1 TESALONICA 1:10 - Maung A Balita Biblia

¹⁰ Tan natan aalagaren yo ya onsabi a manlapud tawen so Anak to, a si Jesus a pinaoli tod bilay, tan sayan Jesus so mangilalaban ed sikatayo ed onsabin pasnuk na Dios.

Maung a Balita Biblia

¹⁰ Tan natan aalagaren yo ya onsabi a manlapud tawen so Anak to, a si Jesus a pinaoli tod bilay, tan sayan Jesus so mangilalaban ed sikatayo ed onsabin pasnuk na Dios.

1 TESALONICA 1:10 Iomraidhean Croise

Genesis 49:18

“Manalagar ak na panangilaban mo, Katawan.

Mateo 1:21

Mananak na laki. Jesus so ingaran mod sikato, ta sikatoy mangilaban ed saray totoo tod saray kasalanan da.”

Mateo 16:27

Ta onsabiy Anak na Too a walad sikatoy pakayari na Ama to, tan kaiba to ray anghil to. Diad satan met a bekta so pambayar tod balang too, onung ed gawgawa to.

Mateo 16:28

Tandaan yo ya! Wala ra diad sikayoy ag ompatey ya anggad ag da nanengneng so Anak na Too ya onsabin sakey ya Ari.”

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Lucas 2:25

Walay lakin manaayam ed Jerusalem a say ngaran to et Simeon. Matonung tan maasingger ed Dios yan too, tan aalagaren to a nilaban so Israel. Walad sikatoy Ispiritu Santo

Lucas 3:7

Dakerakel iray totoo a linman pabinyagan ed kinen Juan. Inkuantod sikara, “Sikayon anak na ooleg! Siopay angibagad sikayon ibatikan yoy onsabin sanuk na Dios?

Saray Gawgawa 1:11

“Sikayon lalaki a taga Galilea,” inkuanda, “akin et manalalagey kayon akatangay ed tawen? Sayan Jesus a nanlapud pegley yo tan niatagey ed tawen, et ompawil lamlamang a singa impakanengneng yod sikaton linma ed tawen.”

Saray Gawgawa 17:31

Ta wala lay inggana ton agew a panintinsia tod sankamundoan. Matonung so panintinsia to, diad panamegley na sakey a toon pinili to. Pinaneknekan to yad amin a katoowan nen pinaoli tod bilay yan too.”

Saray Gawgawa 2:24

Balet say Dios pinaoli tod bilay tan imbolus tod kairapan na patey, ta ag nayarin oleyan na pakayariy patey.

Saray Gawgawa 2:32

Sayan Jesus pinaolid bilay na Dios, tan tasi kamin amin ed sayan agawa.

Saray Gawgawa 3:15

Kanyan pinatey yoy Manamalsay bilay, balet say Dios pinaoli tod bilay; sikami ray tasi ed sayan agawa.

Saray Gawgawa 3:21

Nakaukolan a manayam nid tawen ya anggad panaon a napasimbalo ray amin a bengatla, onung na imbagay Dios nen saman ni, diad panamegley da ray masanton propita to.

Saray Gawgawa 4:10

nepeg yo ya amtaen tan amin a totood Israel, a manalalagey yan tood arap yo tan nagnap so inyabig to, lapud pakayari na ngaran nen Jesu-Criston taga Nazaret. Impasak yod krus, balet say Dios pinaoli tod bilay.

Saray Taga Roma 1:4

no nipaakar ed masanton inka-Dios to, nipaamta a sikatoy Anak na Dios diad panamegley na makapanyarin gawa, a salanti say inkioli tod bilay.

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Taga Roma 4:25

Pinatey si Jesus lapud saray kasalanan tayo, tan pinaolid bilay pian napaandi ray kasalanan tayod arap na Dios.

Saray Taga Roma 8:34

Siopay manintinsiay dusa ed sikara? Si Cristo Jesus kasi, ya inatey tan pinaolid bilay? Sikatoy walad nikawanay Dios tan ipipikasi to tayo ingen ed Dios!

1 CORINTO 1:7

kanyan amin a bindision aawaten yo, legan ya aalagden yon ompanengneng so Katawan tin Jesu-Cristo.

TAGA GALACIA 3:13

Dinondon to itayo nen Cristo manlapud samban iter na Ganggan nen sikatoy adusa a singa sakey ya nisamba para sikatayo; ta ibabagay Masanton Sulat, “Nisamba na Dios so siopaman a nibitin ed kiew.”

