1 Saray Arari 8:57 - Maung A Balita Biblia

⁵⁷ Miayam komun ed sikatayo so Katawan a Dios tayo, a singa impiayam tod saray lalaki tayo; ag to itayo komun taynanan o kaindanan;

Maung a Balita Biblia

⁵⁷ Miayam komun ed sikatayo so Katawan a Dios tayo, a singa impiayam tod saray lalaki tayo; ag to itayo komun taynanan o kaindanan;

1 Saray Arari 8:57 Iomraidhean Croise

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Isaias 8:10

Mamplano kayo, balet ag kayo mampalabo. Tongtong yo lay labay yon tongtongen, balet andi-kakanaan ya amin iray tongtongen yo, lapud walad sikami so Dios.

Mateo 1:23

“Manlokun so sakey a birhin, tan mananak na laki a tawagen day Emmanuel” (a say labay ton ibaga: “Say Dios walad sikatayo”).

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Deuteronomio 31:17

No ontan so nagawa mampasnuk ak ed sikara; ikaindan ko ra, et ompatey ira. Amayamay so ondalan ed sikaran makapataktakot a deral, et nabirbir da ya agawa ra yad sikara lapud andi ak lad sikara, siak a Dios da.

Deuteronomio 31:6

Pabiskeg yoy linawa yo tan manmatalek kayo. Ag yo ra tatakotan. Olupen kayo na Katawan a Dios yo. Ag to kayo paolyan o ikaindan.”

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

Saray Hebreo 13:5

Nepeg ya aliwa kayon lupay kuarta, tan pasarag yoy walad sikayo. Ta inkuay Dios, “Ag ta kan balut paolyan o taynan.”

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Josue 24:23

Insan inkuanen Josue ed sikara, “Ibantak yo sirin iray diriyos na arum a bansa a walad sikayo, tan isipan yon matoor kayo ed Katawan a Dios na Israel.”

1 Samuel 12:22

Sinambaan na Katawan ya ag to kayo ikaindan, ta ginetma to lan pagmaliwen kayo a totoo to.