1 TESALONICA 4:17 - Maung A Balita Biblia

¹⁷ Insan sikatayon mabilay naala itayon mitipon ed sikara diad kaloreman, tan onabet itayod Katawan diad liwang. Diad ontan, kaiba tayo lawas so Katawan.

Maung a Balita Biblia

¹⁷ Insan sikatayon mabilay naala itayon mitipon ed sikara diad kaloreman, tan onabet itayod Katawan diad liwang. Diad ontan, kaiba tayo lawas so Katawan.

1 TESALONICA 4:17 Iomraidhean Croise

1 Saray Arari 18:12

Antoy amtak no kataynan ko dia et awiten ka na ispiritu na Katawan ed pasen ya anggapoy mikabat? Insan mo ibagak ed kinen Acab a wadya ka tan ag to ka narumog, pateyen to ak. Nepeg mon nunoten a gagalangen koy Katawan nanlapu lad impanogaw ko.

2 Saray Arari 2:11

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

2 Saray Arari 2:16

tan kuanda, “Limamplo kami dian mabisbiskeg a lalaki. Abuloyan mo kamin onla, ta anapen miy amom. Angangko inyakar ed arawi na ispiritu na Katawan, insan to intilak ed sakey a toktok na palandey, odino diad sakey a patar a pasen.” “Andi, ag kayo oonla,” ebat nen Eliseo.

Saray Salmo 16:11

Ipaamtam ed siak so dalan a mamaarap bilay; say kiwawalam papanoen to ak na gayaga tan iitdan to ak na liket ya anggad angga.

Saray Salmo 17:15

Lapud matonung ak, nanengneng ta ka; no ombangon ak, say kiwawalam papanoen to ak na gayaga.

Saray Salmo 49:15

Balet dondonen ak na Dios; ilaban to ak ed pakayari na patey.

Saray Salmo 73:24

Iwawanwan ak na pananimbawam et diad kaonuran, mapagalang ya awaten mo ak.

Isaias 35:10

Magayaga ran makasabid Jerusalem, mangankanta tan maneyag-eyag irad liket da. Manliket iran ando lan ando, naandi lan anggad angga so ermen tan dageyem.

Daniel 7:13

Legan na sayan pasingayew ed labi, anengneng koy singa sakey a too. Onsisingger ed siak, ya aliber na saray lorem, tan linmad samay mambibilay ya anggad angga tan niparontal ed sikato.

Mateo 26:64

Inmebat si Jesus, “Sika lan dili so mangibabaga. Balet kuankod sikayon amin a manlapud natan, nanengneng yoy Anak na Too ya akayorung ed nikawanay Dios a Makapanyarin-amin. Nanengneng yo met ya onsasabin walad saray lorem na tawen!”

Marcos 14:62

Inmebat si Jesus, “On, siak, tan nanengneng yoy Anak na Too ya akayorung ed nikawanay Dios a Makapanyarin-amin. Nanengneng yo met naani ya onsasabin walad saray lorem na tawen!”

Juan 12:26

Siopamay manlingkur ed siak, nepeg to ak a tombuken, ta no iner so kawalaan ko diman met so kawalaan na aripen ko. Pagalangan na Amak so siopaman a manlingkur ed siak.”

Juan 14:3

Kayariy iyakar ko tan pangiparaan koy panayaman yo, ompawil ak dia, tan awiten ta kayo pian manayam kayo ed kawalaan ko.

Juan 17:24

“Ama! Labay kon nakaiba ed kawalaan ko ray inter mod siak, pian nanengneng day kagalangan ya inter mod siak, ta inaro mo ak kasakbayan ya apalsay mundo.

Saray Gawgawa 1:9

Kapangibaga to ya, niatagey ed tawen leleg dan nenengnengen, insan asaniban na lorem.

Saray Gawgawa 8:39

Kasakbit da, imbatik na Ispirituy Katawan si Felipe. Ag la anengneng na samay yunuko, tan maliket a linma la.

1 CORINTO 15:52

diad sakey a bekta, diad kakirem labat, no ontanul lay kaonuran a trumpita. Katanul na trumpita, saray inaatey paolien irad bilay tan ag la ra ompatey. Naoman itayon amin,

2 CORINTO 5:8

Mataletalek kami tan lablabay mi niy ontaynan ed sayan abung, a say laman, tan makapiayam ed abung na Katawan.

FILIPOS 1:23

sarayan duan pilalek. Labay ko komuy ontaynan lad sayan bilay pian napilimugan ko lay Cristo; amtak a maung ni ya.

1 TESALONICA 3:13

Pabiskegen tod satan so linawa yo, tan magmaliw kayon masanto tan anggapoy pakabalawan ed arap na Dios tan Ama tayo, no onsabiy Katawan tayon Jesus a kaiba ton amin iray totoo to.

1 TESALONICA 4:15

Say bangat na Katawan ya ibabaga mid sikayo, saya: diad agew na isabiy Katawan, sikatayon mabilay ni ag tayo naonaan iray inaatey la.

1 TESALONICA 4:18

Kanyan manliligliwaan kayo diad panamegley na sayan bangat.

1 TESALONICA 5:10

ya inatey para sikatayo pian nakaiba tayo, inatey man o mabilay itayo.

2 Pedro 3:13

Balet onung ed sipay Dios, manalagar itayoy balon katawenan tan balon dalin a panayamay katonungan.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.

Puyan 11:12

Kasumpal to ya, arengel na saramay duaran propita so maksil a bosis a nanlapud tawen ya inkuanto, “Segep kayo dia!” Sankanengneng iray kalaban da nen tinmagey irad tawen diad sakey a lorem.

Puyan 12:5

Nananak imay bii na sakey a laki, a sikatoy manoley ed amin a bansa diad panamegley na balatyang a bastun. Balet asamsam may ogaw tan niakar ed Dios tan diad trono to.