FILIPOS 3:20

Sikatayo balet, say tawen so tuan bansa tayo tan dimay panlapway Katawan a Jesu-Cristo, say Manangilaban tayo a pampilpilalekan tayon alagden.

COLOSAS 1:18

Si Cristo so olo na iglisia a laman to. Sikatoy nanlapwan na amiamin tan pangulowan ya Anak ya inmona-onan inmolid bilay, pian sikato so magmaliw a manona ed amin a ganagana.

1 TESALONICA 1:7

Kanyan nagmaliw kayon oliran na amin da ray mananisian taga Macedonia tan Acaya.

1 TESALONICA 2:16

Labay da ni ingen a patondaen kami ed pangipupulong mid saray Hintil na Maung a Balitan kilabanan da. Napno da lay bayung na kasalanan, kanyan sinmabin siansiay pasnuk na Dios ed sikara!

1 TESALONICA 2:7

anggaman a walay kanepegan min nadayew, lapud apostol kami nen Cristo. Balet inanosan mi kayo a singa panaanos na inan mangaasikasod saray anak to nen wadtan kamid sikayo.

1 TESALONICA 5:9

Ta say Dios ag to itayo ingganan nadusa, no ag ingen nilaban, diad panamegley na Katawan tayon Jesu-Cristo,

2 Timoteo 4:1

Bibilinen ta ka, diad arap na Dios tan arap nen Cristo Jesus a manintinsia ed saray mabilay tan saray inatey: lapud say isabi to tan say Panarian to, igaganggan ta kan

Tito 2:13

legan tin aalagden so iilaloan tayo—say maliket ya Agew a nipanengneng so kagalangay matalonggaring tayon Dios tan Manangilaban a Jesu-Cristo.

Saray Hebreo 10:27

Anggapo lay atilak no ag say itakot tayod panalagar na onsabin Okum tan say manliub ya apoy a mangoput ed saray onsumpad Dios!

Saray Hebreo 9:28

Ontan met, aminsan a nibagat si Cristo, pian nasakbat to ray kasalanan na amayamay a totoo. Mampanengneng a kumadwa, balet aliwan lapud kasalanan, no ag ingen lapud ilaban to ray manaalagar ed sikato.

1 Pedro 1:21

Diad panamegley to, manisia kayod Dios ya amaolid bilay tan amagalang ed sikato, et diad ontan niletneg ed Dios so pananisia tan ilalo yo.

1 Pedro 1:3

Nagalang komuy Dios tan Ama na Katawan tayon Jesu-Cristo! Lapud baleg a panangasiy Dios Ama, initdan to itayoy balon bilay diad panamegley na inkiolid bilay nen Jesu-Cristo. Sayan balon bilay so angiter ed sikatayoy mabilay ya ilalo,

1 Pedro 2:21

Say pantepel na kairapan et kabyangay impamili na Dios ed sikayo; ta nanirap met si Cristo lapud sikayo tan angitilak na oliran ya aligen yo.

1 Pedro 3:18

Ta inatey si Cristo ya amimpinsan para saray kasalanan, say anggapoy kasalanan para saray makasalanan, pian niasingger to itayod Dios. Inatey onung ed laman tan pinaolid bilay onung ed ispiritu.

2 Pedro 3:12

legan yon aalagdey Agew na Dios. Gawa yoy anggaay nayarian yo a mamaganod isabi na satan ya Agew, say Agew a kapoolan tan kaderal na saray katawenan tan, lapud petang, katonaw na saray bitewen, say agew, tan say bulan.

2 Pedro 3:14

Kanyan inararon agagi, legan yon aalagaren ira ya, gawa yoy anggaay nayarian yon mambilay na mareen, ya anggapoy dotak tan pakabalawan ed sikayo diad arap na Dios.

Puyan 1:18

Siak so mabilay! Inatey ak balet, nengneng mo, mabilay ak ya anggad angga. Walad silong na pakayarik so patey tan say Hadis.

Puyan 1:7

Nengneng yo, sikatoy onsabi a walad saray lorem! Nanengneng na amin a katoowan, anggan saray anoyuk ed sikato. Lapud sikato, onermen ya amin iray katoowad tapew na dalin. Peteg a nagawa! Amen.