1 Saray Awaran 16:3 - Maung A Balita Biblia

³ tan binunogan to ran amin na kakanen. Initdan toy balang sakey a laki tan bii ed Israel na sakey a tinapay, sakey a tegteg ya inkalut a karni, tan pigaran pasas.

Maung a Balita Biblia

³ tan binunogan to ran amin na kakanen. Initdan toy balang sakey a laki tan bii ed Israel na sakey a tinapay, sakey a tegteg ya inkalut a karni, tan pigaran pasas.

1 Saray Awaran 16:3 Iomraidhean Croise

1 Saray Arari 3:15

Abangon si Solomon, insan to naamtaan ya akisalitad sikato so Dios diad panamegley na kogip. Insan linmad Jerusalem, nanalagey ed arap na Kaban na Sipanan na Katawan tan angisaklang ed Katawan na bagat a popoolan tan say bagat a para kareenan. Kayari to ya, nanggaway baleg a ponsia a para saray amin ya opisyal to.

1 Saray Awaran 16:2

Kayariy impangibagat nen David, binindisionan tod ngaran na Katawan iray totoo,

1 Saray Awaran 16:4

Tinoro nen David iray pigaran Levita a mangipanguloy pikakasi, pisasalamat, tan panangidayew ed Dios na Israel, diad arap na Kaban na Sipanan.

2 Saray Awaran 30:24

Angiter si Ari Ezekias na sanlibon bakan kalakyan tan piton libon karniro ed saray totoo ta pateyen tan kanen da; angiter met ed sikara iray opisyal na sanlibon bakan kalakyan tan samplon libon karniro. Amayamay iray paparin nanlinis na sikaran dili onung ed ganggan.

Nehemias 8:10

Sempet ki la ta mampista kayo. Iyapag yod saray kulang so paraan iray kakanen tan alak yo. Masanto yan agew ed Katawan tayo, kanyan ag kayo maneermen. Pabiskegen kayo na liket ya iter ed sikayo na Katawan.”

Kanta nen Solomon 2:5

Pakan mo ak na saray pasas, pian ombiskeg ak tan paligsam so liknaan ko diad pamakan mod siak na saray mansanas! Makapoy ak lapud panangaro.

Isaias 16:7

Onnangis iray taga Moab lapud saray gunigon a liliknaen da. Onakis iran amin diad pakanunot dad saray taganon mananam ya inaakan dad siudad na Kirhareset. Naekalan iray ilalo.

Ezekiel 45:17

Kanepegan na prinsipi so mangiter na saray ayayep ya isaklang a bagat a popoolan, saray trigon ibagat, tan saray alak ya ibagat a para intiron bansa na Israel no Pista na Balon Bulan, no Agew na Panagpainawa, tan no arum iran pista. Sikatoy nepeg a mangiter na saray bagat a para kasalanan, saray bagat a trigo, saray bagat a popoolan, tan saray bagat a para kareenan, a mangekal na saray kasalanan da ray totood Israel.”

Oseas 3:1

Say Katawan kuantod siak, “Laka lamet, ta arom iman a biin mikakalugoran ed sakey a laki. Nepeg mon aroen a singa panangarok ni ed saray totood Israel, anggaman a sinmingger irad arum a diriyos tan labalabay day mangyapay na saray bagat a pasas ed saray talintaoy diriyos.”

1 Pedro 4:9

Balang sakey ed sikayo nepeg a sililiket a mamatuloy ed abung to na agi to.