy ed pananisia, balet ag kayo la misasangsangan ed sikato nipaakar ed dilin pakatalus to.

1 CORINTO 4:14

Isusulat ko ra ya, aliwan lapud labay ta kayon pabaingan, no ag ingen lapud labay ta kayon simbawaan, a singa ta kayo inararon anak.

1 CORINTO 8:7

Balet sayan katwaan ag amta na amin a katoowan. Wala ray niilwam lad saray talintaoy diriyos kanyan, anggad natan, no mangan iray imbagat ed talintaoy diriyos, abaloan dan kayaryan na talintaoy diriyos yan kakanen. Lapud makapoy so konsinsia ra, mapaga ra ta abaloan dan mankasalanan ira.

TAGA GALACIA 5:22

Balet say bungay Ispiritu et aro, liket, deen, anos, panangasi, kaabigan, katooran,

TAGA-EFESO 4:2

Lawas maoyamo, mapaabeba, tan maanos kayo komun. Ipanengneng yoy panangaro yo diad pantetepelan yo.

TAGA-EFESO 4:32

Ingen, mankakasiyan tan manaarowan kayo tan mampipirdonaan kayo, a singa impamirdonay Dios ed sikayo diad panamegley nen Cristo.

COLOSAS 1:28

Kanyan ipupulong miy Cristo ed amin a katoowan. Diad anggaay walan kakabatan mi, sisimbawaen tan babangatan miy amin a katoowan, pian say balang sakey niarap mi ya anggapoy pakabalawan ed sikato diad arap na Dios, lapud pikakasakey ed Cristo.

2 TESALONICA 3:15

Balet ag yo ipapasen a kalaban, no ag ingen simbawa yon singa agi.

1 Timoteo 3:3

Nakaukolan met ya aliwan buanges, aliwan maigaganon mangabil, no ag ingen maoyamo, labay toy mareen a bilay, tan aliwan lupay kuarta.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

2 Timoteo 4:2

ipulong moy salitay Dios, ipasoot mon ibaga ed anggan anton oras; mananggoyur, mamasnuk, manimbawa, tan mananos kan mambangat.

Tito 1:10

Ta dakel iray manusumlang ed sayan bangat tan papalikdoen da ray arum, diad panamegley na andi-kakanaan a salita ra. Judio ray karaklan ed sikara.

Tito 1:6

say matakken nepeg ya anggapoy pakabalawad sikato, sakey labat so asawa to, mananisia ray anak to, tan aliwa ran magolo-golo o benger.

Saray Hebreo 12:12

Kanyan itagey yo ray lima yon makolkolaney, tan pampetek yo ray pueg yon makapkapoy!

Saray Hebreo 13:3

Nunot yo ray apriso tan midamay kayod sikara, a singa kaiba yo rad prisowan. Nunot yo met iray napapairap, ta nayarin napairap kayo met.