1 Saray Arari 9:10 - Maung A Balita Biblia

¹⁰ Duamploy taon ya impaalagey nen Solomon so Timplo tan say palasio to.

Maung a Balita Biblia

¹⁰ Duamploy taon ya impaalagey nen Solomon so Timplo tan say palasio to.

1 Saray Arari 9:10 Iomraidhean Croise

1 Saray Arari 3:1

Akigampiy Solomon ed ari na Egipto, lapud impangasawa nen Solomon ed anak na ari. Inyakar to yan asawa to ed Siudad nen David, tan impanayam tod man ya anggad asumpal ton impaalagey so palasio to, say Timplo, tan say padir ed kaliber-liber na Jerusalem.

1 Saray Arari 6:37

Diad bulan na Sib, say kumadwan bulan na kumapat a taon na panooley nen Solomon, niletneg so pundasion na Timplo.

1 Saray Arari 6:38

Diad bulan na Bul, say kumawalon bulan na kumalabinsakey a taon na panooley nen Solomon, asumsumpal a nipaalagey so Timplo onung na implano. Pitoy taon ya impaalagey nen Solomon so Timplo.

1 Saray Arari 7:1

Impaalagey met nen Solomon so palasio to, tan asumpal na labintaloy taon.

1 Saray Arari 9:1

Kayarin impaalagey nen Ari Solomon so Timplo tan say palasio to tan amin nin arum a nilabay ton impaalagey,

1 Saray Arari 9:11

Si Ari Hiram na Tiro so angiter ed sikato na amin a kiew a sidro tan saleng tan amin a balituk a kinaukolan tod sayan kimey. Nen asumpal la ran nipaalagey, initdan nen Ari Solomon si Hiram na duamplon baley a walad sakop na dalin na Galilea.

Esdras 5:11

“Inebatan da kami, ‘Sikami ray aripen na Dios na tawen tan dalin, tan ipapaalagey mi lamet so Timplon inmonan impaalagey na sakey a makapanyarin ari na Israel a sikato met so angyan na saray kagawaan to nen abayag lan panaon.