1 Saray Awaran 3:2 - Maung A Balita Biblia

² Say kumatlo si Absalom ya anak tod kinen Maaca ya anak nen Talmai ya ari ed Gesur. Say kumapat si Adonias ya anak tod kinen Hagit.

Maung a Balita Biblia

² Say kumatlo si Absalom ya anak tod kinen Maaca ya anak nen Talmai ya ari ed Gesur. Say kumapat si Adonias ya anak tod kinen Hagit.

1 Saray Awaran 3:2 Iomraidhean Croise

2 Samuel 13:1

Si Absalom a lakin anak nen David et walay magangganan agi ton marikit a manngaray Tamar. Say sakey a lakin anak nen David a si Amnon et naibegan toy Tamar.

2 Samuel 14:23

Kanyan pinmikal si Joab, linmad Gesur tan pinapawil tod Jerusalem si Absalom.

2 Samuel 14:32

Inmebat si Absalom, “Ag ka ondago nen impatawag ta kan onla dia, pian nibaki ta kad ari ya ontepet diad ngaran ko: ‘Akin et tinaynan ko niy Gesur tan linma ak dia? Maung la laingen no ag ak inmalis diman.’” Intuloy nen Absalom so nansalita, “Gawam so polaing a pakapitongtong kod ari, tan no walay kasalanan ko, papatey mo ak ed sikato.”

2 Samuel 15:8

Nen manaayam ak ed Gesur, diad Siria, insipan kod Katawan a no papawilen to ak ed Jerusalem, igalang ko ed Hebron.”

2 Samuel 18:14

“Ag ko la darakey panaon kod sika,” kuanen Joab. Angalay taloran pika, insan to ra impika ed pagew nen Absalom, nen mabilay nin mambitbitay ed tagey na kiew a robli.

2 Samuel 18:18

Legan na impanbilay nen Absalom angipaalagey na monuminto to diad Patar na Ari, ta anggapoy anak ton laki a mangituloy na ngaran to. Ngaran ton dili so inngaran tod samay monuminto, et anggad sayan agew tatawagen na Monuminto nen Absalom.

2 Samuel 18:33

Agaylay ermen na ari. Linmad kuarton walad tagey na puirta. Legan ton oonla, manakakis tan kuanto, “O anak ko! Anak kon Absalom, anak ko! Siak la komuy inatey, aliwan sika, O anak ko! Absalom, anak ko!”

2 Samuel 3:3

Kileab, a say ina to et si Abigail a balo nen Nabal a taga Carmel; Absalom, a say ina to et si Maaca ya anak nen Ari Talmai a taga Gesur;

2 Samuel 3:4

Adonias, a say ina to et si Hagit; Sefatias, a say ina to et si Abital;

1 Saray Arari 1:5

Si Adonias ya anak di David tan Hagit et yogtan nen Absalom tan mapalaloy inkaguapo ton laki. Ag balut apampasnukan nen David, tan pirawat toy magmaliw ya ari. Angiparaan la na saray ikana ton karwahi tan saray kabayo tan limamplon lalaki a mangolup ed sikato.

1 Saray Arari 2:22

“Akin et kekerewen yon iter kod sikatoy Abisag?” tepet na ari. “Kerew yo met ni laingen ya iter ko met ed sikatoy trono. Andi-bali ta sikatoy pangulowan ko, tan walad diking to si Abiatar a pari tan si Joab!”

1 Saray Awaran 2:23

Balet adakep na saray nanarian na Gesur tan Aram so anemaplon baley, pati saray ooleyan nen Jair tan Kenat, tan saray kaliber-liber a baley. Kabyangay boleg nen Makir ya ama nen Galaad iray amin a totoon manaayam ed sarayan baley.

1 Saray Awaran 3:1

Sikara yay lalakin anak nen David a nianak irad Hebron. Say sankapangulowanan si Amnon ya anak tod kinen Ahinoam a Jezreelita. Say kumadwa si Daniel ya anak tod kinen Abigail a Carmelita.

1 Saray Awaran 3:3

Say kumalima si Sefatias ya anak tod kinen Abital. Say kumanem si Itream ya anak tod kinen Egla.

Josue 13:13

Balet saray Israelita ag da pinataynan iray totood Gesur tan Maaca; manaayam ni rad Israel ya anggad natan.