1 Saray Awaran 21:2 - Maung A Balita Biblia

² Ingganggan nen David si Joab tan saray arum a pangulo na saray sondalo, “Laka yod intiron dalin na Israel, manlapud Beer-seba a sakey a ketegan na bansa ya anggad Dan a sananey a ketegan, ta bilang yo ray totoo. Labay kon naamtaan so karakel da.”

Maung a Balita Biblia

² Ingganggan nen David si Joab tan saray arum a pangulo na saray sondalo, Laka yod intiron dalin na Israel, manlapud Beer-seba a sakey a ketegan na bansa ya anggad Dan a sananey a ketegan, ta bilang yo ray totoo. Labay kon naamtaan so karakel da.

1 Saray Awaran 21:2 Iomraidhean Croise

Genesis 21:14

Diad kabkabwasan ed ontombuk ya agew, initdan nen Abraham si Agar na kakanen tan supot a katat a napnoy danum. Inlira to ra ya tan samay ogaw ed beneg nen Agar, insan to la ra pinasiput. Tinmaynan si Agar, insan nanakar-akar ed kalawakan na Beer-seba.

2 Samuel 17:11

Say simbawak sirin et say panipon mod amin ya Israelita, manlapud baley na Dan ya anggad baley na Beer-seba, a singa ra karakel na buer ed dayat; insan sikan dili so mangipangulod pibakal da.

2 Samuel 24:15

Kanyan say Katawan angibaki na salot ed Israel a ginmapod saman a kabwasan ya anggad panaon a tinandaan to. Manlapud Dan a sakey a ketegan na bansa ya anggad Beer-seba a sananey a ketegan, pitomplon libon Israelita iray inaatey.

1 Saray Arari 4:25

Legan ton nambilay, arawid kaatapan iray totood Juda tan Israel; balang pamilya wala ray tanaman ton ubas tan kakiewan ya igos.

2 Saray Awaran 30:5

kanyan inimbitaan da ray amin ya Israelita, manlapud Dan ed baybay ya anggad Beer-seba diad abalaten, ya onla ran amin ed Jerusalem ta silibraan day Paskua onung ed Ganggan, pian lalon dakel ira nen saray totoo ed inmoonan impansilibra ra.

Probirbio 29:23

Say panagpaatagey mangipelag ed sika, balet no mapaabeba ka, napagalangan ka.

2 CORINTO 12:7

Balet pian ag ak lalon mampaatagey lapud saray impuyan ed siak na Dios a makapakelaw iran bengatla, naitdan ak na sakit a liliknaey laman ko, a pinagkalewet nen Satanas a pamairap tod siak, pian ag ak magmaliw a mapaatagey.

Saray Huis 20:1

Amin da ray totood Israel, manlapud Dan diad baybay ya anggad Beer-seba diad abalaten tan manlapud Galaad diad bokig, et inmebat irad tawag a mibakal ira. Nantitipon iran singa saksakey iran laman diad arap na Katawan diad Mizpa.

1 Samuel 3:20

Kanyan amta na amin a totood Israel, manlapud baley na Dan ya anggad baley na Beer-seba, a tuan propita na Katawan si Samuel.