1 Saray Arari 9:9 - Maung A Balita Biblia

⁹ Onebat iray totoo, ‘Lapud inkaindan na saray totoo so Katawan a Dios da, ya angipaway ed saray lalaki ra ed dalin na Egipto. Sinmingger irad arum a diriyos tan sikara yay inggalang tan nanlingkuran da. Kanyan inter na Katawan yan kaogsan ed sikara.’”

Maung a Balita Biblia

⁹ Onebat iray totoo, Lapud inkaindan na saray totoo so Katawan a Dios da, ya angipaway ed saray lalaki ra ed dalin na Egipto. Sinmingger irad arum a diriyos tan sikara yay inggalang tan nanlingkuran da. Kanyan inter na Katawan yan kaogsan ed sikara.

1 Saray Arari 9:9 Iomraidhean Croise

1 Saray Arari 18:18

“Aliwan siak so managgunigon,” ebat nen Elias. “Sika—sika tan si amam. Ag mo oonuren iray ganggan na Katawan tan igagalang mo ray talintao nen Baal.

2 Saray Arari 22:17

Impolisay da ak tan nambabagat irad saray arum a diriyos, kanyan impanpasnuk da ak lapud amin a ginagawa ra. Pinmetang so olok ed Jerusalem, tan ag ombetel.

2 Saray Awaran 29:8

Lapud saya akapasnuk so Katawan ed Juda tan Jerusalem, et nikelawan tan ataktakot so balang sakey lapud ginawa tod sikara. Malinlinew so pakaamta yod sayan inkagawa.

2 Saray Awaran 7:22

Onebat iray totoo, ‘Lapud inkaindan na saray totoo so Katawan a Dios da, ya angipaway ed saray lalaki ra ed dalin na Egipto. Sinmingger irad arum a diriyos, tan sikara yay inggalang tan nanlingkuran da. Kanyan inter na Katawan yan kaogsan ed sikara.’”

Jeremias 2:19

Dusaen ka na dilin kaogsan mo; deralen ka na impangikaindan mod siak. Naamtaan mo no panoy kapaitan tan kaogsan na pangikaindan ed siak a Katawan a Dios mo, tan say ag mo pansiansian matoor ed siak. Siak, say Katawan a Dios a Makapanyarin-amin, so nansalita.”

Jeremias 22:8

“Ag mabayag amayamay iray taga arum a bansa ya ondalan tan mantetepetan ira no akin et siak, say Katawan, ginawak so onya ed sayan matalonggaring a siudad.

Jeremias 44:23

Sinmabid sikayo yan deral natan, lapud nambabagat kayod saray arum a diriyos tan nankakasalanan kayod Katawan diad ag yo impangonur ed amin da ray ganggan to.”

Jeremias 5:19

No tepeten da no akin et ginawak ira yan amin a bengatla, ibagam ed sikara, Jeremias, a no kaonungay impangikaindan dad Katawan tan impanlingkur dad saray diriyos da ray arum a bansa, ontan met so panlingkur dad saray totoo na bansa ya ag da dalin.”

Jeremias 50:7

Dinodogpaan ira na amin ya akalmod sikara. Saray kalaban da kuanda, ‘Aliwan maoges so ginawa tayod sikara, tan nankasalanan irad Katawan. Nanmatalek ed Katawan iray lalaki ra, kanyan nepeg komun a nansiansian matoor irad sikato.’

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

Deuteronomio 29:23

Saray kaalogan et magmaliw iran andi-kakanaan, atabunan na asumpri tan asin; ag nataneman na anggan dinan a tanaman, tan anggapoy anggan dika ya ontobo. Say dalin yo et magmaliw a singa saray siudad na Sodoma tan Gomorra, singa Adma tan Zeboiim a dinederal ira na Katawan nen mapalaloy pasnuk to.