1 TESALONICA 1:7 - Maung A Balita Biblia

⁷ Kanyan nagmaliw kayon oliran na amin da ray mananisian taga Macedonia tan Acaya.

Maung a Balita Biblia

⁷ Kanyan nagmaliw kayon oliran na amin da ray mananisian taga Macedonia tan Acaya.

1 TESALONICA 1:7 Iomraidhean Croise

Saray Gawgawa 1:13

Sikara ya di Pedro, Juan, Santiago, Andres, Felipe, Tomas, Bartolome, Mateo, Santiago ya anak nen Alfeo, Simon a Patriota, tan si Judas ya anak nen Santiago. Kasabi rad abung a tutuloyan da, sinmegep ira tan linmoob irad sakey a kuarto.

Saray Gawgawa 16:12

Insan kami linmad Filipos, sakey a pasen ya ooleyan na Roma tan manonan siudad ed saman a distritoy Macedonia. Nanayam kami dian pigay agew.

Saray Gawgawa 18:1

Kasumpal to ya, tinmaynan lay Pablo ed Atenas tan linmad Corinto.

Saray Gawgawa 18:12

Nen si Galion so gobirnador na Acaya, nankakasakeyan da ray Judio ya inerel si Pablo tan inyakar dad korti.

Saray Gawgawa 19:21

Kasumpal ya agawa ra yan amin, ninunot nen Pablo ya onlan onla ed Jerusalem kasumpal ton ondalan ed Macedonia tan Acaya. “Kayari na iyakar kod Jerusalem,” inkuanto, “nakaukolan met ya onla ak ed Roma.”

Saray Taga Roma 15:26

Ta mabolbolus a nampapakna ray iglisiad Macedonia tan Acaya a mangiter iray tulong ed saray mairap-bilay a totooy Dios a wala rad Jerusalem.

2 CORINTO 1:1

Sayan sulat nanlapud kinen Pablo ya apostol nen Cristo Jesus lapud linaway Dios, tan nanlapu met ed agi tayon si Timoteo— Diad iglisia na Dios a walad Corinto, tan diad saray amin a totoon pinili na Dios a wala rad sakop na intiron Acaya:

2 CORINTO 9:2

Ta amtak a mabolbolus so linawa yon ontulong, tan ikikinon ta kayod saray taga Macedonia. “Saray agagid Acaya,” kuanko, “akaparaan la ra ya ontulong nen imbeneg a taon ni.” Et lapud seseg yo binmiskeg so linaway karaklan ed sikara.

1 TESALONICA 1:8

Ta diad panamegley yo aliwa labat a salitay Katawan so kinmayat ed Macedonia tan Acaya, no ag ingen pati say balitan nipaakar ed pananisia yod Dios so kinmayat ed amin a pasen. Ag la nakaukolan a mansalita kami niy nipaakar ed saya.

1 TESALONICA 4:10

Tan onyan tuay gagawaen yod amin da ray agagid intiron Macedonia. Anggaman ontan, kekerewen mi nid sikayo, agagi, ya aruman yo niy panangaro yo.

1 Timoteo 4:12

Ag mo aabuloyan a lemlemewen kay siopaman lapud kinaogaw mo. Ingen, sika komuy oliran da ray mananisia diad panagsalitam, kagagawam, panangarom, pananisiam, tan malinis a panagbilay mo.

Tito 2:7

Ipanengneng mo diad anggan anton pamaakaran, ya oliran kad maabig iran gawgawa. Nepeg a matoor kad panagbangat mo, tan ag mo gagalaw-galawen.

1 Pedro 5:3

Ag yo aaripenen iray nipaliman asikasoen yo, no ag ingen magmaliw kayon oliran na poluk na saray karniroy Dios.