1 Saray Arari 9:4 - Maung A Balita Biblia

⁴ No panlingkuran mo ak diad katooran tan kasantosan a singa impaglingkur nen amam a David tan onuren mon amin iray bilin tan saray ganggan ko,

Maung a Balita Biblia

⁴ No panlingkuran mo ak diad katooran tan kasantosan a singa impaglingkur nen amam a David tan onuren mon amin iray bilin tan saray ganggan ko,

1 Saray Arari 9:4 Iomraidhean Croise

Genesis 17:1

Nen mantaoy siamaplo tan siam si Abram, pinmanengneng ed sikato so Katawan tan inkuanto, “Siak so Dios a Makapanyarin-amin. Toluk kad siak tan gawam lawas so kamaungan.

Genesis 20:5

Si Abraham a dili so angibagad siak ya agi toy Sara, tan imbaga met nen Sara ya agi toy Abraham. Malinis so konsinsiak a nanggawad saya, tan anggapoy maoges a ginawak.”

2 Samuel 22:22

Tinoluk koy ganggan na Katawan; ag ko imbeneg so Dios ko.

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

1 Saray Arari 11:4

et masiken la nen naayat dan mangigalang ed saray diriyos na arum a bansa. Ag to naaligay ama ton David a matoor ed Katawan a Dios to.

1 Saray Arari 11:6

Nankasalanan ed Katawan, kanyan ag to naaligay ama ton David a matoor ed Katawan.

1 Saray Arari 14:8

Inekal koy nanarian ed saray kabyangay boleg nen David tan inter kod sika. Balet ag mo naaligan si aripen kon David a sigput so inkatoor tod siak, inonur to ray ganggan ko, tan say matonung labat so ginawa to ed arap ko.

1 Saray Arari 15:5

Ginagawa ya na Katawan, lapud ginawa nen David iray makapaliket ed sikato tan ag ton balut sinumlang iray ganggan to, likud ed samay ginawa to ed Urias a Heteo.

1 Saray Arari 3:14

Et no mambilay ka onung na linawak, no onuren mo ray ganggan tan saray bilin ko a singa ginawa nen amam a David, itdan ta ka na andokey a bilay.”

1 Saray Arari 3:3

Inaro nen Solomon so Katawan tan sinumpal to ray bilibilin nen ama ton David, balet nampapatas met na saray amayamay ya ayayep tan imbabagat to rad nandoroman altar.

1 Saray Arari 3:6

Inmebat si Solomon, “Balbaleg a panangaroy inter mod kinen amak a David ya aripen mo, ta maung, matoor, tan matonung so impanbilay tod arap mo. Intuloy mo nin inter ed sikato yan baleg tan ag naoman a panangaro diad impangiter mod sikatoy sakey ya anak a lakin manooley natan a kasalat to.

1 Saray Arari 6:12

“No onuren mo ray ganggan tan saray bilin ko, sumpalen kod sikay insipan kod kinen amam a David.

1 Saray Arari 8:25

Et natan, Katawan a Dios na Israel, pikasik ed sika a sumpal mo pa ni may sakey ya insipan mod amak a David nen inkuan mod sikaton wala lawas so kabyangay boleg ton manari ed Israel, no saray kabyangay boleg to et mapeleng iran mangonur ed sika a singa impangonur tod sika.

2 Saray Arari 20:3

“Nunot mo pa, Katawan, a matoor tan masimoon so impanlingkur kod sika, tan sinumpal ko lawas iray labay mon pagawad siak.” Insan inggapo toy nanakis na ampaipait.

2 Saray Awaran 17:4

Nanlingkuran toy Dios nen ama to, inonur to ray ganggan na Dios, tan ag to nambilay na singa impanbibilay na saray ararid Israel.

Saray Salmo 101:2

Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

Saray Salmo 128:1

Maliket ya amin iray matoluk ed Katawan, saray mambibilay ya onung ed saray ganggan to.

Saray Salmo 15:2

Say toon oonuren toy Dios, tan kamaungan lawas so gagawaen to, tua tan napanmatalkan iray salita to,

Saray Salmo 26:1

Katawan, ibawag mo pan anggapoy kasalanan ko, ta maung iray gagawaen ko tan sigput so panmamatalek kod sika.

Saray Salmo 26:11

Siak balet, maung so gagawaen ko; kasian tan ilaban mo ak pa!

Saray Salmo 78:72

Nilingwanan nen David so sikaton dili diad impangasikaso tod sikara, tan maabig so impangiwanwan to.

Probirbio 10:9

Arawid kaatapan iray totoon maptek so panagbilay da, balet naerel iray totoon pikewet so panagbilay da.

Probirbio 20:7

Mapalar iray anak a say ama ra et matwa tan gagawaen toy kaptekan.

Probirbio 28:18

Mambilay kan maptek, et arawi kad kaatapan. No pikewet so panagbilay mo, bigla kan napelag.

Ezekiel 18:9

Oonuren to ray ganggan ko tan aapigeren ton sumpalen iray bangat ko. Sayan too so tuan matonung, et sikatoy mambilay,” kuay Katawan a Dios.

Zacarias 3:7

say Katawan a Makapanyarin-amin kuanto: “No onuren mo ray ganggan ko tan sumpalen mo ray kimey a nipabetang ed sika mansiansia kan makaoley ed Timplok tan diad saray patio to, tan dengelen ko ray pikakasim a singa pandedengel kod pikakasi da ray anghil a manaayam ed kawalaan ko.

Lucas 1:6

Matonung so pambibilay dan dua ed arap na Dios, tan diad panusumpal dan amiy ganggan tan bilin to, anggapoy pakabalawan ed sikara.

Deuteronomio 28:1

“No onuren yo so Katawan a Dios tan matoor yon sumpalen iray ganggan to ya iiter kod sikayo natad sayan agew, pagmaliwen to kayon matalonggaring nen saray arum a bansa ed tapew na dalin.